ᤌᤧᤖᤧᤱᤏᤠᤶ ᥇᥇ ᤔᤠᤱᤛᤣᤒᤢᤱ / ᤏᤧᤐᤠᤗ ᤗᤠᤈᤣ᤹ᤒᤠ ᤑᤢᤱ ᤌᤠᤣᤁ᤻ᤑᤧ᤹ᤗᤠᤖᤠᤣ ॥ ᤁᤴ ᤑᤢᤱᤅᤡᤴ ᤐᤏᤠᤣᤒᤠ ᤆᤠᤣᤁ᤻ ᤕᤁ᤻ ᤑᤖᤡᤰᤐᤠ ᤆᤠᤏ᤻ᤜᤠ᤹ᤀᤠᤣ ᤑᤧᤰ ॥ ᤁᤠᤣᤁ᤻ᤔᤠ ᤑᤠᤱᤈᤱᤏᤢ ᤁᤧᤛᤧᤶᤒᤠ ᤋᤧᤴᤀᤠᤣ ᤆᤧᤖᤧᤱᤏᤠᤶ ᤌᤧᤖᤧᤱᤏᤠᤶ ᤗᤠᤜᤠ᤹ᤀᤠᤣ ᤑᤧᤰᤐᤠᤸᤗᤧ ᤆᤠᤣᤃᤢᤱᤗᤧ ᤕᤖᤡᤰ ᤑᤧᤰᤐᤠ ᤋᤧᤴᤀᤠᤣ ᤗᤠᤈᤣ᤹ ᤛᤡᤱᤒᤢᤱᤅᤣ ᤌᤠᤣ᤹ᤖᤢᤀᤠᤱ ᤕᤢᤱᤒᤠ ᤁᤢᤛᤡᤱ ᤏᤡᤎᤠᤐ᤻ᤗᤠᤣ ॥ ᤌᤠᤣᤁ᤻ᤑᤧ᤹ᤗᤠ ᤕᤖᤡᤰ ᤐᤖᤡᤰᤐᤠ ᤘᤠ ॥
ᤏᤠᤶᤒᤡᤴ ᤏᤧᤐᤠᤗᤒᤠ ᤋᤣᤖ᤻ᤌᤢᤶᤔᤡᤴ ᤌᤠᤣᤁ᤻ᤑᤧ᤹ᤗᤠᤖᤧ ᤜᤠᤱᤕᤢᤰᤏᤠᤋᤧᤴᤀᤠᤱ ᤀᤠᤔᤧᤳᤋᤢᤶ ॥ ᤁᤴ ᤋᤧᤴᤀᤠᤣ ᥇᥎ ᤐᤖᤡᤰᤐᤠ ᤑᤠᤣᤁ᤻ᤑᤧ᤹ᤗᤠᤜᤠ᤹ ᤘᤠᤏᤠᤶᤏᤢ ᤛᤠᤣᤖᤡᤰ ᤔᤧᤓᤣᤰ ॥ ᤁᤢᤍᤱᤒᤠ ᤋᤧᤴ ᤔᤡᤸᤁᤣ ᤏᤢ ᤈᤸᤈᤗᤣ ᤛᤠᤣᤖᤡᤰᤁᤠᤣ ᥈᥊ ᤐᤖᤡᤰᤐᤠ ᤌᤠᤣᤁ᤻ᤑᤧ᤹ᤗᤠ ᤕᤢᤱᤒᤠ ᤋᤧᤴᤇᤠᤒᤠᤜᤠ᤹ᤖᤧ ᤔᤧᤒᤠᤋᤢ ॥ ᤁᤴ ᤋᤧᤴᤏᤡᤴ ᤘᤠᤜᤱ ᤋᤠᤰᤑᤠᤏᤢ ᥉᥆᥆᥆ ᤑᤡᤋ᤻ ᤌᤠᤠᤖᤡᤰᤐᤠᤀᤠᤣ ᤏᤧᤒᤠ ॥ ᤋᤡᤴᤈᤢᤖᤧ ᤛᤧᤰᤂᤠᤀᤣ ᤛᤡᤰᤐᤛᤶᤒᤠ ᤐᤏᤠᤣ-ᤏᤠᤣᤒᤠ ᤏᤡᤕᤠᤖ ᤏᤡᤎᤠᤐ᤻ ॥
ᤔᤠᤱᤄᤠᤗᤠᤈᤣ᤹ᤒᤠ ᤋᤠᤰᤁᤴᤛᤠᤒᤠᤜᤠ᤹ ᤁᤴ ᤋᤧᤴᤀᤠᤣ ᤕᤧᤶᤏᤢ ᤛᤠᤣᤖᤡᤰ ᤛᤡᤸᤗᤡᤰᤗᤰ ᤋᤠᤔᤠ ᤔᤧᤜᤣᤁ᤻ᤋᤠᤀᤠᤱ ᤘᤠ ॥ ᤋᤃᤡ ᤗᤠᤱᤄᤣᤁ᤻ᤗᤠᤶᤖᤰ ᤏᤧᤛᤠᤸᤗᤣ ᤘᤣ᤹ᤗᤠᤈᤣ᤹ᤒᤠ ᤋᤠᤰᤁᤴᤛᤠᤒᤠᤜᤠ᤹ ᤔᤧᤍᤠᤩᤒᤠ ॥ ᤀᤠᤸᤗᤠᤣ ᤗᤠᤎᤠ᤹ ᤗᤠᤶ ᤜᤴᤍᤠᤀᤠᤱ ᤏᤣᤐᤠᤗ ᤗᤠᤈᤣ᤹ᤒᤠ ᤋᤠᤰᤁᤴᤇᤠᤒᤠᤜ᤹ᤖᤰ ᤔᤧᤍᤠ ॥ ᤌᤠᤣᤁ᤻ᤑᤧ᤹ᤗᤠᤜᤠ᤹ᤀᤠᤱ ᤀᤠᤸᤗᤠᤣ ᤕᤖᤡᤰ ᤛᤢᤸᤗᤡᤰ ᤐᤠᤣᤂᤠᤖᤐᤣ ॥ ᤋᤠᤰᤁᤴᤇᤠᤒᤠᤜᤠ᤹ᤖᤧ ᤔᤧᤛᤧᤰᤂᤢᤀᤠᤱ ᤔᤠᤖᤧᤒᤠ ᤏᤢ ᤗᤠᤎᤠ᤹ᤗᤠᤶᤖᤧ ᤕᤖᤡᤰ ᤔᤠᤛᤢᤒᤠ ᤋᤧᤴᤇᤠᤒᤠᤜᤠ᤹ᤖᤧ ᤔᤧᤒᤠᤋᤢ ॥
ᤕᤠᤰᤌᤢᤱ ᤛᤢᤘᤠᤱᤖᤧ ᤕᤢᤔᤠ᤹ᤖᤧ ᤑᤢᤱ ᤕᤠ ᤕᤢᤔᤠ᤹ᤖᤧ ᤏᤠᤘᤠᤖᤠᤀᤠᤣ ᤏᤠᤈᤶ ᤔᤧᤵᤏᤠᤒᤠ ᤁᤴ ᤑᤢᤱᤅᤡᤴ ॥ ᤌᤠᤣᤁ᤻ᤑᤧ᤹ᤗᤠ ᤋᤠᤱᤛᤧᤐ᤻ᤔᤠᤖᤧ ᤑᤠ᤹ᤀᤠᤱ ᤋᤧᤴᤏᤡᤒᤠ ᤜᤠᤱᤕᤢᤰ ᤏᤢ ᤋᤧᤴᤇᤠᤒᤠᤜᤠ᤹ ᤔᤧᤍᤱᤛᤡᤱᤅᤠᤱ ᤐᤏᤠᤣᤒᤠ ᤜᤣᤁ᤻ᤕᤠᤔ᤻ᤒᤠ ᤌᤡᤶᤒᤣᤜᤠ᤹ ᤐᤠᤣᤅ᤻ᤗ ᤘᤠᤒᤠ ᤏᤢ ᤏᤠᤣᤌᤡᤶᤔᤡᤒᤠ ᤕᤠᤵᤔᤡᤖᤧ ᤌᤠᤣᤁ᤻ᤑᤧ᤹ᤗᤠ ᤋᤢᤵᤔᤠᤛᤠᤱ ᤜᤠᤅ᤻ᤃᤠᤴᤏᤣ ᤛᤧᤱᤔᤠ ᤔᤧᤏᤢ᤹ᤏᤧᤴ ᤁᤧᤗ᤹ᤒᤠ ᤁᤢᤛᤡᤱ ᤏᤡᤐ᤻ᤐᤠ ᤐᤠᤣᤅ᤻ᤗᤠᤣ ॥
ᤌᤠᤣᤁ᤻ᤑᤧ᤹ᤗᤠᤖᤧ ᤔᤠᤗᤠᤈᤣ᤹ ᤋᤣᤖᤌᤢᤶᤒᤠ ᤋᤡᤴᤈᤢᤖᤣᤒᤠ ᤐᤏᤠᤣᤒᤠ ᤔᤷᤃᤠᤱᤕᤠᤖᤡᤰ ᤌᤠᤣᤁ᤻ᤑᤧ᤹ᤗᤠ ᤑᤧᤰᤋᤠᤀᤠᤱ ᤕᤢᤱᤒᤠ ᤏᤡᤕᤠᤖᤠ ॥
ᤆᤀᤡᤋ᤻ ᤁᤧᤗᤰᤐᤠ – ᤐᤪᤒᤡᤏ᤻ ᤛᤣᤗᤡᤱ ᤛᤧᤴᤍᤠᤣ / ᤔᤠᤱᤛᤣᤒᤢᤱ ᤀᤡᤗᤠᤶ
