ᤔᤠᤱᤛᤣᤒᤢᤛᤣᤒᤢ/ ᤂᤧᤰᤛᤢᤒᤠ ᤕᤧᤴᤸᤗᤧ ᤕᤠᤶᤔᤠ ᤔᤢᤴᤎᤢᤶ ᤏᤡᤛᤠᤶᤒᤠ ᤀᤔᤳᤇᤧ ᤔᤠᤣᤖᤱᤒᤠ ᤗᤇᤔᤡᤐᤢᤖ ᤗᤠᤶᤒᤠ ᤏᤡᤜᤣᤁ᤻ ᤔᤧᤍᤩᤠᤀᤠᤱ ᤔᤧᤘᤕᤧ ॥ ᤔᤢᤴᤎᤢᤶ ᤏᤡᤛᤠᤶ ᤀᤠᤰᤂᤧᤖᤡᤰ ᤜᤢ᤹ᤛᤡᤱ ᤐᤠᤣᤅ᤻. ᤔᤢᤴᤎᤢᤶ ᤏᤡᤛᤠᤶᤖᤧ ᤏᤡᤳᤇᤠᤵᤐᤠᤣᤏᤠ ᤏᤢ ᤛᤠᤵᤐᤴᤜᤠ᤹ ᤀᤠᤣᤔᤧᤔᤳᤋᤢ ॥
ᤔᤢᤴᤎᤢᤶ ᤏᤡᤛᤠᤶ ᤕᤢᤰᤑᤠᤣ ᤗᤠᤶᤒᤠ ᤀᤠᤰᤂᤣᤖᤡᤰ ᤀᤡᤈᤠᤁ᤻ ᤐᤠᤣᤅ᤻ ᥅ ᤁᤢᤜᤣᤁ᤻ᤛᤡᤱ ᤆᤠᤣᤁ᤻ᤔᤠ ᤁᤢᤃᤠᤣᤀᤠᤱ ᤁᤢᤛᤡᤱ ᤔᤧᤏᤡᤋ᤻ᤋᤢ ॥ ᤔᤢᤴᤎᤢᤶ ᤏᤡᤛᤠᤶ ᤀᤡᤈᤠᤁ᤻ ᤁᤧᤒᤠᤣᤅ᤻ᤒᤠᤖ ᤁᤧᤘᤠᤒᤠ ᤔᤠᤱᤛᤣᤒᤢᤱᤒᤠ ᤁᤡᤖᤠᤋ᤻ ᤛᤠᤶᤈᤡᤁ᤻ ᤔᤢᤴᤎᤢᤶ ᤏᤡᤛᤠᤶᤜᤡᤶ (ᤁᤡᤖᤠᤋ᤻ ᤔᤢᤴᤎᤢᤶᤛᤠᤗᤠ ) ᤏᤢ ᤕᤢᤰᤛᤡᤱ ᤏᤡᤛᤠᤶᤜᤡᤶ ᤋᤠᤰᤁᤴᤏᤡ ᤂᤧᤴ ᤏᤡᤛᤠᤶᤜᤡᤶᤛᤔᤠ ᤀᤡᤈᤠᤁ᤻ᤛᤠᤒᤠ. ᤛᤡᤰᤛᤠᤶᤒᤠ ᤛᤕᤅ᤻ ᤏᤢ ᤐᤖᤢᤵᤐᤠᤣ ᤋᤠ᤹ᤈᤧᤱ ᤔᤧᤈᤠᤣᤃᤢ ॥
ᤗᤇᤔᤡ ᤔᤠ.ᤒᤡ ᤒᤧᤸᤒᤠᤖᤡ -᥇᥇ ᤔᤠᤣᤖᤱ ᤗᤠᤶᤒᤠ ᤁᤧᤍᤠ᤹ᤒᤠ ᤏᤡᤳᤇᤠᤶ ᤋᤠᤰᤇᤠᤒᤠᤜᤠ᤹ᤖᤧ ᤐᤠᤱᤅᤣ ᤏᤡᤛᤠᤶᤜᤡᤶᤔᤠᤣᤀᤠᤱ ᤀᤰᤂᤣᤖᤡᤰᤁᤣ ᤏᤡᤛᤠᤶ ᤀᤡᤈᤠᤁ᤻ ᤆᤠᤣᤁ᤻ᤔᤠ ᤛᤢᤰᤋᤧᤳ ᤁᤧᤗᤒᤠ ᤀᤡᤳᤏᤡᤶ ᤔᤧᤃᤢ ॥ ᤋᤰᤁᤴᤇᤠᤒᤠᤜᤠ᤹ ᤕᤰᤗᤰ ᤌᤠᤣᤛᤢᤍᤡᤶᤒᤠ. ᤏᤡᤛᤠᤶᤜᤡᤶ ᤋᤱᤃᤠᤶᤒᤠ ᤌᤠᤣᤛᤢᤍᤡᤶᤒᤠ. ᤋᤢᤶᤛᤡᤰᤛᤠᤶᤒᤠ ᤏᤢ ᤛᤡᤰᤛᤠᤶᤒᤠ ᤏᤢ ᤜᤣᤁ᤻ᤕᤠᤶᤒᤠᤜᤠ᤹ ᤔᤧᤍᤧᤀᤠᤱ ᤔᤧᤘᤕᤧ ॥
