ᤛᤡᤡᤛᤣᤁ᤻ᤗᤠ ᥈᥍, ᤔᤠᤱᤛᤣᤒᤢᤱ / ᤀᤠᤣᤂᤗ᤻ᤎᤢᤱᤃᤠᤒᤠ ᤔᤠᤏᤣᤓᤴᤈᤕᤠᤱᤅᤠᤣ ᤁᤣᤒᤠᤣᤅ᤻ᤒᤠ ᤁᤵᤑᤢᤁᤢᤍᤱᤒᤠ ᤋᤧᤴᤏᤡᤒᤠ ᤋᤠᤰᤑᤠ ᤌᤠᤣᤛᤢᤍᤡᤶᤒᤠ ᤗᤠᤱᤑᤱᤃᤠᤖᤧ ᤔᤡᤱᤛᤠᤣ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱᤖᤧ ᤋᤠᤣᤃᤢᤀᤠᤱ ᤘᤠ ॥ ᤑᤛᤢᤰᤐᤠ ᤕᤧᤴᤏᤠᤣ ᤁᤧᤈᤢᤐ᤻ᤐᤠ ᤗᤠᤱᤑᤱᤃᤠᤀᤡᤴ ᤋᤱᤃᤠᤶᤒᤠ ᤗᤠᤱᤑᤱᤃᤠ ᤆᤠᤋ᤻ᤀᤠᤣ ᤔᤠᤏᤣᤓᤴᤈ᤻ᤕᤠᤱ ᥇ ᤏᤢ ᤔᤠᤱᤛᤣᤒᤢᤱᤗᤧ ᥈ ᤃᤠᤣᤗ᤻ ᤕᤠᤰᤁᤡ ᤔᤠᤱᤛᤣᤒᤢᤱᤗᤧ ᤋᤠᤣᤃᤢᤀᤠᤱ ᤘᤠ ॥
ᤀᤠᤛᤡᤛ᤻ ᤗᤡᤶᤒᤢᤖᤧ ᤗᤰᤗᤠᤣᤒᤠᤀᤠᤣ ᤔᤠᤱᤛᤣᤒᤢᤱᤒᤠ ᤗᤠᤱᤑᤱᤃᤠ ᤆᤠᤋ᤻ᤇᤠᤒᤠᤜᤠ᤹ᤖᤧ ᤔᤧᤈᤠᤋᤢᤀᤠᤱ ᤘᤕᤠ ॥ ᤌᤡᤰᤛᤡᤃᤣᤁ᤻ ᤁᤧᤒᤠᤣᤅ᤻ᤒᤠ ᤔᤠᤱᤛᤣᤒᤢᤱᤗᤧ ᤕᤱ ᥋ ᤗᤠᤱᤅᤧᤴ, ᥊᥆ ᤀᤠᤏᤠ ᤛᤠᤶᤔᤩᤠᤱ ᤏᤢ ᥈᥆᥆ ᤋᤠᤣᤗᤠ ᤕᤢᤵᤐᤠᤖᤧ ᤁᤣᤒᤠᤣᤅ᤻ᤒᤠ ᤋᤪᤑᤡ , ᤘᤠᤋᤡ ᤏᤢ ᤛᤠᤰᤂᤣᤙᤰ ᤔᤧᤄᤠᤣᤛᤢᤀᤠᤱ ᤘᤠ᤹ ॥ ᤑᤠ᤹ᤋᤠᤣᤁ᤻ᤛᤠᤒᤠᤖᤧ ᥉ ᤗᤠᤱᤅᤧᤴ ᤕᤠᤱ, ᤋᤪᤑᤡ, ᤘᤠᤋᤡ ᤏᤢ ᤛᤠᤰᤂᤣᤙᤰ ᤔᤧᤄᤠᤣᤛᤢᤀᤠᤱ ᤘᤠ ॥
ᤔᤠᤏᤣᤓᤴᤈᤕᤠᤱ ᤐᤠᤱᤓᤣ᤹ᤗᤢᤱ ᤕᤰᤗᤰ ᤂᤠ. ᤀᤢ᤺ᤒᤢᤒ᤻ᤀᤠᤣᤁᤢᤗᤠ ᤐᤠᤱᤘᤠᤍᤧᤴᤀᤠᤣ ᤀᤡᤈᤠᤁ᤻ ᤁᤧᤒᤠᤣᤅ᤻ᤒᤠ ᤁᤠᤣᤛᤡ ᤁᤵᤑᤢ ᤁᤢᤍᤱᤒᤠ ᤗᤠᤱᤑᤱᤃᤠ ᤛᤡᤛᤣᤁ᤻ᤗᤠ ᥇᥍ ᤏᤠᤶᤔᤠᤱᤎᤠᤣ ᤀᤡᤈᤠᤁ᤻ ᤐᤠᤣᤂᤠᤀᤠᤱ ᤘᤕᤠ ॥
ᤀᤠᤒᤠᤱᤅᤣ ᤗᤠᤱᤑᤱᤃᤠ ᤆᤠᤋ᤻ᤇᤠᤒᤠᤜᤠ᤹ᤖᤧ ᤜᤡᤴᤇᤡ᤹ ᤏᤡᤱᤘᤠ᤹ᤑᤠᤣᤔᤠᤖᤧ ᤑᤠ᤹ᤀᤠᤱ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱ ᤌᤠᤣᤛᤢᤍᤡᤶᤒᤠ ᤜᤣᤔᤴᤋ ᤖᤠᤀᤡ , ᤑᤠ᤹ᤌᤠᤣᤛᤢᤍᤡᤶᤒᤠ ᤒᤡᤏᤠᤣᤍ ᤏᤧᤶᤒᤠᤱ ᤏᤢ ᤕᤰᤗᤰ ᥌ ᤌᤠᤣᤛᤢᤍᤡᤶᤒᤠ ᤐᤪᤍᤡᤐ ᤖᤠᤀᤡ, ᤕᤰᤗᤰ ᥊ ᤌᤠᤣᤛᤢᤍᤡᤶᤒᤠ ᤏᤒᤡᤏ᤻ ᤗᤡᤶᤒᤢᤜᤠ᤹ ᤗᤠᤱᤑᤱᤃᤠ ᤆᤠᤋ᤻ᤋᤧᤴᤀᤠᤣ ᤔᤧᤃᤧᤖᤠᤀᤠᤱ ᤔᤧᤘᤕᤠ ॥
ᤔᤠᤱᤛᤣᤒᤢᤱᤒᤠ ᤆᤠᤋ᤻ᤇᤠᤒᤠᤜᤠ᤹ᤖᤧ ᤋᤱᤃᤠᤶ ᤁᤧᤈᤠᤣᤁ᤻ᤐᤠ ᤐᤪᤘᤰᤋᤠ ᤛᤢᤛᤏ ᤖᤠᤀᤡ ᤏᤢ ᤔᤠᤱᤛᤣᤒᤢᤱ ᤜᤰᤆᤠᤋ᤻ ᤐᤠᤛᤡᤱ ᤎᤏᤁᤢᤔᤠᤖ ᤖᤠᤀᤡᤖᤧ ᤁᤢᤜᤣᤁ᤻ᤛᤡᤱᤅᤠᤱᤎᤠᤣ ᤁᤶᤃᤶ ᤁᤳᤋᤧᤇᤢ ॥ ᤌᤢᤶᤏᤢ ᤔᤠᤵᤔᤠ ᤔᤠᤱᤄᤠ ᤀᤠᤒᤠᤱᤅᤣ ᤆᤠᤋ᤻ᤇᤠᤒᤠᤜᤠ᤹ ᤋᤣ᤹ᤔᤠᤛᤡᤀᤠᤣ ᤑᤠ᤹ᤌᤠᤣᤛᤢᤍᤡᤶᤒᤠᤖᤧ ᤋᤱᤃᤠᤶ ᤆᤠᤣᤃᤢᤀᤠᤱ ᤘᤕᤠ ॥
