ᤛᤠᤘᤠᤕᤣᤜᤠᤱ ᤁᤡᤖᤠᤋ᤻ ᤂᤡᤒᤣᤁ᤻ᤘᤠ ᤕᤠᤰᤘᤠ ᤛᤣᤘᤠ  ᤏᤢ ᤔᤠᤱᤘᤠ ᤜᤠᤱᤘᤠ ᤜᤠᤔᤠ ᤌᤡᤶᤒᤣ ᤐᤕᤶ ᤌᤡᤶᤒᤣᤏᤢ ᤛᤠᤣ-ᤛᤠᤣᤖᤡᤰ ᤋᤠᤣᤛᤡᤱᤒᤠ ᤐᤠᤣᤂᤠᤀᤠᤱ ᤘᤠ ॥

ᤔᤠᤱᤛᤣᤒᤢᤱ /ᤛᤠᤘᤠᤕᤣᤜᤠᤱ ᤁᤡᤖᤠᤋ᤻ ᤂᤡᤒᤣᤁ᤻ᤘᤠ ᤕᤠᤰᤘᤠ ᤛᤣᤘᤠ  ᤏᤢ ᤔᤠᤱᤘᤠ ᤜᤠᤱᤘᤠ ᤜᤠᤔᤠ ᤌᤡᤶᤒᤣ ᤐᤕᤶ ᤌᤡᤶᤒᤣᤏᤢ ᤛᤠᤣ-ᤛᤠᤣᤖᤡᤰ ᤋᤠᤣᤛᤡᤱᤒᤠ ᤐᤠᤣᤂᤠᤀᤠᤱ ᤘᤠ ॥

ᤁᤡᤖᤠᤋ᤻ ᤛᤠᤶᤕᤠᤣᤖᤧ ᤔᤢᤖᤢᤶᤃᤧᤴ ᤋᤧᤴ ᤔᤠᤱᤛᤣᤒᤢᤱ ᤗᤠᤖᤢᤶᤒᤠᤀᤠᤣ ᤁᤧᤍᤠᤒᤠ ᤁᤁ᤻ᤑᤧᤰᤘᤠ ᥈, ᤏᤠᤶᤔᤠᤱᤎᤠᤣ ᤁᤢᤜᤣᤁ᤻ᤛᤡᤱ ᤐᤠᤣᤅ᤻ᤒᤠ ᤐᤠᤣᤂᤠᤀᤠᤱ ᤘᤠ ॥ ᥈ ᤏᤠᤶᤀᤠᤣ ᤋᤧᤱᤃᤵ ᤕᤠ ᤘᤣ᤹ᤗᤠᤈᤣ᤹ ᤗᤠᤶᤒᤠ ᤌᤡᤶᤒᤣᤖᤧ ᤑᤠ᤹ᤀᤠᤱ ᤋᤠᤔᤠ ॥ ᥉ ᤏᤠᤶᤗᤧ ᤕᤠᤶᤔᤠ ᤛᤠᤘᤠᤕᤧᤜᤠᤱ ᤁᤡᤖᤠᤋ᤻ᤖᤧ ᤔᤡᤱᤛᤠᤣᤀᤠᤣ ᤛᤠᤰᤔᤢᤖᤠ ᤘᤠᤍᤣᤔ᤻ᤔᤠ ॥ ᥊ ᤏᤠᤶᤗᤧ ᤕᤠᤶᤔᤠ ᤛᤡᤔᤡᤁ᤻ᤗᤢᤱ ᤛᤠᤏᤠᤖᤢᤱᤗᤣ ᤑᤠ᤹ᤀᤠᤱ ᤕᤧᤳ ᤏᤠᤶᤎᤢ ᤗᤠᤎᤢᤱ ᤛᤣᤔᤡ ᤛᤣᤘᤠ ᤆᤠᤣᤁ᤻ᤔᤠ ॥

ᤁᤁ᤻ᤑᤧᤰᤘᤠ ᥋, ᤏᤠᤶᤗᤧ ᤋᤢᤶᤋᤖᤣᤒᤠ ᤗᤠᤶᤒᤠ ᤌᤡᤶᤒᤣ ᤛᤏᤠᤜᤴ ᤆᤠᤣᤁ᤻ᤔᤠ ॥ ᤕᤁ᤻ ᤛᤢᤜᤠᤱᤒᤠ ᤛᤠᤰᤌᤡᤶᤔᤡᤒᤠ ᤔᤡᤰᤛᤣᤏ᤻ ᤀᤠᤣᤏ᤻ᤎᤠᤰ ᤁᤣᤒᤠᤣᤅ᤻ᤒᤠ ᤗᤠᤅ᤻ᤜᤠ᤹ ᤀᤠᤣᤏ᤻ᤎᤠᤰ ᤆᤠᤣᤁᤔᤠ ॥ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤶᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤗᤠᤶᤒᤠ ᤏᤠᤣᤃᤧᤴ ᤔᤢ᤹ᤀᤡᤐᤠᤏ᤻ ᤌᤠᤠᤔᤠ ॥ ᤛᤧᤴᤍᤡᤰ ᤛᤠᤰᤌᤡᤶᤔᤡᤒᤠ ᤌᤡᤶᤒᤣ᤹ ᤀᤡᤈᤠᤁ᤻ ᤆᤠᤣᤁ᤻ᤔᤠ ॥

ᤁᤁ᤻ᤑᤧᤰᤘᤠ ᥌, ᤏᤠᤶᤗᤧ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢᤔᤠᤱᤅᤠᤣ ᤏᤠᤈᤶ ᤋᤠᤣᤶᤔᤠ. ᤔᤡᤰᤋᤠᤣᤁ᤻ ᤋᤠᤣᤔ᤻ᤔᤠ. ᤛᤠᤵᤐᤏ᤻ ᤆᤡᤃᤰᤘᤠ ᤀᤠᤣᤏ᤻ᤎᤠᤰ ᤆᤠᤣᤁ᤻ᤔᤠ ॥ ᤏᤢ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤗᤠᤶᤒᤠ ᤛᤡᤔᤡᤁ᤻ᤗᤢᤱ ᤛᤏᤠᤖᤢᤱ. ᤔᤧᤴᤇᤠᤶᤃᤧᤴ ᤕᤠᤵᤔᤡ  ᤌᤡᤰᤜᤢᤵ ᤐᤠᤣᤅ᤻ᤔᤠ ᤏᤢ ᤌᤰᤛᤠ ᤐᤢᤛᤠ. ᤜᤡᤅ᤻ᤘᤠᤛᤠᤖᤧ ᤑᤠ᤹ᤀᤠᤱ ᤏᤠᤣᤔᤢᤀᤡ᤹ ᤌᤠᤔᤠ ॥ ᤏᤢ ᤔᤠᤱᤘᤠᤜᤠᤱᤘᤠ ᤜᤠᤔᤠ᤺ ᤛᤠᤣ-ᤛᤠᤣᤖᤡᤰ ᤛᤧᤴᤍᤡᤰ ᤛᤠᤰᤌᤡᤶᤔᤡᤒᤠ ᤌᤡᤶᤒᤣ᤹ ᤀᤡᤈᤠᤁ᤻ ᤆᤠᤣᤁ᤻ᤔᤠ ॥

ᤁᤁ᤻ᤑᤧᤰᤘᤠ ᥍, ᤏᤠᤶᤗᤣ ᤔᤠᤱᤄᤠ ᤔᤠᤱᤄᤠᤏᤢ ᤁᤧᤍᤠᤒᤠ ᤁᤧᤖᤧᤰ ᤛᤠᤶᤕᤠᤣᤛᤠ ᤏᤢ ᤋᤠᤰᤁᤴᤇᤠᤒᤠᤜᤠ᤹  ᤑᤢᤍᤱ ᤆᤠᤔᤠ ᤏᤢ ᤘᤣ᤹ ᤌᤡᤶᤒᤣ᤹ᤀᤠᤣ ᤕᤠᤶᤔᤠᤣ ᤋᤢᤶᤔᤠᤖᤧ ᤐᤠᤏ᤻ᤈᤠᤱ ᤆᤠᤣᤁ᤻ᤁᤡ ᤛᤧᤶᤔᤠ ॥