ᤔᤠᤱᤛᤣᤒᤢᤱ/ ᤁᤡᤖᤠᤋ᤻ ᤙᤰᤙᤰᤗᤧᤴ ᤁᤢᤛᤱ ᤕᤢᤏᤡᤁᤠᤣᤍ (ᤆᤡᤓᤧᤀᤠᤣ ᤀᤠᤣᤃᤵ ᤀᤡᤈᤠᤁ᤻ ᤁᤧᤒᤠᤣᤅ᤻ᤒᤠ) ᤑᤴᤍ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥ ᤔᤡᤐ᤻ᤔᤠ ᤁᤡᤖᤠᤋ᤻ ᤀᤡᤋ᤻ᤏᤠᤶ ᤌᤡᤶᤒᤣ᤹ᤀᤠᤣ ᤜᤣᤁ᤻ᤕᤠᤔ᤻ᤒᤠ ᤛᤢᤏᤡᤗ ᤛᤣᤖ᤻ᤔᤠᤖᤧ ᤀᤘᤎᤠᤖᤏᤠ ᤐᤠᤏ᤻ ᤋᤠᤣᤏ᤻ᤍᤢᤀᤠᤱ ᤘᤠ ॥ ᤁᤢᤆᤠᤣᤁ ᤕᤠᤔ᤻ᤒᤰ ᤔᤠᤵᤐᤔᤠ ᤕᤖᤡᤰ ᤐᤠᤣᤂᤠᤀᤠᤱ ᤘᤠᤒᤠ ᤁᤖ ᤕᤠᤱᤈᤡᤰᤖᤧ ᤆᤡᤜᤶᤓᤠᤣ ᤋᤩᤠᤠᤒᤠ ᤐᤠᤏ᤻ᤗᤱ ᤆᤠᤣᤃᤢ ॥
ᤁᤡᤖᤠᤋ᤻ ᤕᤢᤏᤡᤁᤠᤣᤍ ᤑᤴᤋ ᤆᤠᤣᤁ᤻ᤔᤠᤀᤠᤣ ᤜᤶᤓᤠᤣᤜᤠ᤹ᤖᤧ ᤐᤠᤏ᤻ᤍᤠᤀᤠᤣ ᤐᤠᤏ᤻ᤕᤢᤱᤛᤠᤒᤠ ᤛᤡᤏᤡᤗ ᤛᤣᤖ᤻ᤔᤠᤖᤧ ᤁᤡᤖᤠᤋ᤻ ᤙᤰᤙᤰᤁᤡᤴ ᤍᤡᤈᤡᤋᤗ ᤆᤠᤣᤁ᤻ᤔᤠᤖᤧ ᤕᤠᤔ᤻ᤒᤥᤁᤠᤣ᤹ ᥉ ᤋᤱᤒᤣᤀᤠᤱᤎᤠᤣᤛᤠ ᤁᤢᤜᤣᤁ᤻ᤛᤡᤱ ᤐᤠᤣᤂᤠᤒᤠ ॥ ᤋᤃᤡ ᤁᤧᤒᤠᤣᤅ᤻ᤒᤠ ᤑᤴᤋᤜᤠ᤹ᤖᤧ ᤁᤢᤛᤱ ᤆᤡᤓᤧᤀᤠᤣ ᤕᤠᤔ᤻ᤒᤰ ᤔᤧᤈᤠᤣᤃᤢᤶᤒᤠ ॥ ᤀᤠᤸᤗ ᤁᤢᤛᤱ ᤁᤢᤈᤠᤣᤁ᤻ ᤌᤡᤶᤔᤠᤣ ᤕᤢᤏᤡᤁᤠᤣᤍ ᤁᤢᤅᤱᤒᤠ ᤑᤴᤋ ᤆᤠᤣᤁ᤻ᤔᤠᤸᤗᤧ ᤁᤧᤖᤧᤰ ᤗᤠᤃᤵᤜᤠ᤹ᤀᤠᤣ ᤃᤠᤣᤃᤠᤵ ᤐᤠᤣᤅ᤻ᤔᤠ ᤁᤧᤛᤢᤰᤐᤠ ᤜᤣᤁ᤻ᤕᤠᤔ᤻ᤒᤠᤖᤧ ᤐᤠᤏ᤻ ᤕᤢᤰᤂᤢᤀᤠᤱ ᤘᤠ ॥
ᤁᤡᤖᤠᤋ᤻ ᤙᤰᤙᤰ ᤍᤡᤈᤡᤋᤗ ᤆᤠᤣᤁ᤻ᤔᤠ ᤕᤠᤔ᤻ᤒᤰᤁᤡᤴ ᤑᤠ᤹ᤍᤠᤒᤠᤔᤧᤴᤏᤠᤱ ᤛᤱᤈᤢᤶ ᤏᤢ ᤛᤢᤘᤠᤱᤖᤧ ᤑᤠ᤹ᤀᤠᤱ ᤁᤢ ᤁᤡᤖᤠᤋ᤻ ᤙᤰᤙᤰ ᤌᤠᤣᤒᤠᤣᤖᤣ ᤑᤠ᤹ᤀᤠᤱ ᤆᤠᤣᤁ᤻ᤏᤠᤒᤠ ॥ ᤁᤴ ᤕᤠᤔ᤻ᤒᤰᤁᤠᤣ᤹ ᤕᤠᤱᤈᤡᤰᤖᤧ ᤕᤖᤡᤰ ᤜᤶᤔᤠᤣ ᤐᤠᤣᤂᤠᤒᤠᤸᤗᤧ ᤆᤠᤣᤃᤢᤸᤗᤧ ᤀᤠᤒᤠᤱᤅᤣ ᤂᤠᤛᤠᤶ. ᤛᤠᤶᤕᤠᤣ ᤛᤠᤰᤌᤡᤶ. ᤔᤠᤒᤠᤏ᤻ ᤏᤢ ᤙᤰᤙᤰ ᤔᤡᤶᤁᤧᤔᤧᤵᤐᤠ ᤁᤧᤖᤧᤰᤗᤧ ᤁᤢᤰᤁᤧᤍᤧᤵᤐᤠ ᤌᤠᤖᤡᤰ ᤕᤠᤱᤈᤡᤰᤖᤧ ᤑᤠ᤹ᤛᤡᤱ ᤆᤠᤣᤃᤢᤶ ᤗ᤹ᤖᤡᤰ ᤐᤣᤗᤡᤱ ᤋᤠᤣᤏ᤻ᤍᤢ ॥ ᤌᤡᤶᤒᤣᤀᤠᤣ ᥉᥇ ᤕᤠᤵᤔᤡ ᤛᤠᤶᤕᤠᤣᤀᤡᤒᤠ ᤆᤢᤶᤓᤠᤣ ᤗᤠᤶᤒᤠ ᤏᤢ ᤜᤣᤁ᤻ᤕᤠᤔ᤻ᤒᤠ ᤔᤧᤈᤢᤵᤛᤠᤀᤠᤱ ᤔᤧᤘᤕᤠ ॥
ᤁᤡᤖᤠᤋ᤻ ᤙᤰᤙᤰ ᤀᤢᤴᤏᤡᤱᤒᤠ / ᤍᤡᤈᤡᤋᤗ ᤆᤠᤣᤁ᤻ᤔᤠᤖᤧ ᤜᤣᤁ᤻ᤕᤠᤔ᤻ᤒᤠ ᤛᤢᤏᤡᤗ ᤛᤣᤖ᤻ᤔᤠ ᤁᤡᤖᤠᤋ᤻ ᤕᤠᤰᤌᤢᤱ ᤐᤠᤏ᤻ᤍᤠᤱᤒᤠ ᤕᤢᤰᤑᤠᤣᤒᤠ ᤌᤡᤰᤛᤡᤃᤣᤁ᤻ᤐᤠ ᤛᤜᤠᤱᤔᤡᤒᤠ ᤖᤠᤣ ॥ ᤔᤡᤐ᤻ᤔᤠ ᤁᤧᤒᤠᤣᤅ᤻ᤒᤠ ᤁᤡᤖᤠᤋ᤻ ᤀᤡᤋ᤻ᤏᤠᤶ ᤌᤡᤶᤒᤣ᤹ᤀᤡᤴ ᤁᤡᤖᤠᤋ᤻ ᤔᤸᤋᤡ ᤔᤡᤍᤡᤕᤠ . ᤁᤡᤖᤠᤋ᤻ ᤆᤠᤣᤳᤗᤢᤱ. ᤁᤡᤖᤠᤋ᤻ ᤀᤠᤘᤠᤈ ᤏᤢ ᤁᤡᤖᤠᤋ᤻ ᤀᤡᤱᤄᤱᤖᤧ ᤌᤡᤛᤡᤃᤣᤁ᤻ᤐᤠ ᤌᤡᤶᤒᤣ᤹ ᤖᤠᤣ ॥ ᤔᤡᤐ᤻ᤔᤠ ᤀᤡᤈᤠᤁ᤻ ᤁᤣᤒᤠᤣᤅ᤻ᤒᤠ ᤌᤡᤶᤒᤣ᤹ᤀᤡᤴ ᥉ ᤏᤠᤗᤠᤒᤠ ᤌᤡᤶᤒᤣᤖᤠᤣ ॥
