ᤌᤧᤖᤧᤱᤏᤠᤶ ᥇᥏ ᤔᤠᤱᤛᤣᤒᤢᤱ / ᤀᤡᤋ᤻ᤏᤠᤶ ᤌᤠ᤹ᤔᤡᤱᤒᤠ ᤁᤠ᤹ᤀᤡ ᤑᤠᤣᤀᤡ ᤏᤡᤱᤘᤠ᤹ᤒᤠ ᤐᤠᤏ᤻. ᤛᤠᤶᤕᤠᤣ ᤛᤠᤰᤌᤡᤶ. ᤔᤠᤱᤌᤡᤶ ᤜᤠᤱᤌᤡᤶ ᤏᤢ ᤜᤡᤴᤍᤠᤣᤁ᤻ᤔᤠᤗᤠᤶᤖᤧ ᤐᤠᤐ᤻ᤔᤠ ᤆᤧᤱᤔᤠ ᤋᤧᤴᤖᤧ ᤏᤠᤘᤠᤀᤠᤣ ᤗᤠᤃᤧᤴᤔᤡᤒᤠ ᤌᤡᤶᤒᤣ᤹ ᤀᤡᤈᤠᤁ᤻ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥
ᤁᤡᤖᤠᤋ᤻ ᤆᤠᤣᤋ᤻ᤗᤢᤱ. ᤁᤡᤖᤠᤋ᤻ ᤔᤸᤋᤡᤔᤡᤍᤡᤕᤠ. ᤁᤡᤖᤠᤋ᤻ ᤀᤠᤘᤠᤈ ᤏᤢ ᤀᤡᤱᤄᤱᤖᤧ ᤗᤌᤡᤰ ᤌᤡᤶᤒᤣ᤹ ᤀᤡᤈᤠᤁ᤻ ᤔᤧᤆᤠᤣᤃᤢᤒᤠ ᤐᤏ᤻ ᤐᤠᤣᤂᤠᤀᤠᤱ ᤘᤠ ॥ ᤁᤴ ᤌᤡᤶᤒᤣ᤹ᤀᤠᤣ ᤗᤳᤌᤡᤰ ᤋᤧᤏᤃᤵᤐᤠ ᤛᤠᤱᤗᤒᤠ ᤏᤢ ᤛᤱᤈᤠᤢᤶ ᤌᤠᤣᤒᤠᤣᤖᤧ ᤜᤣᤁ᤻ᤕᤠᤔ᤻ᤒᤠᤖᤧ ᤏᤠᤘᤠᤀᤠᤣ ᤕᤠᤔ᤻ᤒᤰ ᤁᤧᤈᤠᤣᤁ᤻ᤐᤠ ᤔᤧᤴᤇᤠᤶᤃᤧᤏ ᤏᤠᤶᤕᤠᤵᤔᤡᤖᤧ ᤜᤡᤴᤍᤠᤣᤁ᤻ᤁᤠᤣ ᤑᤠ᤹ᤛᤡᤱᤘᤠᤖᤧ ᤕᤠᤔ᤻ᤒᤰ ᤁᤧᤈᤠᤣᤁ᤻ᤐᤠᤖᤧ ᤐᤠᤏ᤻ᤕᤢᤱ ᤔᤧᤈᤠᤣᤃᤢᤒᤠ ᤐᤠᤏ᤻ ᤘᤠ ॥
ᤏᤡᤛ᤻ᤛᤣ ᤛᤠᤶᤕᤠᤣ ᤛᤠᤰᤂᤣᤙᤰ ᤛᤠᤵᤛᤡᤱ ᤐᤠᤣᤂᤠᤒᤠ ᤕᤧᤴᤏᤡᤋ᤻ ᤌᤧᤖᤧᤱᤏᤠᤶ ᥈᥊ ᤏᤠᤶᤀᤠᤱᤎᤠᤣ ᤁᤴ ᤌᤡᤶᤒᤣ᤹ᤖᤧ ᤛᤢᤏᤠᤜᤴ ᤐᤠᤣᤅ᤻ᤒᤠ ॥ ᤌᤡᤶᤒᤣ᤹ᤀᤠᤣ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤏᤡᤛ᤻ᤛᤣᤜᤠᤱᤔᤠ ᤔᤠᤌᤠᤁᤢ ᤗᤡᤱᤍᤧᤴ ᤑᤠᤸᤃᤢᤏᤴᤍᤖᤧ ᤔᤠᤗᤠᤶ ᤏᤧᤛ᤻ᤛᤢᤒᤠ ᤜᤡᤴᤍᤠᤣᤁ᤻ ᤏᤢ ᤛᤱᤈᤢ ᤌᤠᤣᤒᤠᤣᤖᤧ ᤐᤠᤏ᤻ᤍᤠᤀᤠᤣ ᤀᤠᤱᤒᤢᤜᤠᤱ ᤀᤒᤠᤣᤎ ᤀᤒᤡᤖᤗᤖᤧ ᤐᤎᤠᤐ᤻ᤐᤠ ᤐᤠᤏ᤻ᤕᤢᤱ ᤆᤠᤣᤃᤢᤒᤠ ᤘᤠ ॥
ᤏᤡᤛ᤻ᤛᤣ ᤛᤠᤶᤕᤠᤣ ᤙᤰ ᤒᤡᤁᤪᤶ ᤋᤱᤒᤣ ᥇᥏᥎᥎ ᤌᤧᤖᤧᤱᤏᤠᤶ ᥈᥊ ᤏᤠᤶᤗᤧ ᤕᤠᤶᤔᤠ ᤜᤧᤴᤕᤧᤶᤒᤠ ᤗᤰᤗᤠᤣᤒᤠ ᤛᤢᤓᤠᤜᤠ᤹ ᤏᤢ ᤗᤡᤶᤒᤢᤘᤠᤏ᤻ ᤋᤧᤴᤃᤵᤐᤠᤣ ᤁᤧᤕᤢᤱᤒᤠ ᤕᤢᤰᤑᤠᤣᤛᤠᤖᤧ ᤛᤱᤈᤢᤶᤔᤡᤴ ᤌᤡᤰ ᤀᤡᤸᤗᤡᤶᤔᤠᤣ ᤀᤡᤈᤠᤁ᤻ ᤆᤠᤣᤁ᤻ᤔᤠ ᤑᤠ᤹ᤀᤠᤱ ᤛᤠᤰᤂᤣᤙᤰᤗᤧ ᤔᤧᤄᤧᤂᤢᤒᤠ ᤛᤠᤵᤔᤢᤴᤎᤢᤶᤔᤡᤒᤠ ᤕᤧᤴᤏᤡᤋ᤻ᤖᤠᤣ ॥ ᤁᤴ ᤋᤱᤒᤣ ᤛᤱᤈᤢᤶ ᤌᤠᤣᤒᤠᤣ ᥏᥊ ᤛᤡᤃᤣᤁ᤻ᤐᤠ ᤋᤱᤏᤠᤶᤖᤧ ᤏᤠᤘᤠᤀᤠᤣ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤋᤠᤣᤛᤡᤱᤗ ᤘᤠ ॥
