ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤏᤡᤛ᤻ᤛᤣᤜᤠᤱᤔᤠ, ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤜᤠᤃᤢᤖᤢ ᤑᤸᤃᤢᤏᤴᤍᤖᤧ ᥇᥉᥏ ᤛᤡᤃᤣᤁ᤻ᤐᤠ ᤛᤠᤘᤠᤏ᤻ ᤋᤱᤏᤠᤶ ᤔᤧᤴᤍᤱᤍᤱ ᤐᤠᤏᤠᤣ-ᤏᤠᤣᤖᤡᤰ ᤔᤧᤍᤠᤣᤛᤢᤀᤠᤱ ᤘᤠ ॥
ᤏᤡᤛ᤻ᤛᤣᤜᤠᤱᤔᤠᤖᤧ ᤛᤠᤘᤠᤏ᤻ ᤋᤱᤏᤠᤶᤔᤠᤣ ᤛᤧᤏᤗᤧᤱ ᤛᤠᤖᤡ ᤛᤣᤔᤡ ᤜᤠᤶᤔᤠᤀᤠᤱ ᤋᤠᤣᤘᤠ ᤔᤔᤠ ᤔᤠᤱᤘᤠ ᤜᤠᤱᤘᤠᤖᤧ ᤁᤢᤴᤍᤠᤱᤔᤠ ॥ ᤛᤠᤘᤠᤕᤧᤜᤠᤱ ᤔᤧᤴᤇᤠᤱ ᤕᤠᤵᤔᤡᤖᤧ ᤋᤠᤁ᤻ᤘᤠᤏᤠᤣᤔᤠᤖᤧ ᤔᤠᤖᤠᤶ ᤁᤧᤎᤠᤔᤠ ᤏᤡᤛ᤻ᤛᤣᤜᤠᤱᤔᤠᤖᤠᤣ ᤗ᤹ᤖᤡᤰ ᤛᤠᤶᤕᤠᤣ ᤌᤠᤢᤖᤣ ᤔᤢᤀᤡᤐᤠᤏ᤻ ᤕᤢᤰᤂᤢᤀᤠᤱ ᤘᤠ ॥
ᤏᤡᤛ᤻ᤛᤣᤜᤠᤱᤔᤠᤖ ᥇᥉᥏ ᤛᤡᤃᤣᤁ᤻ᤐᤠ ᤐᤕᤶ ᤌᤡᤶᤒᤣ ᤈᤠᤐᤠᤒᤠ ᤆᤡᤸᤗᤠᤃᤍ ( ᤁᤡᤖᤠᤋ ᤜᤠᤱᤛᤠᤶ ᤔᤠᤱᤜᤡᤶ ) ᤀᤠᤣ ᤁᤡᤖᤠᤋ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤱᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤏᤢ ᤛᤠᤶᤕᤠᤣ ᤌᤠᤁᤢᤔᤠᤔᤠᤱ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤔᤠᤱ ᤛᤠᤶᤒᤠ ᤐᤒᤡᤪᤜᤠᤱᤔᤠ ᤗᤡᤱᤍᤧᤴ ᤐᤣᤛᤡ ॥
ᤈᤠᤐᤠ ᤆᤡᤸᤗᤠᤃᤍ ᤔᤠᤱᤜᤡᤶᤀᤠᤣ ᤁᤧᤒᤠᤣᤅ᤻ᤒᤠ ᤌᤡᤶᤒᤣᤀᤠᤣ ᤛᤠᤶᤕᤠᤣ ᤌᤠᤢᤁᤢ ᤏᤢ ᤛᤠᤶᤕᤠᤣ ᤌᤠᤁᤢᤔᤠᤔᤠᤱᤛᤡᤖᤧ ᤏᤡᤛ᤻ᤛᤣᤜᤠᤱᤔᤠ ᤔᤜᤠᤃᤢᤖᤢ ᤑᤸᤃᤢᤏᤴᤍᤖᤧ ᤛᤠᤗᤡᤁ᤻ ᤛᤢᤏᤠᤜᤴ ᤏᤢ ᤁᤢᤛᤱ ᤔᤠᤱᤜᤡᤶᤖᤧᤀᤠᤱ ᤛᤢᤏᤠᤜᤴ ᤆᤠᤣᤃᤧᤳᤜᤢᤀᤠᤱ ᤘᤠ ॥
