ᤔᤠᤱᤛᤣᤒᤢᤱ / ᤛᤡᤔᤡᤁ᤻ᤗᤢᤱ ᤛᤏᤠᤖᤢᤱᤖᤧ ᤋᤠᤣᤘᤠᤔᤀᤡ ᤋᤧᤔᤧᤴ ᤗᤠᤈᤣ᤹ᤒᤠ ᤀᤠᤛᤠᤶ ᤗᤠᤶᤒᤠᤏᤢ ᤔᤠᤱᤛᤣᤒᤢᤱ ᤌᤠᤖᤡᤰᤐᤠ ᤛᤠᤶᤕᤠᤣᤔᤡᤒᤠ ᤗᤠᤱᤄᤣᤁ᤻ᤁᤡ ᤗᤠᤶᤔᤧᤎᤠᤛᤡᤱᤅᤠᤱ ᤘᤠ॥ ᤀᤠᤛᤠᤶᤒᤠ ᤗᤂᤡᤐᤢᤖ ᤗᤠᤶᤒᤠᤏᤢ ᤗᤠᤱᤄᤣᤁ᤻᤻ᤁᤡ ᤁᤧᤓᤧᤶᤒᤠ ᤗᤠᤱᤄᤣᤁ᤻ᤛᤠᤒᤠᤜᤠ᤹ ᥉᥈ ᤕᤧᤴ ᤁᤧᤖᤧᤸᤗᤧ ᤁᤠᤁᤖᤓᤡᤋᤠ ᤏᤧᤐᤠᤗᤒᤠ ᤁᤡᤖᤠᤋ᤻ ᤛᤠᤶᤕᤠᤕᤣ ᤛᤠᤖᤧ ᤛᤠᤖᤡ ᤛᤣᤔᤡ ᤔᤧᤜᤠᤴᤍᤢᤀᤠᤱ. ᤑᤢᤱᤐᤠᤣᤏᤠ ᤏᤢ ᤕᤠᤶᤛᤣᤑᤢᤱ ᤔᤣᤘᤠᤋᤢᤛᤡᤀᤠᤱ ᤗᤠᤱᤍᤠᤁ᤻ ᤔᤧᤈᤠᤣᤃᤢᤛᤡᤀᤠᤱ ᤘᤠ ॥
ᤛᤧᤴᤇᤪᤧᤱᤗᤠ ᥈ ᤏᤠᤶ ᤛᤧᤴᤇᤪᤱᤒᤠ ᤕᤧᤶᤗᤧ ᤕᤠᤶᤔᤠ ᤀᤠᤛᤠᤶᤒᤠ ᤗᤂᤡᤐᤢᤖ᤻ᤏᤢ ᤛᤢᤔᤏ᤻ ᤖᤠᤀᤡ. ᤐᤴᤆᤒᤜᤠᤍᤢᤖ ᤖᤠᤀᤡ. ᤖᤠᤈ ᤗᤡᤶᤒᤢ ᤏᤢ ᤀᤔᤡᤋ᤻ ᤁᤢᤔᤠᤖ ᤗᤡᤶᤒᤢ ᤗᤠᤶᤔᤧᤎᤠᤛᤡᤱᤅᤠᤱ ᤘᤕᤠ ॥ ᤜᤢᤴᤇᤢ ᤀᤠᤸᤗ ᤈᤠᤐᤠ ᤔᤠᤀᤡᤎᤠᤖ ᤔᤠᤱᤜᤡᤶᤔᤠᤣ ᤛᤣᤘᤠᤆᤠᤣᤁ᤻ᤁᤡ ᤔᤠᤱᤛᤣᤒᤢᤱ ᤔᤧᤃᤧᤳᤐᤠ ॥ ᤛᤡᤔᤡᤁ᤻ᤗᤢᤱ ᤛᤏᤠᤖᤢᤱ ᤏᤢ ᤔᤧᤴᤇᤠᤶᤕᤠᤵᤔᤡ ᤌᤡᤰᤜᤢᤵ ᤐᤠᤣᤅ᤻ᤔᤠᤖᤧ ᤑᤠ᤹ᤀᤠᤱ ᤗᤠᤱᤄᤣᤁᤡ ᤁᤧᤓᤣᤶᤒᤠ ᤛᤠᤶᤕᤠᤣᤛᤠᤖᤧ ᤁᤡᤖᤠᤋ᤻ ᤛᤠᤶᤕᤠᤣᤒᤠ ᤔᤢᤖᤢᤶᤃᤧᤴ ᤋᤧᤏ᤻ ᤔᤠᤱᤛᤣᤒᤢᤱ ᤗᤠᤖᤢᤶᤒᤠᤀᤠᤣ, ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤏᤢ ᤛᤠᤶᤕᤠᤣ ᤌᤠᤁᤢᤔᤠᤔᤠᤱ ᤛᤠᤶᤒᤠ ᤐᤒᤡᤋᤪᤜᤠᤱᤔᤠ ᤗᤡᤱᤍᤧᤴᤛᤡ᤹ ᤋᤢᤶᤔᤠ ᤔᤠᤱᤛᤣᤘᤠ ᤆᤠᤣᤁ᤻ᤔᤠ॥ ᤁᤡᤖᤠᤋ᤻ ᤜᤠᤱᤛᤠᤶ ᤔᤢᤆᤠᤣᤋ᤻ᤗᤢᤱ ᤔᤠᤱᤜᤡᤶᤔᤠᤣ ᤔᤠᤱᤛᤣᤘᤠ ᤔᤧᤈᤠᤣᤁ᤻ᤐᤠ ᤔᤧᤒᤠᤋᤢᤀᤠᤱ ᤔᤧᤘᤠ ॥
ᤀᤡᤱᤄᤱ ᤐᤠᤏ᤻ᤗᤧᤱ – ᤁᤡᤖᤠᤋ᤻ ᤀᤠᤘᤠᤈ ᤗᤠᤶᤒᤠ
