Skip to content
ᤛᤠᤶᤕᤠᤣᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᥍᥆ ᤛᤡᤃᤣᤁ᤻ᤐᤠ ᤏᤠᤣ-ᤛᤠᤘᤠᤏ᤻ ᤋᤱᤏᤠᤶ ᤋᤠᤣᤛᤠᤀᤠᤱ ᤘᤠ ॥
सोमबार, २५ मंसिर, २०८०,
ᤛᤢᤏᤡᤗ ᤛᤣᤖ᤻ᤔᤠ (ᤏᤠᤣᤛᤠᤅ᤻)
ᤔᤠᤱᤛᤣᤒᤢᤱ / ᤛᤡᤔᤡᤁ᤻ᤗᤢᤱ ᤁᤢᤍᤡᤶᤒᤠ ᤁᤡᤖᤠᤋ ᤛᤠᤶᤕᤠᤣᤛᤠᤖᤧ ᤐᤕᤶ ᤋᤱᤏᤠᤶᤖᤧ ᤏᤠᤘᤠᤀᤠᤣ ᤔᤧᤍᤠᤣᤛᤢᤒᤠ ᤌᤠᤁᤢᤖᤧ ᤛᤠᤘᤠᤏ᤻ ᤕᤧᤴ ᤛᤧᤴᤇᤪᤧᤱᤗᤠ ᥇᥎ ᤏᤠᤶᤀᤠᤣ ᤛᤠᤶᤕᤠᤣ ᤌᤠᤁᤢ ᤏᤢ ᤌᤠᤁᤢᤔᤠᤛᤡ᤹ ᤁᤡᤖᤠᤋ᤻ ᤛᤠᤶᤈᤡᤰ ᤔᤢᤴᤎᤢᤶ ᤂᤠᤈᤠᤣᤅ᤻ ᤀᤡᤛᤡᤰ ᤔᤠᤱᤃᤧᤴᤏᤠ᤹ ᤐᤠᤣᤅ᤻ ॥ ᤁᤴ ᤋᤱᤒᤣᤀᤠᤱᤎᤠᤣ ᤌᤠᤁᤢ ᤌᤠᤁᤢᤔᤠᤛᤡᤖᤧ ᤔᤠᤱᤃᤧᤴᤏᤠ᤹ᤏᤢ ᤛᤠᤣ-ᤛᤠᤣᤖᤡᤰ ᤛᤠᤶᤕᤠᤣᤛᤠᤖᤧ ᤔᤠᤱᤃᤧᤴᤏᤠᤀᤠᤱ ᤐᤠᤣᤅ᤻ᤔᤠ ᤜᤣᤁ᤻ᤛᤡᤱᤅᤠᤱ ᤘᤠ ॥
ᤋᤱᤒᤣᤌᤵᤔᤠ ᤛᤠᤘᤠᤕᤧᤜᤠᤱ ᤁᤡᤖᤠᤋ᤻ᤖᤧ ᤔᤠᤱᤃᤧᤴᤏᤠ ᤆᤠᤣᤳᤗᤢᤱᤖᤧ ᤏᤠᤘᤠᤀᤠᤣ ᤋᤠᤣᤛᤡᤱᤒᤠ ᤋᤱᤏᤠᤶ ᤋᤠᤣᤔᤠᤖᤧ ᤑᤠ᤹ᤀᤠᤱ ᤔᤠᤱᤄᤠ ᤔᤠᤱᤄᤠᤏᤢ ᤛᤧᤴᤇᤪᤧᤱᤗᤠ ᥇᥍ ᤏᤠᤶᤗᤧ ᤔᤠᤱᤛᤣᤒᤢᤱ ᤗᤠᤖᤢᤶᤒᤠᤀᤠᤣ ᤁᤧᤵᤔᤠᤋᤠᤔᤠ. ᥇᥎ ᤏᤠᤶᤗᤧ ᤛᤠᤶᤕᤠᤣ ᤌᤠᤁᤢ-ᤌᤠᤁᤢᤔᤠᤛᤡᤖᤧ ᤔᤠᤱᤃᤧᤴᤏᤠ ᤛᤣᤘᤠ ᤛᤏᤠᤜᤴ ᤌᤡᤶᤒᤣᤀᤠᤣ ᤘᤠᤔᤠ ᤔᤠᤱᤃᤧᤴᤏᤠ᤹ ᤑᤠᤣᤅ᤻ᤔᤠ. ᥇᥏ ᤏᤠᤶᤖᤧ ᤌᤠᤁᤢ-ᤌᤠᤁᤢᤔᤠᤔᤠᤱᤅᤠᤣ ᤔᤢᤰᤋᤠᤁ᤻ ᤋᤠᤣᤔ᤻ᤔᤠ ᤔᤠᤱᤔᤢᤀᤡ ᤐᤠᤏ᤻ ᤂᤧᤶᤔᤠ ᤔᤠᤱᤃᤧᤴᤏᤠ᤹ ᤛᤩᤠ ᤋᤠᤁ᤻ᤔᤠ (ᤜᤡᤶᤔᤠᤣ ᤋᤣ᤹ᤔᤠᤀᤠᤱ ᤌᤠᤣᤁ᤻ᤔᤠ ᤃᤠᤔᤠᤑᤠ᤹ᤀᤠᤱ) ᤏᤢ ᥈᥆ ᤏᤠᤶᤖᤧ ᤛᤠᤶᤕᤠᤣᤛᤠᤜᤠ᤹ ᤀᤠᤒᤠᤱᤅᤣ ᤐᤠᤱᤓᤣ᤹ ᤜᤡᤶ-ᤜᤡᤶ ᤐᤠᤣᤁ᤻ᤔᤠ ᤀᤡᤸᤗᤡᤶ ᤘᤠᤖᤠᤣ ॥
ᤁᤴ ᤋᤱᤏᤠᤶᤔᤡᤴ ᤕᤖᤡᤰᤁᤣ ᤏᤠᤈᤶᤔᤡᤒᤠ ᤋᤱᤏᤠᤶᤖᤧ ᤏᤠᤘᤠᤀᤠᤣ ᤐᤠᤣᤖ ᤘᤠ ॥ ᤀᤰᤂᤣᤗ᤹ᤖᤡᤰ ᤕᤖᤡᤰ ᤕᤠᤵᤔᤡ ᤆᤢᤶᤔᤠᤀᤠᤱ ᤔᤠᤱᤛᤣᤘᤠ ᤆᤠᤣᤁ᤻ᤔᤠ. ᤁᤢᤛᤱ ᤕᤠᤶᤔᤡᤏᤢ ᤋᤢᤶᤔᤠ ᤋᤠ᤹ᤈᤧᤱᤔᤠ. ᤔᤠᤱᤗᤠᤱ ᤗᤠᤱᤅᤡ ᤛᤛᤠᤣᤋᤛᤖᤠᤱ ᤆᤠᤣᤁ᤻ᤔᤠ. ᤛᤠᤶᤕᤠᤣ ᤛᤠᤰᤌᤡᤶ ᤏᤢ ᤔᤠᤱᤌᤡᤶ ᤜᤠᤱᤌᤡᤶᤖᤧ ᤐᤠᤏ᤻ ᤆᤧᤱᤏᤠᤒᤠ ᤁᤴᤋᤶᤒᤠ ᤐᤠᤏᤠᤣ-ᤏᤠᤣᤒᤠ ᤌᤡᤶᤒᤣᤀᤡᤴ ᤁᤡᤖᤠᤋ᤻ ᤆᤠᤣᤳᤗᤢᤱ ᤔᤢᤜᤡᤱᤃᤢᤶ ᤀᤱᤛᤡᤔᤠᤱᤃᤧᤴᤏᤠ ᤛᤣᤘᤠ ᤛᤔᤡᤋᤡ ᤗᤠᤶᤒᤠ ᤋᤱᤒᤣ ᤌᤵᤔᤠ ᤀᤡᤈᤠᤁ᤻ ᤐᤠᤣᤅ᤻ᤗᤠᤣ ॥
