ᤔᤠᤱᤛᤣᤒᤢᤱ / ᤛᤡᤰᤁᤡᤶ ᤀᤸᤐᤠᤀᤡᤏ᤻ ᤔᤠᤏᤡᤛᤠᤶᤜᤡᤶ ᤗᤠᤶᤒᤠ ᤏᤧᤐᤠᤗᤒᤠ ᤏᤧᤵᤑᤢ᤹ᤖᤧ ᤜᤠᤱᤗᤢᤱᤒᤠ ᤏᤡᤛᤠᤶ ᤛᤠᤰᤂᤣᤙᤰ ᤂᤠᤣᤛᤧᤇᤢᤀᤠᤱ ᤘᤠ ॥ ᤀᤸᤐᤠᤀᤡᤏ᤻ ᤔᤠᤏᤡᤛᤠᤶᤜᤡᤶᤒᤠ ᤕᤠᤰᤌᤢᤱ ᤐᤠᤏ᤻ᤍᤠᤱ ᤗᤰᤐᤠ ᤌᤡᤶᤒᤣ᤹ᤀᤠᤣᤏᤢ ᤏᤣᤐᤠᤗ ᤗᤠᤶᤒᤠ ᤜᤠᤱᤗᤢ ᤏᤡᤛᤠᤶ ᤛᤠᤰᤂᤣᤙᤰ ᤛᤠᤃᤖ ᤁᤣᤖᤢᤱ ᤏᤢ ᤓᤃᤡᤜᤠᤱ ᤑᤧᤈᤱᤖᤧ ᤂᤠᤣᤛᤧᤳᤇᤢᤀᤠᤱ ᤘᤕᤠ ॥
ᤏᤧᤐᤠᤗ ᤗᤠᤶᤒᤠ ᤌᤡᤰᤛᤡᤃᤣᤁ᤻ᤀᤠᤣ ᤜᤠᤱᤗᤢᤱ ᤌᤠᤖᤡᤰᤐᤠ ᤏᤡᤛᤶ ᤛᤠᤰᤂᤣᤙᤰ ᤁᤣᤄᤠᤣᤒᤠ ᤛᤠᤃᤖ ᤁᤣᤖᤢᤱ. ᤑᤧᤍᤧᤏ -᥇᥆, ᤕᤠᤱᤏᤠᤶ ᤏᤢ ᤓᤃᤡᤜᤠᤱ ᤑᤧᤈᤠᤣᤱ . ᤖᤠᤏᤡᤋᤠᤖ ᤐᤠᤴᤌᤖ ᤕᤢᤰᤐᤢᤱ ᤁᤧᤕᤢᤱᤒᤠᤛᤡᤖᤠᤣ ॥ ᤏᤠᤈᤡᤖᤡ ᤋᤱᤒᤣ ᤀᤡᤛᤡᤰ ᥈᥆᥈᥊ ᤈᤢᤗᤠᤀᤡ ᥋ ᤏᤠᤶᤗᤧ ᤕᤠᤶᤔᤠ ᤜᤢᤴᤇᤡᤖᤧ ᤛᤠᤰᤂᤣ ᤙᤰ ᤜᤠᤔᤠ ᤌᤡᤶᤒᤣ᤹ ᤐᤠᤣᤂᤠᤀᤠᤱ ᤘᤕᤠ ॥
ᤜᤢᤴᤇᤡ᤹ ᤛᤡᤰᤁᤡᤶ ᤀᤸᤐᤠᤀᤡᤏ᤻ ᤔᤠᤏᤡᤛᤠᤶᤜᤡᤶᤔᤠᤣ ᤏᤠᤈᤡᤖᤡ ᤋᤱᤒᤣ ᤀᤡᤛᤡᤰ ᤛᤠᤃᤖ ᤁᤣᤖᤢᤱᤗᤧ ᥈᥆᥈᥆ ᤏᤢ ᤓᤃᤡᤜᤠᤱ ᤑᤧᤈᤠᤣᤱᤗᤧ ᥈᥆᥈᥇ ᤗᤧ ᤔᤡᤱ ᤛᤠᤵᤋᤠᤣᤏ᤻ ᤆᤠᤣᤃᤧᤳᤇᤢᤀᤠᤱ ᤘᤕᤠ ॥
ᤜᤠᤱᤗᤢᤱᤒᤠ ᤁᤠᤣᤔ᤻ᤓᤠᤣ ᤛᤰᤁᤠᤣ ᤛᤠᤃᤖ ᤁᤣᤖᤢᤱᤗᤧ ᤔᤢᤴᤎᤢᤶᤔᤡ ᤐᤠᤱ-ᤐᤠᤱᤘᤠᤀᤡᤗᤠ ᤏᤢ ᤓᤃᤡᤜᤠᤱ ᤑᤧᤈᤠᤣᤱᤖᤧ ᤑᤈᤣ᤹ ᤆᤠᤣᤁ᤻ᤔᤠ ᤌᤡᤶ ᤛᤶᤍᤠᤱᤒᤠ ᤛᤰᤏᤡᤶ ᤁᤠᤣᤔ᤻ᤓᤠᤣᤙᤰ ᤋᤠᤣᤏ᤻ᤍᤧᤇᤢᤀᤠᤱ ᤘᤕᤠ ॥
ᤏᤣᤐᤠᤗ ᤕᤢᤰᤑᤠᤣᤀᤠᤣ ᤗᤠᤈᤣ᤹ᤀᤡᤴ ᤛᤱᤄᤡᤕ ᤗᤠᤣᤁ᤻ᤋᤠᤴᤋᤡᤪ ᤃᤏᤋᤴᤋᤪ ᤐᤠᤣᤂᤠᤛᤠᤱ ᤕᤢᤰᤑᤠᤣᤒᤠ ᤕᤠᤵᤔᤡᤖᤧ ᤀᤠᤒᤠᤱᤅᤣ ᤔᤠ᤺ᤐᤠᤏ᤻ᤂᤠᤣ ᤔᤠᤏᤡᤛᤠᤶᤜᤡᤶ ᤌᤠᤖᤡᤰ ᤛᤰᤏᤡᤶ ᤆᤠᤣᤁ᤻ᤔᤠ ᤂᤠᤣᤔᤧᤴᤍᤧᤳᤋᤣ ᤘᤠ ॥
ᤁᤴ ᤐᤠᤏᤠᤣᤒᤠ ᤌᤡᤶᤒᤣ᤹ᤀᤠᤣ ᤁᤡᤖᤠᤋ᤻ ᤕᤠᤰᤌᤢᤱ ᤐᤠᤏ᤻ᤍᤠᤱ ᤐᤠᤐ᤻ᤔᤠ ᤛᤠᤵᤔᤠᤖᤧ ᤔᤠᤗᤠᤶ ᤛᤠᤵᤛᤰᤁᤡᤒᤠ ᤜᤣᤁ᤻ᤕᤠᤔ᤻ᤒᤠᤖᤧ ᤐᤕᤶᤃᤧᤴ ᤂᤠᤣᤗᤰᤖᤧ ᤏᤠᤘᤠᤀᤠᤣ ᤏᤡᤕᤠᤖᤠ ᤔᤧᤍᤣᤛᤢᤀᤠᤱ ᤘᤠᤖᤠᤣ ॥
