ᤁᤁ᤻ᤑᤧᤁᤘᤠ ᥈᥉, ᤔᤠᤱᤛᤣᤒᤢᤱ / ᤐᤒᤡᤋᤪᤜᤠᤱᤔᤠ ᤁᤐ᤻ ᥇᥊ ᤛᤡᤃᤣᤁ᤻ᤐᤠ ᤜᤰᤆᤠᤋ᤻ ᤋᤠᤏ᤻ᤍᤡᤰᤁᤠᤱᤎᤠᤣ ᤐᤠᤣᤅ᤻ᤒᤠ ॥
ᤔᤠᤱᤛᤣᤒᤢᤱᤅᤠᤣ ᤋᤱᤒᤣᤌᤵᤔᤠ ᤐᤒᤡᤋᤪᤜᤠᤱᤔᤠ ᤁᤵ ᤔᤡᤱᤛᤠᤣᤀᤠᤣ ᤀᤡᤈᤠᤁ᤻ ᤁᤧᤒᤠᤣᤅ᤻ᤒᤠ ᤔᤧᤴᤇᤢᤔᤠ᤹ ᤗᤧᤶᤈᤠᤱᤒᤠ ᤜᤰᤆᤠᤋ᤻ ᤋᤠᤏ᤻ᤍᤡᤰᤁᤠᤱᤎᤠᤣ ᤁᤢᤜᤣᤁ᤻ᤛᤡᤱ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢᤔᤠᤔᤠᤱ ᤔᤡᤜᤡᤅ᤻ᤃᤢᤶ ᤀᤱᤛᤡᤔᤠᤔᤠᤱ ᤛᤠᤔ᤻ᤒᤠ ᤐᤒᤡᤋᤪᤜᤠᤅᤔᤠ ᤗᤡᤱᤍᤧᤴᤖᤧ ᥌᥎ ᤛᤡᤃᤣᤁ᤻ᤐᤠ ᤛᤠᤘᤠᤏ᤻ ᤋᤱᤏᤠᤶᤖᤧ ᤛᤢᤕᤧᤶᤔᤠᤣ ᤀᤡᤈᤠᤁ᤻ ᤁᤣᤒᤠᤣᤅ᤻ᤒᤠ ᤌᤡᤶᤒᤣ᤹ᤀᤡᤴ ᤀᤠᤳᤔᤠᤏᤴᤍ ᤆᤠᤋ᤻ᤋᤧᤴ ᤔᤠᤱᤛᤣᤒᤢᤅᤠᤣ ᤐᤠᤣᤅ᤻ᤒᤠ ᤘᤠ ॥
ᤐᤒᤡᤋᤪᤜᤠᤱᤔᤠ ᤁᤵᤀᤠᤣ ᤏᤣᤐᤠᤗ ᤏᤢ ᤓᤠᤖᤋ᤻ᤒᤠ ᥎ ᤆᤠᤋ᤻ ᤐᤖᤢᤵᤑᤠ᤹ᤖᤧ ᤔᤧᤈᤠᤋᤢᤒᤠ ᤁᤴ ᤆᤠᤋ᤻ᤀᤡᤴ ᤌᤡᤰ ᤂᤠᤏᤡᤴ ᤁᤵᤑᤢᤒᤠ ᤐᤕᤶᤒᤠ ᤔᤧᤴᤇᤢᤔᤠ᤹ ᤗᤧᤶᤈᤠᤱᤒᤠ ᤗᤠᤱᤑᤱᤃᤠ ᤆᤠᤋ᤻ᤖᤧ ᤏᤠᤘᤠᤀᤠᤣ ᤘᤠ ॥ ᤋᤠᤣᤁ᤻ᤛᤠᤒᤠ ᤐᤖᤢᤵᤗᤧ ᥉ ᤗᤠᤱᤅᤧᤏ ᥇ ᤁᤡᤵ ᤀᤠᤱ ᥌᥎ ᤕᤠᤱ ᤏᤢ ᤑᤠ᤹ᤋᤠᤣᤁ᤻ᤛᤠᤒᤠᤖᤧ ᥈ ᤗᤠᤱᤅᤧᤏ ᤕᤠᤱ ᥇ ᤁᤡᤵᤐᤠᤱ ᥌᥎ ᤕᤠᤱᤏᤢ ᤛᤠᤣᤛᤠᤣᤖᤡᤰ ᤐᤪᤔᤠᤱᤃᤡᤛᤰ ᤏᤢ ᤋᤪᤑᤡ ᤔᤧᤍᤗ ᤔᤧᤄᤠᤣᤛᤢᤒᤠ ᤘᤠ ॥
ᤁᤢᤏᤢᤶ ᤆᤠᤋ᤻ ᤛᤠᤵᤑᤧᤰᤘᤠ ᥈ ᤏᤠᤶᤗᤧ ᤕᤠᤶᤔᤠ ᤁᤧᤈᤢᤐ᤻ᤐᤠ ᤆᤠᤋᤀᤠᤣ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱ ᤀᤡᤗᤠᤶ. ᤁᤴᤁᤠᤀᤡ ᤐᤠᤱᤕᤰᤗᤢᤱ ᤈᤠᤐᤠ᤹ ᤒᤡ ᤘᤠᤀᤡ ᤛᤡ ᤓᤢᤋᤠᤏ᤻᤹ ᤍᤡᤐᤧᤏᤍᤪ ᤛᤡᤂᤖ ᤑᤢᤍ᤻ᤒᤗ ᤁ᤻ᤗᤒ ᤀᤡᤗᤠᤶ᤹ ᤏᤔᤠᤣᤒᤢᤎ ᤑᤢᤍ᤻ᤒᤗ ᤁ᤻ᤗᤒ ᤛᤵᤋᤖᤡ. ᤈᤏᤛᤜᤕᤠᤣᤃ ᤕᤢᤘᤠ ᤔᤠᤣᤖᤅ᤻᤹ ᤏᤘᤂᤡᤐ ᤕᤢᤘᤠ ᤁ᤻ᤗᤒ ᤔᤠᤣᤖᤅ᤻ ᤏᤢ ᤀᤣᤔ᤻ ᤀᤣᤑ ᤛᤡ ᤍᤠᤷᤈᤡᤗᤡᤱ ᤓᤠᤖᤋ᤻ᤖᤧ ᤗᤠᤱᤑᤱᤃᤠ ᤔᤧᤈᤠᤋᤢᤒᤠ ᤘᤠ ॥
ᤋᤱᤒᤣᤌᤵᤔᤠ ᤕᤁ᤻ᤘᤠᤍᤱ ᤏᤠᤘᤠᤒᤠ ᤆᤠᤋ᤻ᤏᤢ ᤛᤠᤣᤛᤠᤣᤛᤠᤣᤖᤡᤰ ᤛᤠᤶᤕᤠᤣ ᤌᤠᤁᤢᤔᤠᤖᤧ ᤛᤠᤘᤠᤏ᤻ ᤋᤱᤏᤠᤶ ᤋᤠᤣᤛᤡᤱᤗ ᤘᤠ ॥
