ᤔᤠᤱᤛᤣᤒᤢᤱ ॥ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱᤅᤠᤣ ᥇᥈ ᤕᤧᤴᤍᤣᤀᤠᤱᤎᤠᤣ ᤕᤠᤰᤌᤢᤱ ᤐᤠᤏ᤻ᤍᤠᤱᤅᤡᤴ ᤜᤠᤱᤛᤜᤠᤱᤕᤢᤰᤁᤡᤒᤠ ᤕᤠᤶᤈᤠᤣᤒᤠ ᤐᤠᤏ᤻ ᤀᤢᤴᤏᤡᤱ ᤏᤢ ᤛᤠᤣᤖᤡᤰ ᤀᤠᤣᤃᤠᤵ ᤐᤠᤣᤅ᤻ᤔᤠ ᤜᤣᤁ᤻ᤋᤠᤀᤠᤱᤘᤠ ॥
ᤁᤠᤵᤔᤣᤐᤠ ᤗᤠ ᥇᥈ ᤕᤧᤴᤎᤣᤗ᤻ᤗᤧ ᤕᤠᤶᤔᤠ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱ. ᤐᤠᤱᤓᤣ᤹ ᤕᤠᤔ᤻ᤈᤠᤣᤁ᤻ ᤛᤜᤠᤱᤕᤢᤰᤀᤠᤣ ᤐᤕᤶᤔᤠᤒᤠ ᤌᤡᤶᤒᤣ᤹ ᤋᤱᤃᤠᤶᤔᤠᤣ ᤐᤠᤱᤓᤣ᤹ᤗᤢᤱ ᤌᤠᤣᤛᤢᤍᤡᤶᤠᤒᤠ ᤜᤧᤔᤴᤋ᤻ ᤖᤠᤀᤡᤖᤧ ᤀᤡᤱᤓᤏ᤻ ᤙᤰ ᤏᤡᤖᤢᤀᤠᤱ ᤕᤠᤰᤌᤢᤱ ᤐᤠᤏ᤻ᤏᤡᤴ ᤜᤠᤱᤛᤜᤠᤱᤕᤢᤰᤁᤡᤒᤠ ᤕᤠᤰᤈᤠᤣᤒᤠ ᤀᤡᤱᤓᤏ᤻ ᤆᤠᤣᤃᤢᤏᤢ ᤛᤠᤣ᤻ᤖᤡᤰ ᤌᤡᤰ ᤕᤠᤣᤈᤠᤏᤠ ᤋᤧᤶᤛᤠᤵ ᤆᤠᤣᤁ᤻ᤁᤡ ᤁᤢᤜᤣᤁ᤻ᤛᤡᤱ ᤐᤠᤣᤂᤠᤀᤠᤱ ᤘᤕᤠ ॥ ᤏᤧᤐᤠᤗ᤻ᤒᤠ ᤑᤠᤱᤏᤠᤶᤓᤣ᤹ ᥈᥆᥍᥈. ᤋᤧᤴᤏᤡᤒᤠ ᤜᤠᤱᤕᤢᤰ ᤀᤡᤈᤠᤁ᤻ ᤀᤣᤣᤏ᤻ ᤏᤢ ᤋᤧᤴᤏᤡᤒᤠ ᤜᤠᤱᤛᤜᤠᤱᤕᤢᤰᤗᤧ ᤕᤠᤔ᤻ᤒᤰ ᤏᤡᤔᤡ ᥈᥈ ᤀᤡᤛᤡᤰ ᤋᤧᤴᤏᤡᤒᤠ ᤜᤠᤱᤛᤜᤠᤱᤕᤢᤰᤁᤠᤣ᤹ᤀᤠᤣ ᤕᤠᤰᤌᤢᤱ ᤐᤠᤏ᤻ᤍᤠᤱᤀᤡᤴ ᤜᤠᤱᤕᤠᤶᤈᤠᤣᤒᤠ ᤏᤠᤘᤠᤠᤀᤠᤣ ᤀᤠᤣᤃᤠᤵ ᤁᤧᤈᤠᤣᤁ᤻ᤐᤠ᤻ ᤌᤡᤰᤛᤡᤃᤣᤁ᤻ᤐᤠ ᤛᤠᤵᤔᤢᤴᤎᤢᤶᤔᤡᤒᤠ ᤐᤠᤣᤂᤠᤀᤠᤱ ᤘᤠ ॥ ᤀᤡᤱᤓᤏ᤻ ᤐᤠᤣᤂᤠᤒᤠ ᤕᤧᤴᤏᤠᤱᤎᤠᤣ ᤛᤜᤠᤱᤕᤢᤰᤁᤠᤣ ᤀᤠᤣᤃᤠᤵ ᤁᤧᤒᤠᤣᤅ᤻ ᤛᤰᤛᤠᤵᤗᤧᤴ ᤁᤢᤎᤣᤃᤣᤁ᤻. ᤛᤜᤠᤱᤕᤢᤰ ᤁᤢᤛᤣᤏ᤻. ᤐᤎᤠᤐ᤻ᤐᤠ ᤏᤠᤘᤠᤒᤠ ᤆᤡᤃᤰᤘᤠᤜᤠ᤹ ᤁᤡᤖᤠᤋ᤻ ᤙᤰᤛᤣ ᤕᤠᤰᤌᤢᤱ ᤐᤠᤏ᤻ᤍᤠᤱ ᤗᤠᤶᤒᤠ ᤀᤠᤣᤃᤵ ᤐᤠᤣᤅ᤻ᤒᤠ ᤏᤢ ᤛᤠᤣ-ᤛᤠᤣᤖᤡᤰ ᤐᤠᤱᤓᤣ᤹ᤗᤢᤱ ᤁᤢᤍᤡᤶᤒᤠ ᤐᤠᤣᤖᤠᤰ ᤛᤜᤠᤱᤕᤢᤰ ᤏᤢ ᤏᤡᤛᤠᤶᤜᤡᤶᤔᤠᤣᤀᤠᤱ ᤀᤠᤣᤃᤵ ᤐᤠᤣᤅ᤻ᤒᤠ ᤀᤢᤴᤏᤡᤱ ᤐᤠᤣᤂᤠᤀᤠᤱ ᤘᤠ ॥
ᤕᤠᤰᤌᤢᤱ ᤐᤠᤏ᤻ᤏᤡᤴ ᤜᤠᤱᤛᤜᤠᤱᤕᤢᤰᤁᤡᤒᤠ ᤏᤠᤘᤠᤀᤠᤣ ᤕᤠᤶᤈᤠᤣᤒᤠ ᤐᤠᤣᤂᤧᤒᤠ ᤁᤴ ᤛᤠᤵᤔᤢᤴᤎᤢᤶᤔᤡᤒᤠ ᤌᤡᤶᤒᤣ᤹ᤀᤡᤴ ᤁᤠᤣᤛᤡ ᤂᤠᤶᤄᤢᤒᤠ ᤌᤢᤶᤒᤠ ᤐᤖᤛᤢ ᤖᤠᤔ ᤂᤠᤐᤢᤱ ᤗᤠᤶᤒᤠ ᤛᤢᤏᤠᤜᤴ ᤏᤢ ᤐᤠᤣᤎᤰ ᤐᤠᤣᤂᤠᤀᤠᤱ ᤘᤕᤠ ॥ ᤁᤴ ᤌᤡᤶᤒᤣ᤹ᤀᤠᤣ ᤒᤠᤴᤋᤠᤘᤠ ᤐᤠᤏ᤻ᤒᤠ ᥇-᥋ ᤒᤠ ᤏᤡᤇᤠᤵᤐᤠᤣᤏᤠ. ᤈᤏ᤻ᤐᤪᤋᤡᤏᤡᤎᤡᤖᤧᤴ ᤏᤡᤛᤢᤶ ᤛᤠᤵᤐᤏ᤻. ᤀᤡᤛ᤻ᤌᤠᤏᤡᤕ ᤐᤠᤌ᤻ᤕᤁᤪᤶ ᤏᤢ ᤕᤖᤡᤰ ᤏᤠᤘᤠᤒᤠ ᤏᤠᤈᤶ ᤌᤡᤶᤒᤣ᤹ ᤐᤠᤣᤂᤠᤀᤠᤱ ᤘᤕᤠ ॥ ᤛᤠᤵᤔᤢᤴᤎᤢᤶᤔᤡᤒᤠ ᤌᤡᤶᤒᤣ᤹ᤀᤠᤣ ᤀᤡᤱᤛᤠᤵᤐᤠ ᤖᤠᤔ᤻ ᤕᤠᤣᤅ᤻ᤜᤠᤱ. ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤛᤸᤗᤠᤁᤠᤖ ᤔᤠᤣᤜᤏ᤻ᤛᤡᤱ ᤌᤣᤒᤣ. ᤆᤢᤗᤠᤆᤢᤗᤡ ᤐᤠᤱᤓᤣ᤹ᤗᤢᤱ ᤌᤠᤣᤛᤢᤍᤡᤶᤒᤠ ᤖᤠᤈᤧᤴᤍᤪ ᤁᤣᤖᤢᤱ ᤏᤢ ᤈᤡᤸᤗᤠ ᤛᤔᤴᤘᤕ ᤛᤔᤡᤋᤡ ᤌᤠᤣᤛᤢᤍᤡᤶᤒᤠ ᤈᤕ ᤐᤪᤁᤠᤛ ᤖᤠᤀᤡᤖᤧ ᤏᤠᤣᤅᤡᤱᤘᤠ ᤐᤠᤏ᤻ ᤔᤧᤕᤢᤰᤂᤢᤀᤠᤱ ᤘᤕᤠ ॥ ᤌᤡᤶᤒᤣᤀᤠᤣ ᤗᤠᤶᤍᤠᤁ᤻ ᤐᤠᤏ᤻ ᤑᤠ᤹ᤌᤠᤣᤛᤢᤍᤡᤶᤒᤠ ᤒᤡᤏᤠᤣᤍ ᤏᤧᤶᤒᤠᤱᤖᤧ ᤐᤠᤋᤢᤀᤠᤱ ᤘᤕᤠ ॥ ᤕᤖᤡᤰ ᤛᤢᤘᤠᤱ ᤔᤧᤕᤢᤱᤒᤠ ᤔᤠᤱᤛᤣᤒᤢᤱᤅᤠᤣ ᤕᤠᤰᤌᤢᤱ ᤛᤠᤰᤌᤡᤶᤔᤡᤒᤠ ᤏᤢ ᤛᤠᤣ-ᤛᤠᤣᤖᤡᤰ ᤗᤠᤂᤣ ᤗᤠᤅ᤻. ᤏᤣᤣᤔᤋᤡ ᤒᤠᤈᤠ ᤏᤢ ᤕᤖᤡᤰ ᤐᤖᤡᤰᤐᤠ ᤗᤠᤅ᤻. ᤛᤠᤶᤗᤠᤣᤜᤠᤱ ᤀᤠᤣᤛᤧᤴᤍᤱ ᤐᤠᤣᤂᤠᤀᤠᤱ ᤘᤕᤠ ॥ ᤁᤴ ᤛᤠᤵᤔᤢᤴᤎᤢᤶᤔᤡᤒᤠ ᤌᤡᤶᤒᤣ᤹ᤀᤡᤴ ᤁᤡᤖᤠᤋ᤻ ᤕᤠᤠᤰᤌᤢᤱ ᤐᤠᤏ᤻ᤍᤠᤒᤠ ᤜᤠᤱᤛᤜᤠᤱᤕᤢᤰᤁᤡᤒᤠ ᤕᤠᤶᤈᤠᤣᤋᤢᤶᤒᤠ ᤛᤢᤏᤡᤗ᤻ ᤛᤣᤖ᤻ᤔᤠᤖᤧ ᤀᤡᤈᤠᤁ᤻ ᤆᤠᤣᤃᤢᤀᤠᤱ ᤘᤕᤠ ॥
ᤕᤠᤰᤌᤢᤱ ᤐᤠᤏ᤻ᤍᤠᤀᤡᤴ ᤜᤠᤱᤛᤜᤠᤱᤕᤢᤰᤐᤠ ᤏᤠᤘᤠᤀᤠᤣ ᤀᤠᤣᤃᤠᤵ ᤆᤠᤣᤁ᤻ᤔᤠ ᤌᤡᤶᤗᤧ ᤁᤢᤜᤣᤁ᤻ᤛᤡᤱ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱ ᤗᤠᤶᤒᤠᤀᤣ ᤐᤠᤣᤂᤠᤒᤠᤖᤠᤣ ॥ ᤌᤡᤰᤛᤡᤃᤣᤁ᤻ᤀᤠᤣ ᤕᤰᤗᤢᤰ ᤂᤠᤏᤡ ᥋ ᤗᤠᤶᤒᤠ ᤕᤧᤴᤏᤡᤋ᤻ ᥈᥆᥍᥋ ᤛᤧᤴᤇᤧᤪᤱᤗᤠ ᥇᥉ ᤕᤧᤴᤎᤣᤀᤠᤱᤎᤠᤣ ᤀᤢᤴᤏᤡᤱ ᤐᤠᤣᤅ᤻ᤅᤡ ᥈᥆᥍᥌ ᤛᤧᤴᤇᤧᤪᤱᤗᤠ ᥇᥉ ᤕᤧᤴᤎᤣᤀᤠᤱᤎᤠᤣ ᤕᤠᤶᤈᤠᤣᤒᤠ ᤕᤢᤰᤛᤡᤱ ᤐᤠᤣᤂᤠᤀᤠᤱ ᤆᤰᤔᤧᤶᤒᤢ᤹ ᤐᤠᤣᤂᤠᤖ ᤕᤠᤒᤠᤖᤠᤣ ॥ ᤔᤠᤱᤛᤣᤒᤢᤱᤗᤧᤴ ᤔᤠᤗᤠᤶᤔᤡᤴ ᤋᤡᤁ᤻ᤋᤢᤖ ᤏᤧᤳ ᤋᤱᤒᤣ ᤀᤣᤃᤠᤱ ᥈᥆᥍᥎ ᤀᤡᤸᤗᤧ ᤆᤢᤗᤠᤆᤢᤗᤡ ᤕᤰᤗᤰ ᤂᤠ. ᥇ ᤀᤠᤣ ᤔᤠᤠᤱᤛᤣᤒᤢᤱ ᤜᤧᤰᤁᤣᤀᤣ ᤕᤰᤗᤰᤁᤠᤣ ᤕᤠᤰᤌᤢᤱ ᤐᤠᤏ᤻ᤏᤡᤴ ᤜᤠᤱᤛᤜᤠᤱᤕᤢᤰᤐᤠ ᤐᤠᤏ᤻ᤍᤠᤖᤧ ᤏᤠᤠᤘᤠᤀᤠᤣ ᤀᤢᤴᤏᤡᤱ ᤆᤠᤣᤃᤢᤖ ᤀᤠᤣᤃᤠᤵᤔᤠ ᤜᤧᤁ᤻ᤋᤢᤀᤠᤱ ᤘᤕᤠ ॥ ᤂᤧᤴ ᤀᤣᤃᤠᤱ ᤁᤢᤶᤔᤠᤕᤰ ᤐᤠᤱᤓᤣ᤹ᤗᤢᤱᤅ ᤕᤰᤗᤰ ᤂᤠ. ᥇ ᤀᤠᤣᤀᤠᤱ ᤐᤠᤜᤧᤰᤁᤣᤖᤡᤰᤁᤣ ᤀᤢᤴᤏᤡᤱ ᤏᤢ ᤀᤠᤣᤃᤠᤵ ᤐᤠᤣᤅ᤻ᤗ ᤘᤠ ॥
ᤕᤠᤰᤌᤢᤱ ᤐᤠᤏ᤻ᤍᤠᤱ ᤏᤢ ᤛᤠᤵᤛᤰ ᤔᤧᤴᤍᤱᤍᤱ ᤌᤠᤣᤒᤠᤣ ᤐᤠᤣᤅ᤻ᤗᤀᤣ ᤘᤠ ॥ ᤕᤠᤰᤌᤢᤱᤒᤠ ᤕᤖᤡᤰ ᤏᤡᤛᤠᤶᤛᤠ ᤁᤧᤘᤠᤒᤠ ᤏᤡᤛᤠᤶᤜᤡᤶ ᤕᤖᤡᤰᤁᤠᤣ᤹ᤀᤠᤣ ᤕᤠᤰᤌᤢᤱ ᤐᤠᤏ᤻ᤍᤠᤀᤡᤴ ᤛᤰᤏᤡᤶ ᤐᤠᤣᤅ᤻ᤗ ᤘᤠ ॥ ᤕᤠᤰᤌᤢᤱ ᤏᤢ ᤔᤣᤣᤌᤡᤗᤡ ᤐᤠᤏ᤻ᤍᤠᤀᤡᤴ ᤁᤠᤣᤛᤡ ᤂᤠᤶᤄᤢᤒᤠ ᤐᤕᤶ ᤂᤰᤋᤠᤱᤖᤧ ᤔᤧᤒᤠᤐ᤻ᤐᤠ ᤐᤠᤏ᤻ᤖᤠᤣ ॥ ᤂᤧᤸᤗᤧ ᤆᤠᤣᤃᤢᤸᤗᤧ ᤓᤠᤛᤠ ᤀᤠᤕᤠᤣᤃ᤻ ᤗᤠᤶᤒᤠ ᤁᤠᤣᤛᤡ ᤂᤠᤶᤄᤢᤀᤠᤣ ᤕᤠᤰᤌᤢᤱ ᤏᤢ ᤔᤣᤣᤌᤡᤗᤡ ᤐᤠᤏ᤻ᤏᤡᤴ ᤛᤜᤠᤱᤕᤢᤰᤐᤠ ᤜᤠᤱᤕᤠᤶᤈᤠᤣᤒᤠ ᤐᤠᤏ᤻ᤖᤧ ᤏᤠᤘᤠᤀᤠᤣ ᤀᤠᤣᤃᤠᤵ ᤆᤠᤣᤁ᤻ᤔᤠᤖᤧ ᤑᤠ᤹ᤀᤠᤱ ᤆᤶᤍᤡᤱ ᤆᤠᤣᤃᤢᤀᤠᤱ ᤘᤠ ॥ ᤀᤰᤂᤧᤗ᤹ᤖᤡᤰ ᤐᤠᤱᤓᤣ᤹ᤗᤢᤱᤜᤠ᤹ᤀᤠᤣ ᤜᤠᤱᤛᤜᤠᤱᤕᤢᤰᤁᤡᤒᤠ ᤕᤠᤶᤈᤠᤣᤒᤠ ᤐᤠᤏ᤻ᤖᤧ ᤏᤠᤘᤠᤀᤠᤣ ᤕᤠᤰᤌᤢᤱ ᤐᤠᤏ᤻ᤏᤡᤴ ᤀᤠᤣᤃᤵᤔᤠᤖᤧ ᤁᤠᤣᤛᤡ ᤂᤠᤶᤄᤢᤀᤠᤣ ᤜᤠᤸᤗᤧᤰ ᤕᤠᤏ᤻ᤏᤡ ᤁᤢᤀᤡᤁ᤻ᤘᤠ ᤜᤴᤍᤢᤖ ᤗ᤹ᤖᤡᤰ. ᤕᤠᤰᤌᤢᤱ ᤐᤠᤏ᤻ᤒᤠ ᤌᤠᤣᤒᤠᤣᤖᤧ ᤜᤣᤁ᤻ᤕᤠᤔ᤻ᤒᤠᤜᤠ᤹ ᤌᤡᤰᤜᤢᤵ ᤐᤠᤣᤅ᤻ᤅᤡ ᤋᤃᤡ ᤐᤠᤣᤔᤠ ᤛᤢᤈᤠ ᤘᤠᤖᤠᤣ ॥
