ᤌᤧᤖᤧᤱᤏᤠᤶ ᥈᥊ ᤔᤠᤱᤛᤣᤒᤢᤱ / ᤏᤡᤛ᤻ᤛᤣ ᤛᤠᤶᤕᤠᤣ ᤂᤠᤍᤧᤶ ᤙᤰ ᤐᤠᤣᤂᤠᤒᤠ ᤛᤢᤕᤧᤶᤔᤠᤣ ᥏᥊ ᤛᤡᤃᤣᤁ᤻ᤐᤠ ᤛᤱᤈᤢᤶ ᤌᤠᤣᤒᤠᤣ ᤋᤱᤏᤠᤶ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤋᤠᤣᤛᤡᤱᤅᤠᤱ ᤘᤠ ॥
ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤑᤸᤃᤢᤏᤴᤍᤖᤧ ᤂᤠᤶᤒᤠᤣᤅ᤻ᤒᤠ ᤗᤢᤱᤒᤠᤣᤅ᤻ᤒᤠ. ᤔᤧᤴᤇᤠᤶᤃᤧᤏ ᤏᤠᤶᤕᤠᤵᤔᤡᤜᤠ᤹ᤖᤧ ᤛᤱᤈᤢᤶ ᤌᤠᤣᤒᤠᤣᤖᤧ ᤑᤠ᤹ᤀᤠᤱ ᥏᥉ ᤋᤱᤒᤣ ᤋᤃᤡ ᤏᤡᤛ᤻ᤛᤣ ᤛᤠᤶᤕᤠᤣ ᤛᤠᤰᤂᤣ ᤙᤰ ᤀᤡᤓᤢ᤹ᤔᤠ ᤛᤠᤶᤔᤢᤴᤎᤢᤶᤔᤡᤒᤠ ᤕᤠᤔ᤻ᤒᤰ ᤐᤠᤣᤂᤠᤀᤠᤱ ᤘᤕᤠ ॥ ᤒᤡᤁᤪᤶ ᤋᤱᤒᤣ ᥇᥏᥎᥎ ᤌᤧᤖᤧᤱᤏᤠᤔ ᤗᤠ ᥈᥊ ᤏᤠᤶᤗᤧ ᤕᤠᤶᤔᤠ ᤐᤠᤏ᤻ᤌᤖᤒᤠ ᤛᤡᤗᤠᤤᤋᤡ ᤀᤠᤣ ᤕᤠᤰᤌᤢᤱ ᤗᤠᤈᤣ᤹ ᤂᤠᤶᤄᤢᤒᤠ ᤛᤢᤓᤠ. ᤀᤠᤔᤠᤗᤡ ᤏᤢ ᤛᤠᤶᤏᤡᤃᤧᤶᤒᤠ. ᤕᤢᤶᤑᤠᤣᤛᤠ ᤏᤢ ᤛᤣᤘᤠᤛᤠᤜᤠ᤹ ᤌᤡᤰᤜᤢᤵ ᤆᤠᤣᤃᤢᤛᤡᤀᤠᤱ ᤏᤡᤛ᤻ᤛᤣ ᤛᤠᤶᤕᤠᤣ ᤛᤠᤰᤂᤣ ᤙᤰ ᤀᤡᤓᤢᤵᤔᤠ ᤛᤠᤵᤔᤢᤴᤎᤢᤶᤔᤡᤒᤠ ᤕᤠᤔ᤻ᤒᤰᤁᤡᤴ ᤐᤠᤣᤂᤠᤀᤠᤱ ᤘᤕᤠ ॥
ᤏᤡᤛ᤻ᤛᤣ ᤛᤠᤶᤕᤠᤣ ᤂᤠᤍᤧᤶ ᤙᤰ ᤀᤠᤣ ᤐᤌᤠᤐ᤻ᤐᤠ ᤐᤠᤏ᤻ᤍᤠᤜᤠ᤹ ᤔᤠᤐᤠᤏ᤻ᤂᤠᤱ ᤏᤡᤛᤠᤶ ᤆᤠᤣᤁ᤻ᤔᤠ ॥ ᤛᤠᤘᤠᤏ᤻ ᤀᤠᤱᤎᤠᤣ ᤀᤠᤛᤡᤒᤠ ᤌᤠᤖᤡᤰᤐᤠ ᤂᤠᤈᤠᤣᤅ᤻ᤜᤠ᤹ ᤛᤣᤛᤣᤒᤠ ᤏᤢ ᤆᤩ ᤕᤠᤱᤏᤢ ᤆᤡᤃᤰᤘᤠᤀᤠᤣ ᤆᤠᤣᤁ᤻ᤔᤠ ᤛᤢᤰᤋᤧᤵᤐᤠ ᤏᤢ ᤁᤧᤖᤧᤰᤗᤧ ᤌᤡᤰᤐᤖᤡᤰᤐᤠ ᤆᤠᤣᤁ᤻ᤔᤠ ॥ ᤔᤧᤴᤇᤠᤶ ᤕᤠᤵᤔᤡᤖᤧ ᤜᤡᤴᤍᤠᤣᤁ᤻ᤁᤡᤴ ᤔᤧᤴᤈᤠᤖᤡ ᤆᤠᤣᤁ᤻ᤔᤠ ᤏᤢ ᤔᤠᤱ ᤛᤠᤶᤔᤠᤱᤜᤠ᤹ᤀᤠᤣ ᤔᤠᤰᤂᤡᤛᤡᤘᤠ ᤋᤠᤣᤔ᤻ᤔᤠᤔᤧᤏ᤻ ॥ ᤑᤠᤣᤈᤱ. ᤛᤠᤣ᤹ᤏᤧᤳ ᤏᤢ ᤏᤠᤣᤏᤧᤳ ᤁᤢᤀᤡᤛᤡᤰ ᤆᤠᤣᤁ᤻ᤔᤠ ॥ ᤛᤠᤆᤣᤗᤡᤖᤧ ᤜᤁ᤻ᤋ᤹ᤒᤠ ᤀᤢᤅ᤻ᤔᤠ ᤆᤠᤔᤠ ᤔᤧ᤺ᤴ ॥ ᤁᤧᤖ᤹ᤒᤠ ᤐᤠᤏ᤻ᤂᤠᤜᤠ᤹ ᤐᤠᤎᤠᤐ᤻ᤐᤠ ᤏᤠᤘᤠᤀᤠᤣ ᤛᤠᤶᤛᤡᤱ ᤁᤧᤒᤠᤣᤅ᤻ᤒᤠ ᤗᤌᤡᤶ ᤛᤧᤰᤂᤠᤀᤣ ᤁᤢᤈᤠ᤹ᤀᤡᤒᤠ ᤛᤠᤵᤔᤢᤴᤎᤢᤶᤔᤡᤒᤠ ᤕᤠᤔ᤻ᤒᤰ ᤐᤠᤣᤂᤠᤒᤠ ᤕᤧᤴᤏᤡᤴ ᤛᤱᤈᤢᤶ ᤌᤠᤣᤒᤠᤣᤖᤧ ᤏᤠᤘᤠᤀᤠᤣ ᤋᤠᤣᤔᤠ ᤜᤣᤁ᤻ᤛᤡᤱᤅᤠᤱ ᤘᤠ ॥
ᤀᤤᤴ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤕᤖᤡᤰ ᤁᤡᤖᤠᤋ᤻ ᤛᤠᤶᤕᤠᤣᤛᤠᤖᤧ ᤏᤡᤛ᤻ᤛᤣ ᤛᤠᤶᤕᤠᤣ ᤂᤠᤍᤧᤶ ᤙᤰ ᤐᤠᤣᤂᤠᤒᤠ ᤛᤢᤕᤧᤶᤔᤠᤣ ᥏᥊ ᤛᤡᤃᤣᤁ᤻ᤐᤠ ᤛᤱᤈᤢᤶ ᤌᤠᤣᤒᤠᤣ ᤋᤱᤏᤠᤶᤖᤧ ᤏᤠᤘᤠᤀᤠᤣ ᤀᤧᤍᤠᤣᤛᤢᤀᤱ ᤘᤠ ॥
