ᤔᤠᤱᤛᤣᤒᤢᤱ/ ᤁᤡᤖᤠᤋ᤻ ᤕᤠᤰᤌᤢᤱ ᤛᤠᤵᤐᤠᤏ᤻ ᤕᤢᤰᤑᤠᤣᤒᤠ ᤕᤠᤶᤈᤠᤣᤒᤠ ᤕᤢᤰᤛᤡᤱ ᥌ ᤛᤡᤃᤣᤁ᤻ᤐᤠ ᤋᤱᤒᤣᤔᤡᤒᤠ ᤋᤱᤏᤠᤶ ᤌᤡᤶᤒᤣ ᤔᤧᤍᤠᤣᤛᤢ ॥
ᤔᤠᤱᤛᤣᤒᤢᤱ ᥋ ᤂᤠ ᤕᤰᤗᤰ ᤛᤜᤠᤱᤕᤢᤰᤁᤠᤣ ᤁᤡᤖᤠᤋ᤻ ᤕᤰᤌᤢᤱ ᤛᤵᤐᤠᤏ᤻ᤏᤡᤱ ᤕᤢᤰᤑᤠᤣᤒᤠ ᤜᤠᤱᤕᤠᤶᤈᤠᤣᤒᤠ ᤕᤢᤰᤛᤡᤱ ᤐᤠᤣᤂᤧᤒᤠ ᥋ ᤋᤱᤒᤣ ᤆᤢᤖᤠᤀᤠᤱ ᥌ ᤋᤱᤒᤣ ᤋᤠᤣ᤹ᤖᤢᤀᤠᤱ ᤘᤠ ॥ ᤒᤡᤁᤪᤶ ᤋᤱᤒᤣ ᥈᥆᥍᥋ ᤀᤠᤣ ᤕᤰᤌᤢᤱ ᤛᤢᤘᤠᤱᤖᤧᤧ ᤕᤁ᤻ ᤂᤠᤏᤡᤴᤖᤧ ᤏᤠᤶᤓᤣᤀᤠᤣ ᤕᤢᤰᤑᤠᤣᤒᤠ ᤕᤠᤶᤈᤠᤣᤒᤠ ᤁᤴ ᤔᤠᤱᤛᤣᤒᤢᤱᤅᤠᤣ ᤌᤡᤰᤛᤡᤃᤣᤁ᤻ᤐᤠ ᤐᤠᤣᤂᤠᤀᤠᤱ ᤘᤕᤠ ॥
ᤁᤡᤖᤠᤋ᤻ ᤕᤠᤰᤌᤢᤱ ᤛᤠᤵᤐᤠᤏ᤻ᤏᤡᤴ ᤕᤢᤰᤑᤠᤣᤒᤠ ᤛᤜᤠᤱᤕᤢᤰᤁᤠᤣ ᤕᤠᤶᤈᤠᤣᤒᤠ ᤀᤡᤸᤗᤡᤶᤔᤡᤏ᤻ ᤋᤧᤴᤏᤡᤒᤠ ᤜᤠᤱᤕᤢᤰᤑᤠᤣ ᤐᤠᤠᤣᤖ ᤘᤠ ॥ ᤔᤠᤱᤛᤣᤒᤢᤱ ᤐᤠᤱᤓᤣ᤹ᤗᤢᤱ ᤌᤠᤣᤛᤢᤍᤡᤶᤒᤠ ᤜᤣᤔᤴᤋ᤻ ᤖᤠᤀᤡᤖᤧ ᤋᤢᤶᤋᤖᤣᤒᤠᤀᤠᤣ ᤁᤧᤒᤠᤣᤅ᤻ᤒᤠ ᤌᤡᤶᤒᤣ᤹ᤀᤠᤣ ᤛᤠᤵᤛᤰᤁᤡᤒᤠ ᤓᤡᤔᤠ ᤂᤈᤢᤶ ᤔᤢᤛᤢᤶ. ᤁᤣᤜᤣᤖ᤻ᤛᤡᤱ ᤕᤠᤣᤅ᤻ᤜᤠᤱ ᤏᤢ ᤋᤢᤶ ᤋᤖᤣᤒᤠᤖᤧ ᤛᤢᤏᤠᤜᤴ ᤏᤠᤣ-ᤏᤡᤱᤘᤠ᤹ ᤋᤠᤏ᤻ ᤔᤧᤈᤠᤣᤃᤢᤀᤠᤱ ᤘᤕᤠ ॥
ᤀᤤᤏ᤻ ᤁᤧᤒᤠᤣᤅ᤻ᤒᤠ ᤌᤡᤶᤒᤣ᤹ᤀᤡᤴ ᤔᤠᤱᤛᤣᤒᤢᤱ ᥋ ᤌᤠᤁᤢ ᤐᤠᤱᤅᤣ ᤕᤰᤐᤢᤱᤅᤠᤣ ᤐᤠᤣᤂᤠᤀᤠᤱ ᤘᤕᤠ ॥ ᤌᤡᤶᤒᤣ ᤍᤠᤱᤒᤠ ᤔᤠᤱᤛᤣᤒᤢᤱ ᥋ ᤂᤠ ᤕᤰᤗᤰ ᤌᤠᤣᤛᤢᤍᤡᤶᤒᤠ ᤏᤖᤧᤴᤍᤪ ᤁᤢᤔᤠᤖ ᤖᤠᤀᤡᤖᤧ ᤆᤠᤣᤃᤢᤀᤠᤱ ᤘᤕᤠ ॥ ᤗᤠᤶᤍᤠᤁ᤻ ᤏᤡᤱᤘᤠ ᤐᤠᤏ᤻ ᤐᤠᤛᤡᤱ ᤋᤡᤗᤖᤢᤐᤠ ᤛᤒᤣᤜᤠᤱᤖᤧ ᤆᤠᤣᤃᤢᤀᤠᤱ ᤘᤕᤠ ॥ ᤌᤡᤶᤒᤣ ᤀᤡᤈᤠᤁ᤻ ᤛᤢᤏᤡᤗ ᤛᤣᤖ᤻ᤔᤠ ᤏᤠᤣᤛᤠᤅ᤻ᤖᤧ ᤆᤠᤣᤃᤢᤒᤠ ᤁᤴ ᤐᤏᤠᤣ-ᤏᤠᤣᤒᤠ ᤌᤡᤶᤒᤣᤀᤠᤣ ᤁᤡᤖᤠᤋ ᤛᤶᤈᤡᤰ ᤔᤢᤴᤎᤢᤶ ᤕᤢᤰᤛᤡᤱ ᤏᤡᤛᤠᤶᤜᤡᤶᤒᤠ ᤏᤡᤳᤇᤠᤶᤛᤠᤖᤧ ᤕᤶᤈᤠᤅ᤻ᤘᤠ ᤏᤢ ᤗᤠᤅ᤻ ᤀᤠᤣᤏ᤻ᤎᤠᤰ ᤔᤧᤈᤠᤣᤃᤢᤀᤠᤱ ᤘᤕᤠ ॥
