ᤔᤠᤱᤛᤣᤒᤢᤱ / ᤐᤠᤏ᤻ᤌᤖᤒᤠ ᤕᤠᤱᤏᤠᤶᤒᤠ ᤂᤸᤗᤱᤃᤠᤀᤠᤣ ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ᤔᤡᤱᤛᤠᤣ ᤔᤧᤶᤔᤠ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤑᤸᤃᤢᤏᤴᤍᤖᤧ ᤆᤀᤡᤋ᤻ᤗᤢᤱ ᤛᤢᤏᤠᤜᤴ ᤆᤠᤣᤁ᤻ᤛᤧ. ᤔᤠᤱᤛᤣᤒᤢᤱᤏᤢ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤏᤢ ᤛᤠᤶᤕᤠᤣ ᤌᤠᤁᤢᤔᤠᤔᤠᤱ ᤛᤠᤒᤔ᤻ᤒᤠ ᤐᤒᤡᤋᤪᤜᤠᤱᤔᤠ ᤗᤡᤱᤍᤧᤴᤛᤡ᤹ ᤐᤡᤇᤡᤒᤠ ᤐᤠᤣᤂᤠᤀᤠᤱ ᤘᤠ ॥
ᤁᤡᤖᤠᤋ᤻ ᤂᤠᤛᤠᤶᤔᤡᤒᤠ ᤛᤛᤡ ᤔᤢᤴᤎᤢᤶ, ᤛᤠᤶᤈᤡᤰᤔᤢᤴᤎᤢᤶ ᤁᤧᤍᤠᤣᤔ᤻ᤔᤠ ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤑᤸᤃᤢᤏᤴᤍᤖᤧ ᤁᤢᤍᤡᤶᤒᤠ ᤆᤀᤡᤋ᤻ᤗᤢᤱ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢᤔᤠᤱ ᤏᤢ ᤛᤠᤶᤕᤠᤣ ᤌᤠᤁᤢᤔᤠᤔᤠᤱᤛᤡᤖᤧ ᤜᤢᤴᤇᤡ᤹ ᤜᤡᤰᤗᤠᤶᤒᤠ ᤁᤁ᤻ᤑᤧᤰᤘᤠ ᥇᥌ ᤏᤠᤶᤗᤧ ᤕᤠᤔ᤻ᤔᤠ ᤛᤢᤏᤠᤜᤴ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥ ᤐᤠᤏ᤻ᤌᤖ ᤌᤡᤶᤒᤠ ᤕᤠᤱᤏᤠᤶᤒᤠ ᤁᤴ ᤗᤸᤗᤱᤃᤠ ᤋᤧᤶᤒᤣ᤹ᤀᤡᤴ ᤔᤢᤴᤎᤢᤶᤔᤡ ᤋᤠᤰᤁᤴᤍᤧᤴᤖᤧ ᤏᤠᤘᤠᤀᤠᤣ ᤌᤠᤣᤒᤠᤣ ᤆᤠᤣᤁ᤻ᤔᤠ ᤌᤡᤶᤒᤣ᤹ ᤘᤠᤒᤠ ᤌᤡᤶᤒᤣ᤹ ᤋᤱᤜᤠᤒᤠ ᤋᤢᤳᤋᤢ ᤒᤡᤖᤜᤠᤱᤔᤠ ᤋᤢᤶᤒᤠᤐᤠᤣ ᤌᤠᤶᤛᤢᤜᤠᤱᤗᤣ ᤐᤠᤋᤢᤀᤠᤱ ᤘᤠ ॥
ᤏᤡᤛ᤻ᤛᤣᤜᤠᤱᤔᤠᤖᤧ ᤆᤀᤡᤋ᤻ᤗᤢᤱ ᤛᤢᤏᤠᤜᤴᤏᤢ ᤛᤠᤣᤛᤠᤣᤖᤡᤰ ᤔᤢᤴᤎᤢᤶᤔᤡ ᤋᤠᤰᤁᤴᤍᤧᤴᤖᤣ ᤏᤠᤘᤠᤀᤠᤣ ᤌᤠᤒᤠᤣ ᤐᤠᤣᤅ᤻ᤒᤠ ᤁᤴ ᤐᤕᤶ ᤌᤡᤶᤒᤣ᤹ᤀᤡᤴ ᤁᤁ᤻ᤑᤧᤰᤘᤠ ᥇᥉ ᤏᤠᤶᤗᤧ ᤕᤠᤔ᤻ᤔᤠ ᤌᤡᤶᤒᤣ᤹ᤀᤠᤣ ᤋᤠᤔᤠ . ᥇᥊ ᤏᤠᤶᤗᤧ ᤛᤠᤰᤔᤢᤖᤠ ᤘᤠᤍᤣᤔ᤻ᤔᤠ. ᥇᥋ ᤏᤠᤶᤗᤧ ᤕᤠᤶᤔᤠ ᤕᤧᤳ ᤏᤠᤶᤎᤢᤱ ᤗᤠᤎᤢᤱ ᤛᤣᤔᤡᤛᤣᤘᤠ ᤆᤠᤣᤁ᤻ᤔᤠ ᤏᤢ ᥇᥌ ᤏᤠᤶᤗᤧᤕᤠᤶᤔᤠ ᤌᤡᤶᤒᤣ᤹ ᤛᤢᤏᤠᤜᤴᤏᤢ ᤛᤠᤣᤛᤠᤣᤖᤡᤰ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢᤗᤠᤶᤒᤠ ᤛᤠᤶᤕᤠᤣᤛᤠᤜᤠ᤹ᤀᤠᤣ ᤔᤢ᤹ᤀᤡᤐᤠᤏ᤻ ᤌᤠᤔᤠ ᤐᤕᤶ ᤌᤡᤶᤒᤣ ᤘᤠᤒᤠ ᤌᤡᤶᤒᤣ᤹ ᤋᤱᤜᤡᤒᤠ ᤑᤠ᤹ᤌᤠᤣᤛᤢᤍᤡᤶᤒᤠ ᤛᤠᤃᤖ ᤁᤣᤖᤢᤱᤗᤧ ᤐᤠᤋᤢᤀᤠᤱ ᤘᤠ᤹ ॥
ᤀᤰᤋᤶᤒᤠ ᤐᤕᤶ ᤌᤡᤶᤒᤣ᤹ ᤁᤧᤒᤠᤣᤅ᤻ᤒᤠ ᤂᤸᤗᤱᤃᤠᤋᤠᤖᤀᤡᤴ ᤐᤠᤏ᤻ᤌᤖ ᤌᤢᤶᤛ᤻ᤔᤠ ᤑᤧᤍᤧᤴ ᤐᤠᤱᤕᤰᤗᤢᤱ -᥇᥆, ᤒᤠ ᤋᤃᤡᤒᤠ ᤕᤠᤱᤏᤠᤶ ᤂᤸᤗᤠᤱᤃᤠᤋᤠᤖ ᤛᤠᤵᤔᤢᤴᤎᤢᤶᤔᤡᤒᤠ ᤏᤡᤛ᤻ᤛᤣᤜᤠᤱᤔᤠᤖᤧ ᤑᤰᤋᤠᤱᤗᤢ ᤛᤣᤘᤠᤗᤢᤱᤎᤢᤱᤅᤠᤣ ᤛᤣᤘᤠ ᤆᤠᤣᤁ᤻ᤛᤧ ᤐᤣᤀᤡᤸᤗᤧ ᤒᤡᤁᤪᤶ ᤋᤱᤒᤣ ᥇᥏᥏᥆ ᤒᤠ ᤋᤱᤒᤣᤗᤠᤀᤠᤣ ᤔᤠᤱᤛᤣᤘᤠ ᤆᤠᤣᤃᤢᤒᤠ ᤋᤧᤴᤏᤧᤒᤠ ᤌᤠᤀᤡᤱᤛᤠᤒᤠ ᤌᤡᤶᤒᤣ ᤛᤜᤠᤱᤔᤡᤒᤠ ᤏᤖᤧᤴᤍᤪᤖᤠᤈ ᤁᤣᤖᤢᤱᤗᤣ ᤐᤠᤋᤢᤀᤠᤱ ᤘᤠ ॥
