ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤑᤸᤃᤢᤏᤴᤖᤧ ᤌᤰᤗᤠᤜᤡᤱᤔᤴ (ᤈᤡᤘᤏᤡ) ᤛᤠᤵᤐᤏ᤻ ᤛᤢᤏᤠᤜᤴ ᤐᤠᤣᤂᤠᤀᤠᤱ ᤘᤠ ॥
ᤀᤠᤶᤔᤡᤔᤠ ᤑᤠᤣᤖᤠᤒᤠ ᤕᤧᤴ ᥈᥆ ᤏᤠᤶ ᤒᤡ.ᤋ. ᥈᥆᥎᥆ ᤗᤧ ᤁᤧᤛᤠᤵᤐᤠ ᤖᤔᤣᤛ ᤋᤢᤶᤒᤠᤐᤠᤣ ᤏᤢ ᤔᤏᤁᤢᤔᤠᤖ ᤑᤧᤈᤱᤗᤧ ᤛᤠᤵᤋᤧᤇᤢᤒᤠ ᤛᤠᤵᤐᤠᤏ᤻ᤏᤢᤴ ॥ ᤏᤠᤶᤛᤠᤱᤗᤠ ᤔᤠᤱᤜᤡᤶ ᤗᤒ᤻ᤖᤣᤁᤢᤋᤡ ᤐᤠᤏ᤻ᤌᤖᤀᤠᤣ ᤛᤠᤵᤐᤏ᤻ ᤛᤢᤏᤠᤜᤴ ᤀᤡᤶᤒᤣᤀᤠᤣ ᤏᤡᤛ᤻ᤛᤣᤜᤠᤱᤔᤠ ᤔᤜᤠᤃᤢᤖᤢ ᤑᤸᤃᤢᤏᤴᤍ ᤗᤡᤱᤍᤧᤴᤖᤧ ᤈᤡᤘᤏᤡ ᤔᤡᤱᤛᤠᤣᤒᤠ ᤛᤠᤵᤐᤏ᤻ᤖᤧ ᤛᤢᤏᤠᤜᤴ ᤐᤠᤣᤂᤠᤀᤠᤱ ᤘᤠ ॥
ᤌᤡᤶᤒᤣᤒᤠ ᤋᤢᤶᤋᤖᤣᤒᤠ ᤁᤡᤖᤠᤋ ᤛᤠᤶᤏᤡᤃᤧᤶᤒᤠ ᤐᤠᤴᤈᤢᤶᤓᤠᤣᤒᤠ ᤑᤠ-ᤁᤢᤗᤐᤋᤡ ᤜᤖᤡ ᤆᤴᤍᤪ ᤗᤠᤀᤠᤣᤋᤡᤖᤧ ᤛᤢᤏᤠᤜᤴ ᤆᤠᤣᤃᤢᤀᤠᤱ ᤘᤠᤕᤠ ॥ ᤛᤠᤵᤐᤏ᤻ᤀᤠᤣ ᤐᤠᤴᤌᤖ ᤒᤜᤢᤔᤢᤂ ᤁᤩᤠᤶᤐᤛᤒᤠ ᤐᤪᤠᤎ᤻ᤕᤠᤐᤁ᤻ ᤔᤎᤢ ᤁᤣᤖᤢᤱᤗᤧ. ᤐᤠᤏ᤻ᤌᤖ ᤒᤜᤢᤔᤢᤂᤡ ᤁᤩᤠᤶᤐᤛ᤻ᤒᤠ ᤑᤠ-ᤋᤢᤶᤒᤠ ᤗᤇ᤻ᤔᤡ ᤎᤢᤱᤃᤠᤏᤠ ᤏᤢ ᤁᤡᤖᤠᤋ ᤛᤠᤶᤕᤠᤣ ᤛᤠᤵᤛᤰ ᤌᤠᤒᤠᤣ ᤆᤢᤶᤒᤠ ᤑᤠ-ᤛᤜᤠᤱᤔᤡᤒᤠ ᤔᤴᤁᤢᤔᤠᤖ ᤀᤠᤱᤒᤢᤜᤠᤱ ᤀᤒᤠᤣᤎᤖᤧ ᤋᤡᤐᤏᤡ ᤏᤡᤱᤘᤠᤐᤠᤏ ᤔᤧᤕᤢᤰᤂᤢᤀᤠᤱ ᤘᤕᤠ ॥
ᤋᤢᤶᤒᤠᤐᤠᤣ ᤛᤔᤠᤈ ᤛᤣᤘᤠ ᤛᤱᤄ ᤏᤧᤐᤠᤗᤒᤠ ᤔᤢᤈᤠᤣᤳᤗᤢᤱ ᤐᤠᤏ᤻ᤈᤢᤶᤓᤠᤣᤖᤧ ᤋᤱᤃᤠᤶ ᤆᤠᤣᤃᤢᤀᤠᤱ ᤘᤕᤠ ॥ ᤁᤴ ᤐᤏᤢᤏᤢᤒᤠ ᤌᤡᤶᤒᤣᤀᤠᤣ ᤏᤡᤁᤡᤵ ᤕᤠᤖᤡᤰ ᤕᤖᤡᤰ ᤋᤧᤴᤗᤠᤶᤒᤠᤏᤢ ᤔᤧᤍᤩᤠᤀᤠᤱ ᤔᤣᤘᤕᤠ ॥
