ᤔᤠᤱᤛᤣᤒᤢᤱ/ ᤁᤡᤖᤠᤋ᤻ ᤛᤠᤶᤕᤠᤣ ᤛᤛᤡᤔᤢᤴᤎᤢᤶᤒᤠ ᤕᤠᤶᤔᤠᤣ ᤌᤠᤣᤒᤠᤣᤛᤠᤒᤠ. ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤠᤌᤠᤁᤢ ᤑᤠᤸᤃᤢᤏᤴᤍᤖᤣ ᤛᤠᤘᤠᤏ᤻ ᤋᤱᤏᤠᤶ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤋᤠᤣᤛᤡᤱᤗ ᤘᤠ ॥
ᤔᤠᤌᤠᤁᤢᤖᤧ ᥇᥊᥇ ᤛᤡᤃᤣᤁ᤻ᤐᤠ ᤛᤠᤘᤠᤏ᤻ ᤋᤱᤏᤠᤶ ᤁᤴ ᤋᤱᤒᤣᤒᤠ ᤔᤢᤖᤢᤶᤃᤧᤴ ᤌᤡᤶᤒᤣ ᤈᤠᤐᤠᤒᤠ ᤁᤔᤗ ᤐᤠᤱᤓᤣ᤹ᤗᤢᤱ ᥉ ᤂᤠ. ᤕᤰᤗᤰᤐᤠ ᤁᤣ ᤷᤂᤠᤒᤠ ᤑᤠᤸᤃᤢᤏᤴᤍ ᤕᤢᤰᤐᤢᤱᤒᤠ ᤁᤡᤖᤠᤋ᤻ ᤋᤡᤕᤧᤱᤗᤢᤱ ᤔᤠᤱᤜᤡᤶᤀᤠᤣ ᤐᤠᤣᤅ᤻ᤒᤠ ᤐᤠᤂᤠᤀᤠᤱ ᤘᤠ ॥
ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤱᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤏᤢ ᤛᤠᤶᤕᤠᤣ ᤌᤠᤁᤢᤜᤠᤱᤔᤠ ᤔᤢᤜᤡᤱᤃᤢᤶ ᤀᤱᤛᤡᤔᤠᤔᤠᤱ ᤒᤠᤔ᤻ᤒᤠ ᤐᤒᤡᤋᤪᤜᤠᤱᤔᤠ ᤗᤡᤱᤍᤧᤴᤛᤡ᤹ ᤋᤠᤛᤡᤒᤠ ᤔᤢᤖᤢᤶᤃᤧᤴ ᤌᤡᤶᤒᤣ᤹ ᤀᤠᤣ ᤁᤢᤛᤱ ᤔᤠᤱᤜᤡᤶ ᤏᤢ ᤔᤠᤌᤠᤁᤢᤖᤧ ᤆᤀᤡᤋ᤻ᤗᤢᤱ ᤛᤢᤏᤠᤜᤴᤏᤠᤱ ᤐᤠᤣᤅ᤻ᤒᤠ ᤔᤠᤱᤃᤣᤏᤠ ᤛᤣᤘᤠ ᤛᤔᤡᤋᤡᤒᤠ ᤌᤠᤣᤛᤢᤍᤡᤶᤒᤠ ᤁᤣᤜᤣᤖᤛᤡᤱ ᤕᤠᤣᤅ᤻ᤜᤠᤱᤖᤣ ᤐᤠᤋᤢᤀᤠᤱ ᤘᤠ ॥
ᤔᤠᤌᤠᤁᤢ ᤑᤠᤸᤃᤢᤏᤴᤍ ᤀᤤᤏ᤻ᤏᤢᤸᤗᤧ ᤋᤠᤏ᤻ᤍᤡᤰ ᤔᤧᤴᤍᤱᤌᤱ ᤀᤡᤱᤓᤠᤣ ᤐᤠᤣᤅ᤻ᤗ ᤘᤠ ॥ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤁᤣᤕᤢᤱᤒᤠ ᤁᤡᤖᤠᤋ᤻ ᤛᤠᤶᤕᤠᤣᤛᤠ ᤁᤧᤖᤧᤰᤗᤧ ᤔᤧᤴᤍᤱᤍᤱ ᤔᤠᤌᤠᤁᤢᤖᤧ ᤛᤠᤘᤠᤏ᤻ ᤋᤱᤏᤠᤶ ᤔᤧᤍᤠᤣᤛᤢᤒᤠ ᤘᤠ ॥ ᤁᤴ ᤕᤧᤶᤔᤠᤣ ᤔᤠᤱᤛᤣᤘᤠ ᤆᤠᤣᤁ᤻ᤔᤠ. ᤛᤏᤠᤖᤢᤱ ᤏᤢ ᤔᤠᤌᤠᤁᤢᤖᤧ ᤐᤠᤋᤢᤒᤠ ᤁᤢᤀᤡᤛᤡᤰ ᤏᤡᤛ᤻ᤛᤣᤖᤧ ᤀᤡᤱᤓᤠᤣ ᤁᤡᤖᤠᤋ᤻ ᤔᤢᤏᤎᤢᤶ ᤀᤡᤛᤡᤰ ᤘᤠᤏᤠᤶ ᤋᤠᤱᤛᤣᤔᤠ. ᤛᤛᤡ ᤔᤢᤴᤎᤢᤶᤜᤠ᤹ ᤌᤠᤣᤒᤠᤣ ᤆᤠᤣᤁ᤻ᤔᤠᤖᤧ ᤐᤏᤠᤣᤒᤠ ᤐᤠᤏ᤻ᤜᤠ᤹ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤐᤠᤣᤅ᤻ᤖᤠᤣ ॥
ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤏᤡᤛ᤻ᤛᤣ ᤛᤠᤶᤕᤠᤣ ᤛᤠᤰᤂᤣᤙᤰ ᤁᤢᤀᤡᤛᤡᤰ ᤌᤠᤣᤒᤠᤣ ᤐᤠᤣᤅ᤻ᤔᤠ ᤛᤢᤰᤗᤖᤠᤣ ᤁᤧᤖᤧᤰ ᤔᤧᤴᤇᤠᤶᤃᤧᤴ ᤏᤠᤶᤕᤠᤵᤔᤡ ᤏᤢ ᤌᤰᤛᤠ ᤐᤢᤛᤠ ᤕᤱᤄᤱᤃᤧᤴ ᤅᤠᤛᤠᤀᤠᤣ ᤗᤢᤱᤔᤧᤴᤍᤡᤱ ᤏᤠᤣᤏᤡᤱᤘᤠ ॥