ᤔᤠᤱᤛᤣᤒᤢᤱ / ᤀᤠᤳᤔᤠᤏᤴᤍ ᤁᤐ ᤕᤁ᤻ᤗᤠᤈᤣ᤹ᤔᤡᤒᤠ ᤀᤢᤳᤇᤡᤱ ᤗᤠᤱᤑᤱᤃᤠ ᤔᤡᤱᤛᤠᤣ ᤋᤡᤈᤠᤣᤁ᤻ ᤕᤢᤘᤠᤁ᤻ᤸᤒ ᤐᤠᤴᤌᤖᤖᤧ ᤋᤣ᤹ᤖᤢᤔᤠᤱ ᤘᤠ ॥ ᤔᤠᤱᤛᤣᤒᤢᤱᤅᤡᤴ ᤑᤠ-ᤋᤠᤣᤁ᤻ᤛᤠᤒᤠᤖᤰ ᤐᤠᤣᤂᤠ ॥
ᤔᤠᤱᤛᤣᤒᤢᤱ -᥋, ᤀᤡᤗᤠᤶᤒᤠ ᤀᤠᤳᤔᤠᤏᤴᤍ ᤗᤠᤱᤑᤱᤘᤠ ᤆᤠᤳᤋᤧᤴᤏᤠᤣ᤹ ᤛᤧᤏᤇᤪᤧᤱᤗᤠ ᥆᥎ ᤏᤠᤶᤔᤠᤱᤎᤠᤣ ᤀᤡᤈᤠᤁ᤻ ᤁᤧᤒᤠᤣᤅ᤻ᤒᤠ ᤀᤠᤳᤔᤠᤏᤴᤍ ᤕᤁ᤻ᤗᤠᤈᤣ᤹ᤔᤡᤒᤠ ᤀᤢᤳᤇᤡᤱ ᤗᤠᤱᤑᤱᤃᤠᤀᤡᤱ ᤋᤧᤏᤧᤒᤠ ᤁᤧᤒᤠᤣᤅ᤻ᤒᤠ ᤁᤢᤏᤢᤶ ᤆᤠᤋ᤻ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱ ᤏᤢ ᤋᤡᤈᤠᤣᤁ᤻ ᤕᤢᤘᤠᤁ᤻ᤸᤒᤖᤧ ᤆᤠᤳᤋᤧᤇᤢᤀᤠᤱ ᤘᤕᤠ ॥ ᤕᤧᤶᤌᤠᤖᤡᤰᤐᤠ ᤆᤠᤋ᤻ᤀᤠᤣ ᤂᤠᤛᤧᤏ ᤔᤧᤒᤠᤣᤂᤠᤴᤏᤠᤱ ᤋᤠᤪᤀᤡᤒᤣᤁ᤻ᤖ ᤗᤠᤶᤒᤠ ᥋-᥋ ᤃᤠᤣᤗ ᤐᤠᤣᤂᤠᤀᤠᤱᤛᤠᤱ ᤂᤠᤛᤧᤏ ᤔᤧᤒᤠᤣᤂᤠᤴᤏᤠᤱ ᤁᤢᤏᤢᤶᤔᤠᤣ ᤛᤍᤏ᤻ ᤍᤣᤌ ᤗᤠᤶᤒᤠ ᤂᤠᤛᤧᤏ ᤐᤠᤣᤂᤠᤀᤠᤱ ᤘᤕᤠ ॥
ᤀᤠᤳᤔᤠᤏᤴᤍ ᤁᤐ ᥈᥆᥎᥆ ᤁᤧᤍᤠᤣᤁ᤻ᤐᤠᤖᤧ ᥉ ᤗᤠᤱᤅᤧᤴᤇᤡᤱ ᥇᥇ ᤜᤧᤴᤇᤡᤱ ᥇ ᤁᤡᤵ ᥍᥆ ᤕᤠᤱ ᤋᤪᤑᤡ. ᤔᤧᤍᤗ ᤏᤢ ᤐᤪᤔᤠᤱᤃᤡ ᤙᤰ ᤔᤧᤄᤠᤣᤛᤢᤀᤠᤱ ᤔᤣᤘᤠ ॥ ᤑᤠ-ᤋᤠᤣᤁ᤻ᤛᤠᤒᤠᤖᤧ ᥈ ᤗᤠᤅᤧᤴᤇᤡᤱ ᥋ ᤜᤧᤴᤇᤡᤱ ᥇ ᤁᤡᤵ ᥍᥆ ᤕᤠᤱ ᤋᤪᤑᤡ. ᤔᤧᤍᤗ ᤏᤢ ᤐᤪᤔᤠᤱᤃᤡ ᤙᤰ ᤔᤧᤄᤠᤣᤛᤢᤀᤠᤱ ᤔᤣᤘᤠ ॥
᥇᥌ ᤛᤡᤃᤣᤁ᤻ᤐᤠ ᤀᤡᤈᤠᤁ᤻ ᤁᤧᤒᤠᤣᤱᤒᤠ ᤁᤴ ᤜᤰᤆᤠᤳᤀᤡᤴ ᤋᤱᤒᤣ ᤌᤵᤔᤠ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤱᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱᤖᤧ ᤔᤢᤛᤠᤣᤀᤠᤣ ᤀᤡᤈᤠᤁ᤻ ᤐᤠᤣᤅ᤻ᤗᤠᤣ ॥
