ᤔᤠᤱᤛᤣᤒᤢᤱ
ᤁᤥᤛᤡ ᤂᤠᤶᤄᤢᤕᤠᤔ᤻ᤈᤥᤁ᤻ᤗᤢᤱᤖᤧ ᤕᤢᤰᤑᤥᤀᤥ ᤜᤠᤱᤕᤢᤰᤐᤠ ᤕᤠᤶᤈᤥᤒᤠ ᤐᤠᤏ᤻ ᤁᤠ᤹ᤀᤡᤀᤥ ᤋᤱᤈᤢᤶ ᤆᤥᤁ᤻ᤔᤠᤖᤧ ᤑᤠ᤹ᤀᤠᤱ ᤁᤧᤒᤥᤅ᤻ᤒᤠ ᤒᤡᤎᤣᤕᤁ᤻ᤀᤥ ᤁᤠᤰᤗᤧ ᤐᤠᤏ᤻ᤍᤱᤅ ᤐᤥᤂᤠᤀᤠᤱ ᤘᤠ ॥ ᤒᤡᤎᤣᤕᤁ᤻ ᤂᤠᤶᤄᤢᤕᤠᤔ᤻ᤈᤥᤁ᤻ᤗᤢᤱ ᤗᤠᤶᤒᤠ ᤂᤠᤠᤗᤥᤏ᤻ ᤐᤥᤂᤠᤒᤠ ᤛᤥᤖᤡᤰ ᤏᤣᤐᤠᤗᤡ ᤐᤠᤏ᤻ ᤏᤢ ᤛᤥᤖᤡᤰ ᤕᤠᤰᤌᤢᤱ ᤏᤢ ᤔᤤᤌᤡᤗᤡ ᤛᤥ-ᤛᤥᤖᤡᤰ ᥇᥉ ᤁᤢᤓᤠᤱ ᤐᤠᤏ᤻ᤜᤠ᤹ ᤁᤵᤑᤢᤖᤧ ᤜᤠᤱᤕᤠᤶᤈᤥᤀᤥ ᤀᤥᤃᤠᤵ ᤆᤥᤁ᤻ᤔᤠᤖᤧ ᤔᤠᤗᤠᤶ ᤜᤴᤍᤠᤀᤠᤱ ᤘᤠ ॥
ᤂᤠᤶᤄᤢᤕᤠᤔ᤻ᤈᤥᤁ᤻ᤗᤢᤱᤖᤧ ᥈᥆᥎᥈ ᤛᤡᤛᤣᤁ᤻ᤐᤠ ᥈᥋ ᤕᤧᤶᤎᤣ ᤀᤥ ᤋᤥᤏ᤻ᤇᤠᤵ ᤁᤧᤒᤥᤅ᤻ᤒᤠ ᤒᤡᤎᤣᤕᤁ᤻ ᤔᤧᤴᤍᤱᤍᤱ ᤐᤠᤏ᤻ᤈᤠᤱ ᤏᤢ ᤋᤠᤈᤧᤱ ᤗᤠᤶᤒᤠ ᤛᤡᤛᤣᤁ᤻ᤖᤥ ᥈᥉ ᤕᤧᤴᤎᤣ ᤑᤛᤢᤰᤐᤠ ᤀᤥ ᤐᤠᤖᤡᤋ᤻ ᤔᤧᤈᤥᤃᤢᤀᤠᤱ ᤘᤕᤠ ॥ ᤒᤡᤎᤣᤕᤁ᤻ᤀᤥ ᤕᤖᤡᤰ ᤜᤠᤱᤌᤡᤶᤔᤡᤒᤠ ᤆᤢᤶᤓᤥᤒᤠ ᥊᥈ ᤁᤵᤑᤢᤛᤠᤖᤧ ᥈᥋ ᤂᤠᤏᤡᤴ ᤋᤥᤏ᤻ᤈᤥ ᤐᤠᤏ᤻ ᤔᤧᤍᤥᤏ᤻ᤍᤢᤀᤠᤱ ᤘᤕᤠ ॥ ᤂᤠᤶᤄᤢᤛᤠ ᤆᤢᤶᤓᤥᤀᤥ ᤁᤧᤒᤥᤅ᤻ᤒᤠ ᤋᤠ᤹ᤈᤧᤱ ᤏᤢ ᤋᤠ᤹ᤈᤧᤱᤓᤥ ᤐᤠᤏ᤻ᤖᤧ ᤏᤠᤔ᤻ᤓᤣᤀᤥ ᤁᤢᤓᤢᤶ ᤐᤥᤂᤠᤒᤠᤖᤥ ॥
ᤛᤱᤈᤢᤶ ᤌᤥᤒᤥ ᤆᤢᤶᤓᤥ ᤌᤥᤛᤢᤍᤡᤶᤒᤠ ᤃᤕᤠᤠᤏᤴᤍ ᤔᤴᤍᤗᤗᤧ ᤆᤢᤶᤓᤥᤒᤠ ᤐᤠᤏ᤻ᤓᤥᤛᤰ ᤋᤥᤏ᤻ᤍᤢᤀᤠᤱ ᤘᤕᤠ ॥ ᤒᤡᤎᤣᤕᤁ᤻ᤀᤥ ᤆᤥᤁ᤻ᤓᤥᤏ᤻ᤖᤧ ᤑᤠ᤹ᤀᤠᤱ ᤕᤖᤡᤰ ᤋᤠᤰᤑᤠᤜᤠ᤹ᤀᤥ ᤋᤠᤱᤈᤧᤱ ᤐᤥᤂᤠᤀᤠᤱ ᤘᤕᤠ ॥ ᤐᤠᤏ᤻ ᤕᤠᤁ᤻ᤘᤠᤍᤱ᤹ ᤐᤠᤱᤁᤢᤛᤡᤱᤏᤡᤋ᤻ ᤏᤢ ᤕᤢᤰᤑᤥᤛᤠ ᤂᤥᤗᤰᤏᤢ ᤁᤧᤈᤰᤛᤡᤱᤒᤠ ᤐᤠᤏ᤻ ᤐᤥᤂᤧᤒᤠᤸᤗᤧ ᤐᤠᤏ᤻ᤍᤱᤒᤠ. ᤋᤢᤶᤔᤩᤠᤜᤠᤱ. ᤐᤠᤏ᤻ᤋᤢᤶᤔᤩᤠᤜᤠᤱ. ᤏᤢ ᤓᤠᤛᤠ ᤀᤠᤕᤥᤃ᤻ᤒᤠ ᤐᤠᤛᤡᤱᤛᤥᤛᤥᤖᤡᤰᤐᤠ ᤋᤠᤱᤈᤧᤱ ᤐᤥᤂᤠᤒᤠ ᤂᤢᤏᤧ᤹ ᤐᤠᤋᤢᤀᤠᤱ ᤘᤕᤠ ॥
ᤒᤡᤎᤣᤕᤁ᤻ ᤀᤡᤛᤡᤰ ᤏᤣᤐᤠᤗᤡ ᤐᤠᤏ᤻ᤒᤠ ᤁᤢᤕᤥ᤹ ᤂᤠᤶᤄᤢᤀᤥ ᤕᤠᤰᤌᤢᤱ. ᤔᤤᤌᤡᤗᤡ. ᤌᤠᤖᤢ. ᤋᤠᤔᤠᤱ. ᤔᤃᤖ᤹ ᤒᤠᤴᤋᤠᤘᤠ. ᤀᤢᤷᤍᤢ. ᤖᤠᤈᤒᤱᤛᤡ. ᤖᤠᤀᤡ. ᤏᤣᤘᤠᤖ. ᤆᤠᤶᤗᤡᤱ. ᤛᤧᤷᤐᤠ. ᤏᤢ ᤛᤴᤌᤠᤗᤡ ᤐᤠᤏ᤻ᤏᤡᤴ ᤜᤠᤱᤕᤢᤰᤐᤠ ᤕᤠᤶᤈᤥᤒᤠᤀᤥ ᤀᤥᤃᤠᤵ ᤆᤥᤁ᤻ᤔᤠ ᤛᤢᤶᤁᤣᤍᤣᤵᤐᤠ ᤐᤥᤂᤠᤀᤠᤱ ᤘᤠ ॥ ᤛᤠᤵᤐᤠᤏ᤻ᤜᤠ᤹ᤖᤧ ᤀᤠᤒᤠᤱᤅᤣ ᤛᤰᤛᤰ ᤗᤠᤶᤒᤠ ᤛᤠᤵᤐᤣ ᤏᤢ ᤀᤥᤃᤠᤵ ᤐᤥᤅ᤻ᤒᤠ ᤗᤠᤶ ᤜᤴᤍᤠᤀᤠᤱ ᤘᤠ ॥ ᤕᤠᤰᤌᤢᤱ ᤐᤠᤏ᤻ᤏᤡᤴ ᤁᤡᤖᤠᤋ᤻ ᤛᤡᤖᤡᤈᤱᤃᤠ. ᤔᤤᤌᤡᤗᤡᤀᤡᤴ ᤔᤡᤌᤡᤗᤠᤇ᤻ᤖ ᤏᤢ ᤍᤣᤒ᤻ᤏᤃᤖᤡᤀᤥ. ᤌᤠᤖᤢᤀᤡᤴ ᤍᤣᤒ᤻ᤏᤃᤖᤡᤀᤥ. ᤋᤠᤔᤠᤱᤀᤡᤴ ᤋᤠᤔᤕᤡᤃ. ᤔᤃᤖᤀᤡᤴ ᤀᤰᤂᤠᤀᤥ. ᤒᤠᤴᤋᤠᤘᤠᤀᤡᤴ ᤁᤡᤖᤠᤋ᤻. ᤀᤢᤷᤍᤢᤀᤡᤴ ᤀᤖᤒᤡᤀᤥ. ᤏᤣᤘᤠᤖᤡᤀᤡᤴ ᤖᤴᤈᤏᤠ ᤏᤢ ᤍᤣᤒᤏᤃᤖᤡᤀᤥ ᤏᤢ ᤛᤴᤌᤠᤗᤡᤀᤡᤴ ᤀᤥᤗᤆᤡᤁᤡ ᤛᤰᤛᤰᤀᤥ ᤀᤥᤃᤠᤵᤐ ᤐᤥᤅ᤻ᤒᤠ ᤐᤥᤂᤠᤀᤠᤱ ᤘᤠ ॥
ᤜᤣᤰᤁᤣᤖᤡᤰᤁᤣ ᤖᤠᤈᤒᤱᤛᤡ ᤐᤠᤏ᤻ᤖᤧ ᤑᤠ᤹ᤀᤠᤱ ᤍᤣᤒ᤻ᤏᤃᤴᤡ. ᤖᤠᤀᤡ ᤏᤢ ᤆᤠᤶᤗᤡᤱᤖᤧ ᤑᤠ᤹ᤀᤠᤱ ᤁᤡᤖᤠᤋ᤻ ᤏᤢ ᤛᤣᤷᤐᤠ ᤐᤠᤏ᤻ᤏᤡᤴ ᤛᤶᤓᤥᤍᤠ ᤛᤰᤛᤰᤀᤡᤴ ᤋᤱᤃᤠᤵ ᤐᤥᤂᤠᤀᤠᤱ ᤘᤠ ॥
ᤒᤡᤎᤣᤕᤁ᤻ᤖᤧ ᤋᤧᤴᤏᤡᤒᤠ ᤋᤠᤰᤑᤠᤀᤥᤀᤠᤱ ᤀᤠᤒᤠᤱᤅᤣ ᤋᤧᤱᤃᤵᤐᤠ ᤐᤠᤏ᤻ᤏᤡᤒᤠ ᤋᤱᤃᤠᤶ ᤀᤡᤛᤡᤰ ᤜᤠᤱᤕᤠᤶᤈᤥᤒᤠ ᤐᤠᤏ᤻ ᤀᤥᤃᤠᤵ ᤆᤥᤁ᤻ᤔᤠ ᤗᤠᤶ ᤜᤴᤍᤠᤀᤠᤱ ᤘᤠ ॥ ᤋᤧᤴᤏᤡᤒᤠ ᤋᤠᤰᤑᤠᤀᤥ ᤕᤁ᤻ᤂᤠᤏᤡᤴᤒᤠ ᤛᤢᤘᤠᤱᤗᤧ ᤔᤧᤒᤠᤐ᤻ᤐᤠ ᤐᤠᤏ᤻ᤏᤡᤴ ᤋᤧᤴᤏᤡᤒᤠ ᤁᤢᤃᤥᤁᤒᤣ ᤆᤥᤁ᤻ᤔᤠᤀᤠᤱ ᤜᤠᤱᤕᤠᤶᤈᤥᤒᤠᤖᤧᤣ ᤏᤠᤘᤠᤀᤥ ᤀᤥᤃᤠᤵ ᤆᤥᤁ᤻ᤔᤠ ᤕᤠᤏ᤻ᤍᤧᤵᤐᤠᤘᤠ ॥
ᤁᤴᤋᤃᤡ ᤏᤣᤐᤠᤗᤀᤥ ᤌᤡᤰᤛᤡᤃᤣᤁ᤻ᤐᤠ ᤀᤡᤗᤠᤶ ᤌᤢᤶᤒᤠ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱᤅᤥ ᤁᤣᤒᤣᤁ᤻ᤐᤠ ᤁᤠᤵᤔᤣᤐᤠ ᥇᥈ ᤕᤧᤴᤎᤣᤀᤠᤱᤎᤥ ᤕᤠᤰᤌᤢᤱ ᤐᤠᤏ᤻ᤀᤡᤴ ᤐᤠᤱᤓᤣ᤹ᤗᤢᤱᤀᤥ ᤕᤠᤶᤈᤥᤒᤠ ᤐᤠᤏ᤻ ᤀᤡᤱᤓᤏ᤻ ᤆᤥᤁᤡ ᤀᤥᤃᤠᤵᤔᤠ ᤜᤣᤁ᤻ᤛᤡᤱᤅᤠᤅ ᤘᤠ ॥ ᤆᤢᤗᤠᤆᤢᤗᤡ ᤐᤠᤱᤓᤣ᤹ᤗᤢᤱᤀᤡᤸᤗᤧᤀᤠᤱ ᤋᤧᤴᤏᤡᤒᤠ ᤁᤢᤃᤥᤁᤢᤒᤣ ᤆᤥᤃᤢᤀᤠᤱ ᤐᤠᤱᤓᤣ᤹ᤗᤢᤱᤅᤥ ᤕᤠᤰᤌᤢᤱ ᤐᤠᤏ᤻ ᤕᤠᤶᤈᤥᤒᤠᤖᤧ ᤏᤠᤘᤠᤀᤥ ᤀᤡᤈᤠᤁ᤻ ᤆᤥᤁ᤻ᤔᤠ ᤕᤠᤖᤡᤵ ᤆᤥᤃᤢᤀᤠᤱ ᤘᤠ ॥
᥇᥉ ᤐᤠᤏ᤻ᤜᤠ᤹ ᤋᤱᤈᤢᤶᤓᤥ ᤆᤥᤁ᤻ᤏᤠᤒᤠ ᤂᤠᤶᤄᤢᤖᤧ ᤁᤢᤒᤠᤏ᤻
ᤒᤡᤎᤣᤕᤁ᤻ᤀᤥ ᤁᤧᤒᤥᤁ᤻ᤐᤠ ᤛᤧᤴᤍᤥᤜᤠ᤹ᤀᤥ ᤏᤥᤃᤵ ᤐᤡ᤹ᤀᤡ ᤛᤠᤱᤈᤢᤶ ᤌᤥᤒᤥ ᤋᤢᤶᤔᤩᤠᤜᤠᤱ ᤛᤡᤋᤠ ᤋᤡᤶᤛᤡᤏᤠᤖᤧ ᤂᤠᤶᤄᤢᤒᤠ ᤐᤠᤏ᤻ ᤕᤁ᤻ᤘᤠᤍᤱ ᤏᤢ ᤁᤧᤖᤧᤰ ᤛᤢᤘᤠᤱᤜᤠ᤹ᤖᤧ ᤐᤠᤱᤅᤣᤏᤡᤱᤘᤠᤀᤡᤴ ᤏᤡᤱᤘᤠᤜᤧᤳᤋᤧᤀᤠᤱ ᥇᥉ ᤁᤢᤓᤠᤱ ᤐᤠᤏ᤻ᤜᤠ᤹ ᤋᤱᤈᤢᤶᤓᤥ ᤐᤠᤋᤢ ॥ ᤂᤢᤏᤧ᤹ ᤐᤠᤋᤢᤒᤠ ᤁᤢᤀᤡᤛᤡᤰ ᤓᤠᤛᤠ ᤀᤠᤕᤥᤃᤖᤧ ᤏᤧᤳᤇᤡ᤹ ᤐᤠᤏ᤻ᤜᤠ᤹ᤖᤰ ᤛᤧᤶᤗᤥ ᤆᤥᤃᤢᤀᤠᤱ ᤘᤕᤠᤛᤠᤱ ᤂᤠᤶᤄᤢ ᤕᤰᤑᤥᤖᤧ ᤕᤧᤁ᤻ᤐᤠᤖᤧ ᤏᤠᤔ᤻ᤓᤣᤀᤥ ᥇ ᤐᤪᤋᤡᤛᤍ ᤀᤠᤱᤎᤥᤖᤧ ᤔᤧᤒᤠᤐ᤻ᤐᤠ ᤐᤠᤏ᤻ ᤘᤣ᤹ᤜᤠ᤹ᤀᤠᤱ ᤋᤱᤈᤢᤶᤓᤥ ᤆᤥᤁ᤻ᤔᤠᤏᤠᤒᤠ ॥
ᤒᤡᤎᤣᤕᤁ᤻ ᤕᤠᤶᤈᤥᤀᤥ ᤑᤥᤔᤠᤖᤧ ᤑᤠ᤹ᤀᤠᤱ ᤕᤧᤁ᤻ᤐᤠ ᤏᤡᤕᤠᤔᤠᤘᤗᤡ ᤏᤢ ᤁᤠᤷᤕᤒᤡᤎᤡ ᤆᤥᤁ᤻ᤛᤡᤱᤒᤠ ᤋᤢᤶᤔᤩᤠᤜᤠᤱ ᤋᤡᤶᤛᤡᤏᤠᤖᤧ ᤐᤠᤋᤢ ॥ ᤂᤢᤏᤧ᤹ ᤐᤠᤏ᤻ᤒᤠ ᤕᤠᤁ᤻ᤘᤠᤍᤱᤜᤠ᤹ᤀᤥ ᤋᤠᤱᤛᤧᤐ᤻ ᤏᤢ ᤌᤥᤒᤥᤀᤥ ᤂᤠᤶᤄᤢ ᤕᤢᤰᤑᤥ ᤛᤢᤰᤋᤧᤵᤐᤠ ᤕᤠᤔ᤻ᤒᤰ ᤆᤥᤃᤢᤒᤠ ᤐᤠᤏ᤻ ᤐᤠᤋᤢ ॥
ᤐᤠᤏ᤻ ᤋᤠᤱᤛᤧᤐ᤻ᤖᤧ ᤑᤠ᤹ᤀᤠᤱ ᥇᥏ ᤐᤠᤛᤡᤱᤅᤡᤒᤠ ᤛᤠᤶᤏᤡᤒᤠ ᤆᤢᤶᤓᤥ
ᤒᤡᤎᤣᤕᤁ᤻ᤀᤥ ᤕᤢᤰᤑᤥᤒᤠ ᤕᤠᤶᤈᤥᤒᤠᤖᤧ ᤐᤠᤏ᤻ᤀᤠᤱᤘᤣ᤹ ᤂᤠᤶᤄᤢᤀᤥ ᤐᤠᤐ᤻ᤏᤠᤒᤠ ᤘᤣ᤹ ᤐᤠᤏ᤻ᤜᤠ᤹ ᤋᤠᤱᤛᤧᤐ᤻ ᤏᤢ ᤌᤥᤒᤥᤖᤧ ᤑᤠ᤹ᤀᤠᤱ ᤋᤠᤱᤃᤠᤶᤈᤥ ᤐᤥᤂᤠᤀᤠᤱ ᤘᤠ ॥ ᤁ᤹ᤕᤥ ᤛᤱᤈᤢᤶ ᤌᤥᤒᤥ ᤋᤢᤶᤔᤩᤠᤜᤠᤱᤖᤧ ᤌᤥᤛᤢᤍᤡᤶᤒᤠᤀᤥ ᥇᥏ ᤐᤠᤛᤡᤱᤅᤡᤒᤠ ᤛᤠᤶᤏᤡᤒᤠᤖᤧ ᤆᤢᤶᤓᤥ ᤆᤥᤁ᤻ᤔᤠ ᤐᤣᤗᤠᤶ ᤜᤴᤍᤠᤀᤠᤱ ᤘᤠ ॥
ᤒᤡᤎᤣᤕᤁ᤻ ᤐᤥᤂᤠᤀᤠᤱ ᤛᤥᤖᤡᤰ ᤁᤥᤛᤡ ᤂᤠᤶᤄᤢᤀᤥ ᤕᤁ᤻ᤐᤠᤏ᤻ᤒᤠ ᤐᤠᤱᤅᤣᤏᤡᤛᤢᤶ ᤆᤢᤶᤓᤥᤍᤡᤱᤒᤠ ᤆᤥᤁ᤻ᤔᤠ ᤏᤢ ᤋᤧᤴᤏᤡᤒᤠ ᤛᤱᤈᤢᤶᤔᤥ ᤐᤠᤐ᤻ᤏᤠᤒᤠ ᤐᤠᤏ᤻ᤜᤠ᤹ ᤕᤢᤰᤑᤥᤒᤠ ᤀᤥᤃᤠᤵ ᤌᤥᤒᤥ ᤆᤥᤁ᤻ᤔᤠ ᤏᤢ ᤑᤥᤔᤠ ᤔᤠᤗᤠᤶ ᤁᤢᤒᤣ ᤜᤴᤍᤣᤀᤠᤱ ᤘᤠ ॥ ᤁᤴᤖᤧ ᤕᤠᤶᤈᤥᤁ᤻ᤔᤠᤖᤧ ᤑᤠ᤹ᤀᤠᤱ ᤕᤧᤁ᤻ᤐᤠ ᤑᤥᤈᤥᤁ᤻ ᤆᤢᤶᤓᤥᤍᤡᤱᤒᤠ ᤕᤠᤖᤡᤵ ᤕᤔᤧᤗᤢᤱᤒᤠ ᤐᤥᤅ᤻ᤒᤠ ᤘᤠ ॥