ᤆᤧᤖᤧᤱᤏᤠᤶ ᥏ ᤔᤠᤱᤛᤣᤒᤢᤱ / ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤏᤡᤛᤠᤶᤜᤡᤶᤔᤠᤣ ᤀᤤᤏ᤻ᤏᤠᤱᤎᤠᤣ ᤋᤱᤃᤧᤴᤛᤠᤣᤔ᤻ ᤐᤠᤣᤅ᤻ᤜᤁ᤻ᤋᤠᤀᤠᤱ ᤘᤠ ॥
ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤏᤡᤇᤠᤶ ᤁᤧᤒᤠᤣᤅ᤻ᤒᤠ ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤏᤡᤛᤠᤶᤜᤡᤶᤔᤠᤣ ᤀᤤᤏ᤻ᤏᤠᤱᤎᤠᤣ ᤜᤣᤁ᤻ᤛᤡᤱᤅᤠᤱᤎᤠᤣ ᤌᤠᤅ᤻ᤛᤡᤱ ᤏᤡᤍᤱ ᤌᤠᤖᤡᤰᤐᤠ ᤁᤧᤖᤧᤰ ᤋᤠᤰᤑᤠᤜᤠ᤹ᤀᤠᤣ ᤋᤱᤃᤧᤴᤛᤠᤣᤔ᤻ ᤐᤠᤣᤅ᤻ᤔᤠ ᤜᤣᤁ᤻ᤋᤠᤀᤠᤱ ᤘᤠ ॥
ᤀᤤᤏ᤻ᤏᤠᤱᤎᤠᤣ ᤔᤠᤱᤛᤣᤒᤢᤱ ᥋, ᤂᤠᤏᤡᤴ ᤕᤰᤗᤰᤐᤠ ᤁᤡᤖᤠᤋ᤻ ᤛᤠᤶᤕᤠᤣᤒᤠ ᤔᤢᤖᤢᤶᤃᤧᤴ ᤋᤧᤴᤀᤠᤣ ᤁᤧᤏᤧᤒᤠ ᤏᤡᤛᤠᤶᤜᤡᤶᤔᤠᤣ ᤋᤱᤃᤧᤏᤛᤠᤣᤔ᤻ ᤁᤧᤒᤠᤣᤅ᤻ᤒᤠᤀᤠᤣ ᥏᥋ ᤏᤡᤇᤠᤶᤛᤠᤜᤠ᤹ ᤋᤱᤃᤧᤴᤛᤠᤣᤔ᤻ ᤛᤠᤵᤐᤡ ᤔᤧᤘᤠ ॥ ᤛᤠᤣᤔ᤻ᤀᤠᤣ ᤜᤡᤴᤈᤠ᤹ᤀᤠᤱᤎᤠᤣ ᤋᤢᤶᤓᤠᤰᤛᤠ ᤋᤢᤶᤓᤠᤰᤔᤠ ᤁᤧᤖᤧᤰᤗᤧ ᤏᤡᤔᤧᤎᤠᤐ ॥
ᤏᤡᤇᤠᤶᤛᤠᤖᤧ ᤏᤠᤔ᤻ᤓᤣᤀᤠᤣ ᤏᤡᤇᤠᤶᤛᤠ ᤕᤖᤡᤰ ᤔᤧᤘᤠᤒᤠᤸᤗᤧ ᤆᤠᤣᤃᤢᤸᤗᤧ ᤛᤜᤠᤱᤕᤢᤰ ᤏᤢ ᤘᤣ᤹ ᤛᤜᤠᤱᤕᤢᤰᤂᤠ᤹ᤀᤠᤣ ᤀᤠᤱ ᤛᤠᤣᤔ᤻ ᤛᤠᤵᤐᤡ ᤔᤧᤕᤢᤱᤒᤠ ᤏᤡᤔᤧᤍᤧᤳ ॥ ᤀᤰᤂᤣᤗ᤹ᤖᤡᤰᤐᤠ ᤏᤡᤕᤠᤖᤠᤜᤠ᤹ ᤏᤡᤔᤠᤸᤗᤣ ᤀᤠᤸᤗᤠᤣ ᤕᤁ᤻ᤘᤠᤍᤱ ᤏᤠᤘᤠᤀᤠᤣ ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤏᤡᤇᤠᤶᤛᤠᤜᤠ᤹ ᤔᤧᤒᤠᤣᤖ ᤔᤧᤘᤠᤒᤠ ᤏᤠᤘᤠ ᤏᤡᤎᤠᤐ᤻ ॥
ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤏᤡᤛᤠᤶᤜᤡᤶᤔᤠᤣ ᤜᤡᤴᤈᤠ᤹ ᤐᤡᤳᤇᤠᤣᤀᤠᤱᤎᤠᤣ ᤋᤢᤶᤓᤠᤠᤰᤛᤠ ᤋᤢᤶᤓᤠᤰᤔᤠ ᤁᤧᤖᤧᤰ ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤙᤰᤏᤡᤶ ᤔᤧᤈᤠᤣᤁ᤻ᤐᤠ ॥ ᤏᤡᤇᤠᤶᤛᤠᤖᤧ ᤔᤢᤖᤢᤶᤃᤧᤴ ᤏᤠᤘᤠᤀᤠᤣ ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤂᤠᤈᤠᤣᤅ᤻ ᤀᤡᤛᤡᤁ᤻ ᤂᤠᤈᤠᤣᤅ᤻ ᤆᤠᤣᤁ᤻ᤔᤠ. ᤂᤠᤀᤡᤁ᤻ ᤁᤡᤖᤠᤋ᤻ ᤛᤛᤡᤔᤢᤴᤎᤢᤶ ᤘᤃᤧᤖᤠ ᤔᤧᤜᤢ᤹ᤛᤡᤱ ॥ ᤋᤢᤶᤓᤠᤰᤛᤠ ᤋᤢᤶᤓᤠᤰᤔᤠᤖᤧ ᤑᤠ᤹ᤀᤠ ᤁᤢᤛ᤻ᤖᤰᤐᤠ ᤏᤢ ᤜᤡᤴᤈᤠ᤹ ᤐᤡᤳᤇᤠᤣ ᤏᤢ ᤏᤠᤗᤡᤃᤧᤴ ᤌᤠᤱᤒᤧᤴ ᤔᤧᤴᤇᤡᤏ᤻ᤖᤧ ᤁᤢᤔᤢᤰᤐᤠᤖᤧ ᤏᤠᤘᤠᤀᤠᤣ ᤛᤰᤏᤡᤶ ᤐᤠᤣᤅ᤻ᤒᤠ ᤋᤢᤶ ᤛᤡᤰᤛᤠᤶᤒᤠ ᤗᤗᤡᤋ᤻ ᤆᤴᤍᤪ ᤑᤡᤕᤠᤁ᤻ᤗᤧ ᤐᤠᤋᤢ ॥