ᤌᤧᤖᤧᤱᤏᤠᤶ ᥇ ᤔᤠᤱᤛᤣᤒᤢᤱ / ᤕᤠᤰᤌᤢᤱ ᤛᤠᤰᤌᤡᤶᤔᤡᤒᤠ ᤛᤠᤶᤗᤠᤣᤖᤧ ᤛᤠᤶᤗᤠᤣ ᤛᤣᤁ᤻ᤑᤢᤱ ( ᤕᤠᤰᤌᤢᤱ ᤑᤰᤋᤠᤱᤗᤢᤱ ᤛᤣᤁ᤻ᤑᤢᤱ -᥉) ᤀᤤᤴᤏᤠᤱᤎᤠᤣ ᤁᤢᤜᤣᤁ᤻ᤛᤡᤱ ᤐᤠᤣᤂᤠᤀᤠᤱ ᤘᤠ ॥
ᤁᤡᤖᤠᤋ᤻ ᤕᤠᤰᤌᤢᤱ ᤆᤠᤣᤛᤠᤶᤒᤠ/ᤔᤠᤖᤧ ᤏᤠᤈᤶᤔᤡᤒᤠ ᤆᤢᤶᤓᤠᤣ ᤑᤰᤋᤠᤱᤗᤢᤱ ᤛᤠᤰᤌᤡᤶᤔᤡᤒᤠ ᤀᤢᤘᤠᤍᤧᤴ ᤔᤢᤖᤢᤶᤃᤧᤏ ᤆᤢᤶᤓᤠᤣ ᤗᤠᤶᤒᤠ ᤀᤡᤈᤠᤁ᤻ ᤁᤧᤒᤠᤣᤅ᤻ᤒᤠ ᤁᤴ ᤛᤣᤁ᤻ᤑᤢᤱ -᥉ ᤀᤡᤴ ᤒᤡᤁᤪᤶ ᤋᤱᤒᤣ ᥈᥆᥎᥇ ᤌᤧᤖᤧᤱᤏᤠᤶ ᥇ ᤏᤠᤶᤔᤠᤱᤎᤠᤣ ᤀᤴᤗᤠᤀᤡᤏ᤻ ᤀᤍᤡᤛᤏ᤻ ᤜᤴᤒᤠ ᤌᤠᤣᤛᤢᤍᤡᤶᤒᤠ ᤐᤢᤷᤏ ᤁᤢᤔᤠᤖ ᤛᤣᤖ᤻ᤔᤠ ᤕᤠᤍᤏᤖᤧ ᤀᤡᤱᤈᤢᤶᤛᤧ ᤌᤡᤶᤒᤣ᤹ᤀᤠᤣ ᤐᤠᤋᤢᤀᤠᤱ ᤘᤠᤕᤠ ॥
ᤆᤢᤶᤓᤠᤣᤖᤧ ( ᤕᤠᤰᤌᤢᤱ ᤛᤠᤶᤗᤠᤣ ᤛᤠᤶᤗᤠᤣᤖᤡᤖᤠᤣ, ᤛᤠᤶᤗᤠᤣᤀᤡ ᤗᤠᤣᤀᤡ ᤗᤠᤶᤗᤠᤣᤖᤡᤖᤠᤣ ॥ ) ᤁᤧᤖ᤹ᤒᤠ ᤋᤠᤖᤠᤵᤐᤡᤒᤠ ᤛᤠᤶᤗᤠᤣᤏᤢ ᤛᤠᤣᤛᤠᤣᤖᤡᤰ ᤑᤰᤋᤠᤱᤗᤢᤱ ᤛᤠᤰᤌᤡᤶᤔᤡᤒᤠ ᤛᤣᤁ᤻ᤑᤢᤱ ᥇ ᤏᤢ ᥈ ᤐᤏᤠᤣᤖᤡᤰ ᤀᤡᤈᤠᤁ᤻ ᤏᤢ ᤛᤠᤣᤛᤠᤣᤖᤡᤰ ᤁᤴ ᤛᤢᤕᤧᤶᤔᤠᤣ ᤑᤰᤋᤠᤱᤗᤢᤱ ᤛᤠᤰᤌᤡᤶᤔᤡᤒᤠ ᤛᤠᤶᤗᤠᤣ ᤛᤣᤁ᤻ᤑᤢᤱ – ᥉, ᤐᤠᤣᤅ᤻ᤗ ᤐᤳ ॥ ᤌᤠᤣᤛᤢᤍᤡᤶᤒᤠᤖᤧ ᤐᤠᤋᤢᤒᤠ ᤀᤡᤛᤡᤰ ᤀᤤᤴᤏᤠᤱᤎᤠᤣ ᤁᤢᤜᤣᤁ᤻ᤛᤡᤱ ᤁᤧᤒᤠᤣᤅ᤻ᤒᤠ ᤛᤣᤁ᤻ᤑᤢᤱᤗᤣ ᤀᤴᤗᤠᤀᤡᤏ᤻ ᤀᤍᤡᤛᤏ᤻ ᤀᤡᤴ ᤁᤠᤵᤔᤣᤐᤠ ᥇ ᤏᤠᤶ ᤎᤠᤖᤡᤰ ᤀᤡᤈᤠᤁ᤻ ᤐᤠᤣᤅ᤻ᤒᤠ ᤘᤠ ॥ ᤀᤍᤡᤛᤏ᤻ᤀᤠᤣ ᤛᤠᤵᤋᤠᤣᤏ᤻ ᤐᤠᤣᤅ᤻ᤔᤠᤠᤖᤧ ᤑᤠ᤹ᤀᤠᤱ ᤀᤠᤳᤋᤡᤴᤇᤠᤱ ᤕᤠᤰᤌᤢᤱ ᤛᤠᤶᤗᤠᤣ ᤛᤠᤶᤗᤠᤣᤐ᤻ᤔᤠᤀᤠᤱ ᤘᤠᤳᤀᤣᤐ᤻ ᤕᤠ ᤔᤣᤗᤀᤠᤣ ᤜᤠᤱᤔᤠ ᤁᤧᤒᤠᤣᤅ᤻ᤒᤠ ᤘᤠ ॥
ᤌᤠᤀᤡᤱᤖᤧ ᤑᤠ᤹ᤀᤠᤱ ᤕᤠᤰᤌᤡᤱ ᤛᤠᤰᤌᤡᤶᤔᤡᤒᤠ ᤛᤠᤶᤗᤠᤣ ᤛᤣᤁ᤻ᤑᤢᤱ -᥉ ᤖᤧ ᤏᤡᤔᤡ
ᤀᤴᤗᤠᤀᤡᤏ᤻ ᤛᤣᤁ᤻ᤛᤡᤱ ᤛᤠᤵᤋᤠᤣᤏ᤻ – ᥈᥆᥎᥇ ᤌᤧᤖᤧᤱᤏᤠᤶ ᥇ ᤀᤠᤱᤎᤠᤣ ᤁᤠᤵᤔᤣᤐᤠ ᥇ ᤌᤠᤖᤡᤰ
ᤀᤴᤗᤠᤀᤡᤴ ᤀᤍᤡᤛᤏ᤻ ᤁᤠᤵᤔᤣᤐᤠ ᥇᥋ ᤏᤠᤶᤀᤠᤱᤎᤠᤣ ᤌᤰᤔᤣᤐᤠ ᥇᥋ ᤌᤠᤖᤡᤰ ᥇᥋ ᤐᤎᤠᤐ᤻ᤐᤠ ᤛᤣᤁ᤻ᤛᤡᤱ ॥
ᤀᤴᤗᤠᤀᤡᤏ᤻ ᤗᤠᤶᤒᤠ ᤔᤢᤖᤢᤶᤃᤧᤴ ᤀᤍᤡᤛᤏ᤻ ᥇᥋ ᤀᤠᤱᤎᤠᤣ ᥇᥆ ᤕᤠᤵᤔᤡ ᤔᤧᤒᤠᤣᤅ᤻ᤗ ᤌᤠᤖᤡᤰ
ᤗᤠᤀᤡᤓ ᤀᤍᤡᤛᤏ᤻ – ᤐᤎᤠᤐ᤻ᤐᤠ ᥇᥋ ᤈᤏᤠ ᤀᤠᤣᤏᤢ ᥇᥆ ᤛᤣᤁ᤻ᤔᤠᤛᤡ
ᤋᤧᤴ – ᤀᤡᤗᤠᤶ ᤐᤠᤱᤈᤢᤶᤒᤠ ᤑᤣᤪᤴᤛ ᤜᤠᤣᤋᤗᤀᤠᤣ ॥
ᤕᤧᤴᤏᤡᤋ᤻ -᥈᥆᥎᥇ ᤛᤡᤛᤣᤁ᤻ᤐᤠ ᤀᤠᤣ ᤁᤠᤩᤶᤐᤡᤏ᤻ – ᤔᤢᤴᤎᤢᤶᤔᤡ ᤋᤧᤴ ᤋᤣᤖᤌᤢᤶᤔᤠᤣ ᥇ ᤗᤠ ᤌᤠᤖᤡᤰ ᤔᤢᤴᤎᤢᤶᤔᤡ ᤛᤱᤃᤡᤏ᤻ ( ᤀᤡᤁ᤻ᤗᤠ ) ᤌᤣᤛᤣᤁ᤻ᤐᤠ ᥇ ᤀᤠᤱᤎᤠᤣ ᤛᤡᤛᤣᤁ᤻ᤖᤠᤣ ᥇ ᤌᤠᤖᤡᤰ
ᤑᤠᤀᤡᤏᤗ ᤖᤠᤀᤡᤏ᤻ᤍ ᥈᥆᥎᥇ ᤛᤡᤛᤣᤁ᤻ᤖᤠᤣ ᥋ ᤏᤠᤶᤀᤠᤱᤎᤠᤣ ᥈᥆ ᤏᤠᤶᤎᤠᤖᤡᤰ ᤐᤠᤏ᤻ᤌᤖ ᤌᤢᤶᤀᤠᤣ ᥇᥆ ᤛᤣᤁ᤻ᤛᤡᤱ ᤁᤧᤒᤠᤣᤅ᤻ᤒᤠᤜᤠ᤹ ᤕᤁ᤻ᤘᤠᤍᤱ ᤐᤖᤡᤰᤐᤠ ᤐᤠᤏ᤻ᤍᤠᤜᤠ᤹ᤀᤠᤣ ᤗᤠᤶᤒᤠᤰ ᤂᤢᤶᤒᤠᤰ ᤆᤠᤣᤁ᤻ᤔᤠᤛᤡ ॥ ᤛᤣᤁ᤻ᤑᤢᤱ ᤌᤡᤰᤛᤡᤃᤣᤁ᤻ᤐᤠ. ᤏᤡᤛᤡᤃᤣᤁ᤻ᤐᤠ. ᤛᤢᤶᤛᤡᤃᤣᤁ᤻ᤐᤠ ᤏᤢ ᤛᤠᤴᤋᤠᤘᤏᤠ ᤀᤢᤴᤏᤡᤱ ᤆᤠᤣᤁ᤻ᤔᤠ ॥
ᤌᤡᤰᤛᤡᤃᤣᤁ᤻ᤐᤠᤖᤧ – ᥋ ᤗᤠᤱᤅᤧᤴ ᤕᤠᤱ ᤏᤢ ᤀᤍᤡᤕᤠᤣ ᤀᤣᤸᤒᤶ ᤆᤠᤣᤁ᤻ᤔᤠᤶ. ᤘᤣ᤹ᤗᤠᤈᤣ᤹ ᤛᤠᤰᤌᤡᤶᤔᤡᤒᤠ ᤋᤠᤰᤁᤴ . ᤋᤪᤑᤡ . ᤔᤧᤍᤗ ᤏᤢ ᤐᤪᤔᤠᤱᤃᤡ ᤙᤰ ᤂᤠᤣᤒᤠ ᤘᤠ ॥
ᤏᤡᤛᤡᤃᤣᤁ᤻ᤐᤠᤖᤧ -᥈ ᤗᤠᤱᤅᤧᤴ ᥋᥆ ᤜᤧᤴᤇᤡᤱ ᤕᤠᤱ. ᥊ ᤀᤍᤡᤕᤠᤣ ᤛᤠᤶᤗᤠᤣ ᤆᤠᤣᤁ᤻ᤔᤠ. ᤘᤣ᤹ᤗᤠᤈᤣ᤹ ᥈ ᤀᤠᤣ ᤛᤠᤰᤌᤡᤶᤔᤡᤒᤠ ᤋᤠᤰᤁᤴ ᤏᤢ ᤋᤪᤑᤡ ᤔᤣᤍᤗ ᤛᤠᤣᤖᤡᤰ ᤐᤪᤔᤠᤱᤃᤡᤙᤰ ᤂᤠᤣᤛᤢᤒᤠ ॥
ᤛᤢᤶᤛᤡᤃᤣᤁ᤻ᤐᤠᤖᤧ -᥇ ᤗᤠᤱᤅᤧᤴ ᥈᥋ ᤜᤧᤴᤇᤡᤱ ᤕᤠᤱ ᤹ ᥉ ᤀᤍᤡᤕᤠᤣ ᤛᤠᤶᤗᤠᤣ. ᥇ ᤘᤣ᤹ ᤗᤠᤈᤣ᤹ᤀᤠᤣ ᤛᤠᤰᤌᤡᤶᤔᤡᤒᤠ ᤋᤠᤰᤁᤴ ᤏᤢ ᤋᤪᤑᤡ ᤔᤣᤍᤗ ᤛᤠᤣᤖᤡᤰ ᤐᤪᤔᤠᤱᤃᤡᤙᤰ ᤂᤠᤣᤛᤢᤒᤠ ॥
ᤛᤠᤴᤋᤠᤘᤏᤠᤖᤧ -᥌᥆ ᤜᤧᤴᤇᤡᤱ ᤕᤠᤱ ᥈ ᤛᤠᤶᤗᤠᤣ ᤆᤠᤣᤁ᤻ᤔᤠ ᤏᤢ ᤋᤪᤑᤡ ᤔᤣᤍᤗ ᤛᤠᤣᤖᤡᤰ ᤐᤪᤔᤠᤱᤃᤡᤙᤰ ᤂᤠᤣᤛᤢᤒᤠ ॥ ᤛᤠᤣ-ᤛᤠᤣᤖᤡᤰ ᥇᥆ ᤛᤡᤃᤠᤱᤒᤠ ᥌ ᤖᤧ ᤀᤠᤱ ᤗᤌᤡᤰ ᤗᤌᤡᤰ ᤛᤠᤶᤗᤠᤣ ᤆᤠᤣᤁ᤻ᤔᤠ ᤔᤧᤄᤠᤣᤛᤢᤒᤠ ᤘᤠ ॥
