ᤔᤠᤱᤛᤣᤒᤢᤱ / ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤏᤢ ᤔᤢᤍᤠᤶᤖᤧ ᤐᤠᤏ᤻ᤍᤠᤀᤠᤣ ᤏᤡᤱᤘᤠ᤹ ᤐᤠᤏ᤻ ᤕᤢᤱᤔᤠ ᤌᤡᤶᤒᤣ᤹ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥
ᤁᤧᤍᤠᤒᤠ ᤛᤧᤏᤇᤧᤱᤒᤠ ᤁᤠᤵᤔᤣᤐᤠ ᥈᥌ ᤏᤠᤶᤗᤧ ᤕᤠᤶᤔᤠ ᤍᤔᤁ᤻ᤀᤠᤣ ᤁᤡᤖᤠᤋ᤻ ᤀᤡᤋ᤻ᤏᤶ ᤌᤡᤶᤒᤣ᤹ ᤏᤡᤛᤡᤃᤣᤁ᤻ᤐᤠ ᤏᤠ᤹ᤗᤠ ᤀᤡᤈᤠᤁ᤻ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥ ᤌᤡᤶᤒᤣ᤹ᤒᤠ ᤋᤢᤶᤒᤠ ᤏᤡᤱᤘᤠ᤹ᤐᤠᤏ᤻ ᤕᤢᤱᤔᤠᤖᤧ ᤏᤠᤘᤠᤀᤠᤣ ᤋᤢᤳᤋᤢ ᤜᤖᤡ ᤜᤢᤰᤐᤠᤆᤠᤣᤅ᤻ᤒᤠᤱ ᤋᤠᤒᤠ ᤐᤠᤣᤂᤠᤀᤠᤱ ᤘᤠ ॥ ᤜᤢᤏᤧ ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤛᤡᤃᤠᤱᤒᤠ ᤔᤢᤰᤛᤡᤒᤠ ᤐᤠᤏ᤻ ॥ ᤔᤢᤍᤠᤶ ᤕᤢᤱᤔᤠ ᤏᤢ ᤛᤠᤶᤕᤢᤰᤗᤧ ᤐᤠᤏ᤻ᤍᤠᤱᤅᤠᤣ᤹ ᤀᤠᤒᤠᤱᤅᤣ ᤐᤠᤏ᤻ ᤕᤢᤰᤂᤢᤒᤠ ᤘᤠ ॥ ᤆᤠᤣᤅ᤻ᤒᤠᤱᤗᤧ ᤐᤠᤏ᤻ ᤕᤢᤰᤂᤢ ᤛᤢᤖᤢᤀᤠᤱ ᤏᤡᤱᤘᤠ᤹ᤀᤠᤣ ᤁᤧᤗᤡᤱᤒᤠ ᤐᤠᤏ᤻ᤜᤠ᤹ ᤌᤡᤶᤒᤣ᤹ᤀᤠᤣ ᤁᤧᤍᤠᤒᤠᤖᤧ ᤛᤧᤴᤍᤠᤣᤔᤠ ᤔᤧᤄᤠᤣᤛᤢᤒᤠ ᤘᤠ ॥
ᤔᤢᤴᤎᤢᤶᤔᤡᤒᤠ ᤏᤡᤱᤘᤠ᤹ ᤐᤠᤏ᤻ ᤕᤢᤱᤔᤠ ᤐᤏᤠᤣᤒᤠ ᤌᤡᤶᤒᤣ᤹ᤀᤡᤴ ᤍᤔᤁ᤻ᤐᤠ ᤛᤣᤘᤠᤖᤣ ᤁᤶᤗᤧᤰᤛ. ᤋᤢᤔᤡᤖᤠᤣ ᤁᤑᤡ ᤛᤑᤀᤠᤣ ᤁᤴ ᤌᤡᤶᤒᤣ᤹ᤀᤡᤴ ᤐᤠᤣᤅ᤻ᤒᤠ ᤘᤠ ॥ ᤁᤴ ᤐᤠᤏᤠᤣᤒᤠ ᤌᤡᤶᤒᤣ᤹ ᤀᤡᤈᤠᤁ᤻ ᤆᤠᤣᤁ᤻ᤔᤠᤖᤧ ᤑᤠ᤹ᤀᤠᤱ ᤀᤔᤣᤖᤡᤰᤁᤠᤒᤠ ᤖᤠᤣᤛ᤻ᤏᤡ ᤂᤠᤗᤡᤱᤖᤧ ᤕᤠᤱᤖᤧ ᤑᤠ᤹ᤛᤡᤱ ᤆᤠᤣᤃᤢᤀᤠᤱ ᤘᤠᤃᤖ ᤌᤡᤶᤒᤣᤋᤠᤅᤒᤠᤖᤣ ᤏᤠᤘᤠᤀᤠᤣ ᤀᤡᤋ᤻ᤏᤠᤶ ᤌᤡᤶᤒᤣ᤹ᤖᤧ ᤑᤠ᤹ᤀᤠᤱ ᤁᤡᤖᤠᤋ᤻ ᤆᤠᤣᤳᤗᤢᤱ. ᤁᤡᤖᤠᤋ᤻ ᤔᤸᤋᤡ ᤔᤣᤍᤡᤕᤠ. ᤁᤡᤖᤠᤋ᤻ ᤀᤠᤘᤠᤈ ᤏᤢ ᤀᤡᤱᤄᤱᤖᤧ ᤔᤧᤈᤠᤣᤃᤢᤀᤠᤱ ᤘᤠᤒᤠ ᤌᤡᤶᤒᤣ᤹ ᤀᤡᤈᤠᤁ᤻ᤐᤠ ᤐᤠᤛᤡᤱ ᤛᤢᤔᤴ ᤗᤠᤀᤠᤣᤋᤡᤖᤧ ᤐᤠᤋᤢᤀᤠᤱ ᤘᤠ ॥