ᤔᤠᤱᤛᤣᤒᤢᤱ ᤀᤡᤰᤗᤠ-᥈ ᤀᤡᤴ ᤕᤠᤣᤅ᤻ᤜᤠᤱᤗᤧ ᤋᤣ᤹ᤖᤢ 

ᤔᤠᤱᤛᤣᤒᤢᤱ / ᤁᤡᤖᤠᤋ᤻ ᤕᤠᤰᤌᤢᤱ ᤐᤠᤏ᤻ᤍᤠᤱᤒᤠ ᤛᤠᤶᤗᤠᤣᤔᤠ ᤌᤡᤶᤒᤣ ᤔᤠᤱᤛᤣᤒᤢᤱ ᤀᤡᤰᤗᤠ -᥈, ᤀᤡᤴ ᤑᤠᤰᤑᤠᤣᤁ᤻ᤌᤢᤶ ᤀᤡᤗᤠᤶᤒᤠ ᤍᤡᤏᤣᤛ᤻ ᤕᤠᤣᤅ᤻ᤜᤠᤱᤗᤧ ᤋᤠᤣᤃᤢᤀᤠᤱ ᤘᤠ ॥

ᤔᤠᤱᤛᤣᤒᤢᤱᤅᤠᤣ ᤁᤡᤖᤠᤋ᤻ ᤛᤠᤶᤕᤠᤣ ᤛᤠᤰᤌᤡᤶᤃᤧᤏ ᤔᤢᤈᤠᤣᤳᤗᤢᤱ ᤐᤠᤴᤈᤢᤶᤓᤠᤣᤖᤣ. ᤁᤡᤖᤠᤋ᤻ ᤛᤠᤶᤕᤠᤣ ᤛᤠᤰᤌᤡᤶ ᤋᤠᤱᤛᤧᤵᤔᤠ ᤑᤠ᤹ᤀᤠᤱ ᤀᤡᤈᤠᤁ᤻ ᤆᤠᤣᤃᤢᤒᤠ ᤛᤠᤶᤗᤠᤣ ᤌᤡᤶᤒᤣ ᤔᤠᤱᤛᤣᤒᤢᤱ ᤀᤡᤰᤗᤠ ᤀᤡᤴ ᤁᤧᤍᤠᤣᤁ᤻ᤐᤠᤖᤧ ᥊᥆ ᤜᤧᤏᤇᤡᤱ ᤕᤠᤱ ᤏᤢ ᤃᤡᤋᤠᤖ. ᤋᤪᤑᤡ. ᤔᤧᤍᤗ ᤏᤢ ᤛᤰᤂᤣᤙᤰ ᤛᤠᤣᤛᤠᤣᤖᤡᤰ ᤛᤠᤶᤗᤠᤣᤐ᤻ᤔᤠ ᤂᤠᤣᤛᤢ ॥ ᤑᤠ-ᤋᤠᤣᤁᤛᤠᤔᤠᤖᤧ ᥇᥆ ᤜᤧᤴᤇᤡᤱ ᤕᤠᤱ ᤏᤢ ᤋᤪᤑᤡ. ᤔᤧᤍᤗ ᤏᤢ ᤛᤰᤂᤣᤙᤰ ᤛᤠᤣᤛᤠᤣᤖᤡᤰ ᤛᤠᤶᤗᤠᤣᤐ᤻ᤔᤠ ᤂᤠᤣᤛᤢ ॥

ᤔᤠᤱᤛᤣᤒᤢᤱ ᤀᤡᤰᤗᤠ ᤛᤣᤁ᤻ᤑᤢᤱ ᤏᤢ ᤂᤠᤗᤠᤣᤏ᤻ ᤛᤣᤔᤡ ᤑᤠᤀᤡᤏᤗ ᤀᤠᤱᤕᤠᤣᤒᤠ ᤁᤧᤖᤧᤰ ᤍᤡᤈᤡᤋᤗ ᤗᤠᤶᤒᤠ ᤐᤠᤣᤂᤠᤀᤠᤱ ᤘᤕᤠ ॥ ᤜᤧᤴᤏᤠᤱᤎᤠᤣ  ᤔᤠᤱᤛᤣᤒᤢᤱ -᥋, ᤗᤠᤖᤢᤔᤒᤠᤀᤠᤣ ᤁᤡᤖᤠᤋ᤻ ᤛᤠᤶᤕᤠᤣᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱᤖᤧ ᥍᥆ ᤛᤡᤃᤣᤁᤐᤠ ᤋᤱᤏᤠᤔ ᤌᤡᤶᤒᤣ ᤛᤧᤴᤇᤪᤧᤱᤗᤠ ᥇᥎ ᤏᤠᤶᤀᤠᤣ ᤛᤣᤔᤡᤑᤠᤀᤡᤏᤗ ᤏᤢ ᥇᥏ ᤏᤠᤶᤗᤧ ᤁᤢᤏᤢᤶ (ᤑᤠᤀᤡᤏ᤻ᤗ) ᤌᤡᤶᤒᤣ ᤐᤠᤣᤂᤠᤀᤠᤱ ᤘᤕᤠ ॥

ᤁᤢᤏᤢᤶ ᤌᤠᤖᤡᤰ ᤁᤧᤃᤧᤵᤐᤠ ᤑᤠᤰᤑᤠᤣᤁ᤻ ᤌᤢᤶᤒᤠ ᤍᤡᤏᤣᤛ᤻ ᤕᤠᤣᤅ᤻ᤜᤠᤱ. ᤔᤠᤀᤡ ᤐᤠᤱᤕᤰᤗᤢᤱᤒᤠ ᤛᤠᤴᤋᤠ ᤑᤡᤕᤠᤁ᤻. ᤗᤣᤋᤠᤅ᤻ ᤔᤠᤣᤖᤅ᤻ᤒᤠ ᤜᤖᤡ ᤆᤴᤍᤪ ᤑᤡᤕᤠᤁ᤻ ᤏᤢ ᤐᤠᤏ᤻ᤌᤖ ᤔᤡᤰᤗᤠᤈᤢᤱᤒᤠ ᤀᤢᤐᤧᤴᤍᤪ ᤏᤧᤔᤒᤠᤱ ᤔᤧᤘᤕᤠ ॥ ᤂᤠᤛᤧᤴᤛᤠᤒᤠ ᤛᤠᤶᤗᤠᤣᤛᤠᤒᤠ ᤗᤣᤂᤏᤠᤌ ᤆᤧᤶᤈᤠᤣᤅ᤻. ᤛᤠᤶᤗᤠᤣᤛᤠᤔᤠ ᤍᤡᤗᤔᤋᤡ ᤆᤧᤶᤈᤠᤣᤅ᤻ ᤏᤢ ᤛᤠᤔᤗᤠᤣᤛᤠᤒᤠ ᤀᤠᤀᤡᤴᤍᤪ ᤆᤧᤶᤈᤠᤣᤅ᤻ ᤔᤧᤘᤕᤠ ॥