ᤔᤠᤱᤛᤣᤒᤢᤱ/ ᤛᤠᤵᤛᤰᤁᤡᤒᤠ ᤋᤢᤳᤋᤢ ᤜᤖᤡ ᤜᤢᤰᤐᤠ ᤆᤠᤣᤅ᤻ᤒᤠᤱᤅᤡᤴ ᤁᤡᤕᤠᤆᤢ ᤃᤢᤴᤈᤔᤠᤏ᤻ ᤛᤢᤒ᤻ᤒᤠ (ᤀᤠᤱᤒᤢᤜᤠᤱ) ᤏᤡᤱᤘᤠᤛᤠᤣ ᤐᤢᤖᤛ᤻ᤒᤠᤖ ᤗᤠᤶᤒᤠ ᤏᤠᤈᤶ ᤔᤧᤔᤧᤳᤋᤢᤀᤠᤱ ᤘᤠ ॥
ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤈᤠᤐᤠ ᤌᤢᤶᤒᤠ ᤆᤢᤶᤓᤠᤣᤖᤧ ᤋᤱᤃᤠᤶ ᤆᤠᤣᤃᤢᤒᤠ ᤛᤡᤛᤣᤁ᤻ᤗᤠ ᥇᥌ ᤏᤠᤶᤗᤧ ᤕᤠᤶᤔᤠ. ᤔᤡᤰᤑᤢᤗᤠ ᤋᤱᤒᤣ ᥈᥆᥈᥊ ᤈᤏᤘᤖᤡ ᥇ ᤏᤠᤶ ᤛᤠᤵᤛᤰᤁᤡᤒᤠ ᤏᤢ ᤛᤠᤵᤔᤢᤴᤎᤢᤶᤛᤠᤒᤠ ᤀᤡᤔᤠᤏ᤻ᤛᤡᤱ ᤆᤣᤔ᤻ᤈᤠᤣᤅ᤻ᤖᤧ ᥇᥈᥇ ᤛᤡᤃᤣᤁ᤻ᤐᤠ ᤛᤠᤘᤠᤏ᤻ ᤏᤡᤱᤘᤠᤛᤠᤣ ᤌᤡᤶᤒᤣᤖᤧ ᤛᤢᤕᤧᤶᤔᤠᤣ ᤃᤢᤴᤈᤔᤠᤏ᤻ ᤛᤢᤒ᤻ᤒᤠ ᤀᤠᤱᤒᤢᤜᤠᤱ ᤏᤡᤱᤘᤠᤛᤠᤣ ᤐᤢᤖᤛ᤻ᤁᤠᤖ ᤛᤠᤵᤛᤰᤁᤡᤒᤠ, ᤛᤠᤵᤐᤏ᤻ ᤛᤠᤵᤐᤠ ᤋᤢᤳᤋᤢ ᤜᤖᤡ ᤜᤢᤰᤐᤠ ᤆᤠᤣᤅ᤻ᤒᤠᤱᤅᤡᤴ ᤐᤡᤖᤠ᤹ᤀᤠᤱ ᤘᤕᤠ ॥
ᤁᤡᤖᤠᤋ᤻ ᤕᤠᤰᤌᤢᤱ ᤛᤠᤵᤐᤠᤏ᤻ ᤛᤠᤰᤌᤡᤶ ᤌᤠᤣᤒᤠᤣ ᤆᤠᤧᤁ᤻ᤔᤠᤀᤠᤣ ᤕᤖᤡᤰᤁᤣ ᤗᤠᤶᤗᤠᤣᤒᤠ ᤃᤢᤴᤈᤔᤠᤏ᤻ ᤒᤢᤒ᤻ᤒᤠ ᤀᤠᤱᤒᤢᤜᤠᤱᤖᤧ ᤁᤢᤔᤡᤱᤛᤠᤣᤒᤠ ᤁᤴ ᤐᤢᤖᤛ᤻ᤒᤠᤖᤀᤡᤴ ᤌᤡᤶᤒᤣ᤹ᤒᤠ ᤋᤢᤶ ᤋᤖᤣᤒᤠ ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤔᤢᤈᤠᤣᤳᤗᤢᤱ ᤐᤠᤏ᤻ᤈᤢᤶᤓᤠᤣ ᤑᤠ-ᤌᤠᤣᤛᤢᤍᤡᤶᤒᤠ ᤍᤠ. ᤁᤔᤗ ᤋᤡᤃᤣᤗᤠᤖᤧ ᤜᤢᤰᤗᤠᤶᤒᤠ ᥋ ᤜᤧᤴᤇᤡᤱ ᤕᤠᤱ ᤏᤢ ᤛᤠᤣᤖᤡᤰ ᤛᤠᤰᤂᤣᤛᤰ ᤔᤧᤒᤡᤖᤢᤖ ᤆᤠᤣᤅ᤻ᤒᤠᤱᤅᤡᤴ ᤏᤠᤈᤶ ᤔᤧᤔᤧᤳᤋᤢ ॥
ᤛᤠᤵᤛᤰᤁᤡᤒᤠ ᤏᤢ ᤁᤡᤖᤠᤋ᤻ ᤕᤠᤰᤌᤢᤱ ᤛᤠᤵᤐᤠᤏ᤻ ᤏᤢ ᤛᤠᤰᤌᤡᤶ ᤌᤠᤣᤒᤠᤣᤖᤧ ᤑᤠ᤹ᤀᤠᤱ ᤋᤃᤡ ᤐᤠᤣᤔᤠ ᤁᤧᤃᤠᤣᤵᤐᤠᤜᤠ᤹ᤖ ᤏᤠᤈᤶᤖᤧ ᤑᤠ᤹ᤀᤠᤱ ᤕᤢᤱᤛᤡᤱᤒᤠ ᤁᤴ ᤏᤠᤈᤶ ᤌᤡᤶᤒᤣᤀᤡᤴ ᤋᤱᤒᤣᤌᤵᤔᤠ ᤀᤡᤈᤠᤁ᤻ ᤐᤠᤣᤅ᤻ᤒᤠ ॥ ᤁᤴ ᤌᤡᤶᤒᤣ ᤀᤡᤈᤠᤁ᤻ᤖᤧ ᤁᤢᤶᤔᤠᤕᤠᤱ (ᤁᤡᤕᤠᤆᤢ ᤃᤢᤴᤈᤔᤠᤏ᤻ ᤏᤡᤱᤘᤠᤛᤠᤣ ᤐᤢᤖᤛ᤻ᤁᤠᤖ)ᤖᤧ ᤔᤡᤱᤛᤠᤣᤀᤠᤣ ᤛᤢᤒ᤻ᤒᤠᤖᤧ ᤁᤢᤴᤛᤠ᤹ ᤐᤠᤱᤔᤣ ᤈᤃᤴᤎᤠᤣᤈ ᤘᤏᤧᤶ ᤏᤢ ᤁᤪᤡᤛ᤻ᤏ ᤁᤢᤔᤠᤖᤡ ᤀᤠᤱᤒᤢᤜᤠᤱᤗᤣ ᥇, ᤗᤠᤱᤅᤣᤏ᤻ ᥋᥆, ᤜᤧᤴᤇᤡᤱ ᤕᤠᤱ ᤋᤩᤠᤀᤠᤱ ᤘᤠᤒᤠ ᤒᤠᤜᤧᤴ ᤕᤠᤱᤗᤣ ᤁᤢᤛᤠᤖᤧ ᤁᤴ ᤏᤠᤈᤶ ᤌᤡᤶᤒᤣ᤹ᤀᤡᤴ ᤀᤡᤈᤠᤁ᤻ ᤋᤱᤛᤣᤌᤵᤔᤠ ᤐᤠᤣᤅ᤻ᤒᤠ ᤌᤠᤣᤛᤢᤍᤡᤶᤒᤠ ᤛᤣᤛᤣᤜᤠᤱ ᤑᤡᤕᤠᤁ᤻ᤖᤧ ᤐᤠᤋᤢᤀᤠᤱ ᤘᤠ ॥
ᤆᤀᤡᤋ᤻ ᤏᤢ ᤀᤡᤱᤄᤱ ᤐᤠᤏ᤻ᤗᤧᤱ – ᤔᤠᤱᤛᤣᤒᤢᤱ ᤏ᤻ᤕᤢᤈ ᤍᤳᤁᤶ ᤗᤠᤶᤒᤠ
