ᤆᤧᤖᤧᤱᤏᤠᤶ ᥆᥌ ᤔᤠᤱᤛᤣᤒᤢᤱ/ ᤁᤡᤖᤠᤋ᤻ ᤛᤠᤶᤕᤠᤣ ᤔᤠᤱᤛᤣᤘᤠᤛᤠᤒᤠ ᤔᤢᤈᤠᤣᤗᤢᤱ ᤐᤠᤴᤈᤢᤶᤓᤠᤣ ᥈᥌ ᤛᤡᤃᤣᤁ᤻ᤐᤠ ᤌᤢᤰᤛᤡᤱ ᤋᤠᤱᤏᤠᤶ ᤏᤢ ᤆᤠᤣᤔᤧᤴ ᤛᤣᤘᤠ ᤌᤡᤶᤒᤣ᤹ ᤆᤢᤖᤣᤀᤠᤱ ᤘᤠ ॥
ᤁᤡᤖᤠᤋ᤻ ᤛᤠᤶᤕᤠᤣᤖᤧ ᤔᤢᤖᤢᤶᤃᤧᤴ ᤋᤧᤴ ᤔᤠᤱᤛᤣᤒᤢᤱ ᥋, ᤀᤡᤗᤠᤶᤀᤠᤣ ᤑᤠᤣᤖᤠᤒᤠ ᤕᤧᤴᤗᤧ ᤁᤧᤁᤠᤣᤅ᤻ᤒᤠ ᤌᤡᤶᤒᤣᤀᤠᤣ ᤁᤡᤖᤠᤋ᤻ ᤛᤠᤶᤕᤠᤣᤀᤠᤣ ᤕᤖᤡᤰ ᤑᤠᤣᤛᤠᤒᤠ ᥉ ᤛᤠᤶᤍᤠᤱᤃᤧᤴ ᤘᤠᤖᤢᤶᤛᤠᤒᤠᤜᤠ᤹ ᤏᤠᤈᤶᤀᤠᤱ ᤐᤠᤣᤂᤠ ᤀᤠᤱ ᤘᤕᤠ ॥ ᤏᤠᤈᤶ ᤁᤧᤒᤠᤣᤅ᤻ᤒᤠ ᤛᤠᤶᤍᤠᤱᤃᤧᤴ ᤘᤠᤖᤢᤶᤛᤠᤒᤠᤜᤠ᤹ ᤁᤡᤖᤠᤋ᤻ ᤛᤠᤶᤕᤠᤣ ᤔᤢᤈᤠᤣᤗᤢᤱ ᤔᤠᤴᤈᤢᤶᤓᤠᤣᤖᤧ ᤋᤃᤡᤒᤠ ᤛᤜᤠᤱᤔᤡᤒᤠ ᤔᤠᤱᤛᤣᤒᤢᤱ ᤁᤧᤕᤢᤱᤒᤠ ᤜᤖᤡᤁᤢᤔᤠᤖ ᤀᤠᤱᤒᤢᤜᤠᤱ. ᤔᤠᤱᤛᤣᤒᤢᤱ ᥉ ᤁᤧᤕᤢᤱᤒᤠ ᤋᤃᤡᤒᤠ ᤔᤢᤈᤠᤣᤗᤢᤱ ᤐᤠᤴᤈᤢᤶᤓᤠᤣᤒᤠ ᤐᤠᤛᤡᤱ ᤓᤰᤋᤒᤜᤠᤍᤢᤖ ᤛᤠᤶᤒᤠ ᤏᤢ ᤁᤢᤀᤡᤛᤡᤰ ᤕᤢᤰᤐᤢᤱ ᤁᤧᤕᤢᤱᤒᤠ ᤎᤏ᤻ᤏᤠᤖᤠᤕᤏ᤻ ᤔᤠᤍᤧᤴ ᤗᤡᤶᤒᤢ ᤔᤧᤘᤕᤠ ॥
ᤁᤡᤖᤠᤋ᤻ ᤆᤠᤣᤋ᤻ᤗᤢᤱ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱᤃᤧᤴᤏᤠ ᤛᤣᤘᤠ ᤛᤔᤡᤋᤡᤒᤠ ᤑᤠ-ᤌᤠᤣᤛᤢᤍᤡᤶᤒᤠ ᤜᤠᤣᤔ᤻ᤒᤜᤠᤍᤢᤖ ᤗᤡᤱᤍᤧᤴᤖᤧ ᤋᤢᤶᤋᤖᤣᤀᤠᤣ ᤁᤧᤒᤠᤣᤅ᤻ᤒᤠ ᤌᤡᤶᤒᤣ᤹ᤀᤠᤣ ᤐᤎᤠᤐ᤻ᤐᤠ ᤋᤖᤣᤒᤠ ᤋᤢᤶ ᤔᤠᤱᤛᤣᤘᤠᤛᤠᤒᤠ ᤔᤏᤐᤪᤛᤠᤍ ᤌᤗᤅ᤻ ᤋᤣᤈᤒᤜᤠᤍᤢᤖ, ᤁᤡᤖᤠᤋ᤻ ᤛᤠᤶᤕᤠᤣ ᤏᤢ ᤛᤠᤵᤙᤰ ᤌᤠᤣᤒᤠᤣ ᤆᤢᤶᤓᤠᤣᤒᤠ ᤕᤠᤱᤍᤧᤶᤒᤠ ᤜᤡᤔᤠᤗ᤻ ᤒᤣᤄᤠ ᤔᤧᤘᤕᤠ ॥
ᤒᤡᤁᤪᤶ ᤋᤱᤒᤣ ᥈᥆᥋᥋ ᤖᤧ ᤕᤢᤰᤛᤡᤱ ᤁᤧᤒᤠᤣᤅ᤻ᤒᤠ ᤁᤡᤖᤠᤋ᤻ ᤛᤠᤶᤕᤠᤣ ᤔᤢᤈᤠᤣᤋ᤻ᤗᤢᤱ ᤐᤠᤏ᤻ᤈᤢᤶᤓᤠᤣᤖᤧ ᤕᤢᤰᤛᤡᤱ ᤋᤱᤏᤠᤶᤖᤧ ᤛᤢᤕᤧᤶᤔᤠᤣ ᤁᤢᤓᤠ᤹ ᤕᤧᤶᤒᤠ ᤁᤢᤛᤡᤱ ᤕᤠᤱᤈᤡᤰ ᤌᤠᤣᤒᤠᤣ ᤙᤰ ᤕᤠᤱᤍᤧᤶᤒᤠ ᤐᤪᤁᤠᤛ᤻ ᤛᤠᤘᤍᤧᤴᤗᤧ ᤋᤠᤣᤏ᤻ᤍᤢᤀᤠᤱ ᤘᤕᤠ ॥ ᤌᤡᤶᤒᤣ᤹ᤀᤠᤣ ᤔᤠᤱᤛᤡᤘᤠᤂᤠᤜᤢᤏ᤻ ᤛᤠᤶᤗᤠᤣ . ᤐᤠᤗᤠᤔ ᤛᤠᤶᤗᤠᤣ ᤀᤠᤱ ᤛᤠᤶᤔᤧᤗᤠᤣᤋᤢᤀᤠᤱ ᤘᤠᤕᤠ ॥
ᤕᤢᤰᤛᤡᤱ ᤋᤱᤏᤠᤔ ᤌᤡᤶᤒᤣ᤹ ᤛᤣᤘᤠᤖᤧ ᤁᤢᤜᤣᤁ᤻ᤛᤡᤱ ᤆᤧᤖᤧᤱᤏᤠᤶ ᥉ ᤕᤧᤴᤎᤣᤗᤧ ᤛᤠᤰᤔᤢᤖᤠ ᤘᤠᤍᤣᤔ᤻ᤔᤠ. ᥊ ᤏᤠᤶᤗᤧ ᤛᤡᤔᤡᤁ᤻ᤗᤢᤱ ᤛᤏᤠᤖᤢᤱ ᤏᤢ ᤔᤧᤴᤇᤠᤶᤃᤧᤏ ᤏᤠᤶᤕᤠᤵᤔᤡ ᤛᤠᤀᤠᤣ ᤛᤏᤠᤖᤢᤱ ᤐᤠᤣᤅ᤻ᤗ ᤑᤠ᤹ᤀᤠᤱ ᤕᤧᤳ ᤏᤠᤶᤎᤢᤱ ᤗᤠᤎᤢᤱ ᤛᤣᤔᤡ ᤛᤣᤘᤠ ᤋᤠᤣᤏ᤻ᤇᤡᤱ ᤐᤠᤣᤂᤠᤀᤠᤱ ᤘᤕᤠᤒᤠ ᤛᤜᤠᤱᤔᤡᤒᤠ ᤛᤴᤆ ᤛᤶᤒᤠᤜᤠᤱᤑᤣᤖᤧ ᤐᤠᤋᤢ ॥
ᤌᤡᤶᤒᤣᤒᤠ ᤋᤖᤣᤒᤠᤀᤠᤣ ᤌᤠᤁᤢ ᤔᤠᤱᤌᤢᤰᤏᤠᤍᤧᤴ ᤕᤠᤔ᤻ᤗᤶ ᤓᤠᤤᤋᤡᤁ᤻ ᤐᤢᤖ᤻ᤘᤎᤠᤖ ᤀᤠᤖᤌᤡᤰ ᤒᤩᤠᤘᤛ᤻ᤌᤠᤐᤏ ᤛᤔᤡᤋᤡ ᤑᤠ-ᤌᤠᤣᤛᤢᤍᤡᤶᤒᤠ ᤀᤛᤠᤣᤁ᤻ ᤛᤒᤧᤴᤜᤠᤱ. ᤌᤠᤁᤢ ᤔᤠᤱᤕᤢᤰᤏᤠ ᤕᤠᤔ᤻ᤗᤰ ᤐᤠᤴᤈᤠᤢᤶᤓᤠᤣ ᤛᤜᤠᤱᤔᤡᤒᤠ ᤀᤢᤍᤕᤒᤡᤁᤪᤶ ᤋᤢᤶᤒᤠᤐᤠᤣ . ᤁᤡᤖᤠᤋ᤻ ᤛᤠᤶᤕᤠᤣ ᤛᤠᤰᤌᤡᤶᤃᤧᤴ ᤔᤢᤈᤠᤣᤗᤢᤱ ᤐᤠᤴᤈᤢᤶᤓᤠᤣ ᤌᤠᤣᤛᤢᤍᤡᤶᤒᤠ ᤃᤩᤠᤏᤢ ᤁᤧᤍᤧᤶ. ᤈᤏᤛᤰᤋᤡ ᤒᤩᤠᤘᤛ᤻ᤌᤠᤐᤏ ᤌᤠᤣᤛᤢᤍᤡᤶᤒᤠ ᤒᤡᤍᤡᤔᤠᤏ ᤏᤢᤃᤠᤣ . ᤛᤠᤶᤍᤠᤱᤃᤧᤴ ᤘᤠᤖᤢᤶᤛᤠᤔᤠ ᤆᤴᤍᤪ ᤛᤧᤴᤍᤠᤱᤗᤧ ᤏᤠᤣᤏᤡᤱᤘᤠ᤹ ᤐᤠᤏ᤻ ᤔᤧᤍᤠᤣᤏ᤻ᤍᤢᤀᤠᤱ ᤘᤕᤠ ॥
᥈᥌ ᤛᤡᤃᤣᤁ᤻ᤐᤠ ᤕᤢᤰᤛᤡᤱ ᤋᤱᤏᤠᤔ ᤌᤡᤶᤒᤣ᤹ᤀᤡᤴ ᤕᤠᤔ᤻ᤈᤠᤣᤁ᤻ ᤌᤠᤣᤛᤢᤍᤡᤶᤒᤠ ᤒᤠᤤᤎᤔᤠᤏ ᤁᤣᤖᤢᤱᤖᤧ ᤌᤠᤣᤛᤢᤍᤣᤶᤒᤠᤀᤠᤣ ᤗᤠᤶᤍᤠᤁ᤻ ᤐᤠᤏ᤻ ᤀᤡᤱᤍᤱᤛᤠᤒᤠ ᤀᤡᤴᤍᤪ ᤀᤠᤱᤍᤧᤶᤒᤣᤖᤧ ᤕᤢᤰᤂᤢᤀᤠᤱ ᤘᤠᤕ ॥ ᤌᤡᤶᤒᤣ᤹ ᤀᤡᤈᤠᤁ᤻ ᤗᤗᤡᤋ᤻ ᤆᤴᤍᤪ ᤑᤡᤕᤠᤁ᤻ᤗᤧ ᤀᤡᤈᤠᤁ᤻ ᤆᤠᤣᤃᤢᤀᤠᤱ ᤘᤠᤕᤠ ॥ ᤌᤡᤶᤒᤣᤀᤠᤣ ᤕᤁ᤻ᤘᤠᤍᤱ ᤌᤢᤶ-ᤌᤢᤶᤏᤢ ᥋ ᤁᤡᤵᤐᤠᤱᤎᤠᤣ ᤔᤠᤱᤛᤣᤘᤠᤛᤠᤒᤠ ᤏᤢ ᤛᤠᤶᤍᤠᤱᤃᤧᤴ ᤘᤠᤖᤢᤶᤛᤠᤒᤠ/ᤔᤠ ᤔᤧᤧᤈᤢᤵᤛᤧᤀᤠᤱ ᤔᤧᤃᤕᤧ ॥
ᤀᤡᤱᤄᤱ ᤐᤠᤏ᤻ᤗᤧᤱ ᤏᤢ ᤆᤀᤡᤋ᤻ ᤔᤠᤱᤛᤣᤒᤢᤱ ᤏ᤻ᤕᤢᤈ ᤍᤋ ᤁᤶ ᤗᤠᤶᤒᤠ – ᤀᤡᤱᤛᤠᤶᤐᤠ ᤀᤴᤇᤢᤔᤣ ᤏᤛᤠᤏ᤻