ᤗᤢᤵᤗᤡ ᤌᤠᤅᤠᤀᤠᤱ ᤈᤠᤈᤖᤁᤠᤣᤋ ᤏᤢ ᤖᤢᤁᤢᤶ ᤏᤠᤶᤎᤠᤀᤠᤣ ᤀᤠᤸᤗᤎᤠᤖᤡᤰ ᤌᤡᤰᤁᤡᤵ ᥋᥍ ᤕᤠᤵᤔᤡ ᤔᤧᤛᤠᤩ ॥ ᤏᤧᤶᤈᤠᤱ ᤌᤢᤶᤀᤠᤣ ᤌᤡᤶᤁᤡᤵ ᥏᥍ ᤕᤠᤶᤀᤡ ᤔᤧᤃᤠᤴᤍᤠᤀᤠᤱ ᤔᤧᤘᤠ ॥
ᤈᤠᤈᤖᤁᤠᤣᤋ ᤌᤢᤶᤔᤠᤣ ᤌᤡᤰᤁᤡᤵ ᥋ ᤏᤢ ᤖᤢᤁᤢᤔ᤻ ᤏᤠᤶᤎᤠᤐᤡᤛᤠᤱ ᤌᤡᤶᤔᤠᤣ ᥋᥈ ᤕᤠᤶᤔᤡ ᤔᤧᤛᤧᤩ ॥ ᤀᤰᤂᤣᤖᤡᤰᤁᤣ ᤏᤧᤶᤈᤠᤱ ᤌᤢᤶᤁᤧᤖᤧᤰᤀᤠᤣ ᤌᤡᤶᤁᤡᤵ ᥏᥍ ᤕᤠᤶᤀᤡ ᤔᤧᤃᤠᤴᤍᤠᤀᤠᤱ ᤔᤣᤘᤠᤒᤠ ॥ ᤛᤛ᤻ᤋᤪ ᤋᤡᤸᤗᤡᤱᤃᤠ ᤌᤡᤶᤒᤠ ᤔᤢᤖᤢᤶᤃᤧᤴ ᤛᤜᤠᤱᤕᤢᤰ ᤏᤠᤕᤒ ᤀᤢᤐᤖᤡᤇ᤻ᤕᤁ᤻ ᤛᤤᤗᤧᤴᤍᤪ ᤌᤠᤐᤠᤖᤧ ᤐᤠᤋᤢᤒᤠ ᤀᤡᤛᤡᤁ᤻ ॥
ᤗᤢᤵᤗᤡ ᤁᤧᤎᤠᤱᤒᤠ ᤋᤧᤴᤏᤠᤣ ᤕᤠᤵᤔᤡᤜᤠ᤹ ᤁᤠᤣᤐ᤻ᤔᤠᤛᤡ ᤏᤢ ᤋᤠᤱᤔᤠᤛᤡᤖᤧ ᤑᤠ᤹ᤀᤠᤠᤱ ᤏᤧᤐᤠᤗ ᤀᤠᤖ᤻ᤔᤡ ᤗᤠᤶᤒᤠ ᥋, ᤜᤣᤗᤡᤁᤵᤋᤖ ᤔᤧᤒᤣᤖ ᤔᤧᤘᤠᤒᤠ ᤏᤢ ᤌᤡᤰᤁᤡᤵ ᥋ ᤏᤣᤐᤠᤗᤡ ᤛᤣᤏᤠ ᤋᤧᤴᤀᤠᤣ ᤋᤠᤱᤛᤧᤵᤆᤠᤣᤁ᤻ᤏᤢ ᤔᤧᤘᤠᤒᤠ ᤏᤧᤐᤠᤗᤡ ᤛᤣᤏᤠ ᤐᤪᤒᤰᤋᤠ ᤛᤜᤠᤕᤁ᤻ ᤖᤌᤡ ᤁᤪᤡᤛ᤻ᤏᤐᤪᤛᤠᤍ ᤓᤴᤍᤠᤖᤡᤖᤧ ᤐᤠᤋᤢᤀᤠᤱᤘᤠ ॥
ᤗᤢᤵᤗᤡ ᤁᤧᤒᤣᤁ᤻ᤐᤠ ᤋᤧᤴᤏᤠᤣ ᤋᤠᤱᤛᤧᤵᤔᤠ ᤏᤢ ᤁᤶᤒᤠᤪᤱᤗᤧ ᤑᤠ᤹ᤀᤠᤱ ᤏᤧᤐᤠᤗ ᤕᤢᤰᤑᤠᤣ ᤗᤠᤶᤒᤠ ᤒᤡᤐᤍ ᤒ᤻ᤕᤠᤘᤛ᤻ᤌᤠᤐᤏ ᤁᤠᤣᤛ ᤗᤠᤶᤒᤠ ᤀᤠᤸᤗᤠᤣᤏᤢᤁᤶᤓᤠ ᥋/᥋ ᤋᤠᤣ᤹ᤛᤡᤱ ᤕᤠᤶ ᤔᤧᤜᤠᤱᤅᤢᤒᤠ ॥ ᤜᤡᤶᤋᤢᤔᤠᤩᤜᤠᤱ ᤏᤠᤖᤠᤕᤏ ᤁᤠᤈᤡ ᤛᤣᤪᤛ᤻ᤌᤖᤧ ᤌᤠᤣᤛᤢᤍᤡᤶᤒᤠᤀᤠᤣ ᤋᤠᤱᤛᤧᤵᤔᤠ ᤑᤠ᤹ᤛᤡᤱ ᤔᤧᤈᤠᤣᤃᤢᤒᤠ ॥ ᤁᤴ ᤕᤠᤔ᤻ᤒᤰᤁᤡᤴ ᤐᤎᤠᤵᤐᤠᤖᤧ ᤏᤠᤘᤠᤀᤠᤣ ᤕᤠᤔ᤻ᤒᤰ ᤆᤠᤣᤁ᤻ᤔᤠᤖᤧ ᤑᤠ᤹ᤀᤠᤱ ᥇᥇, ᤏᤠᤸᤗᤠᤒᤠ ᤆᤢᤶᤗᤢᤱ ᤀᤢᤘᤠ ᤛᤰᤁᤠᤱ ᤔᤧᤈᤠᤣᤃᤢᤀᤠᤱ ᤋᤃᤡ ᤔᤧᤒᤠᤣᤒᤠ ॥ ᤀᤠᤸᤗ ᤜᤠᤸᤗᤧᤰᤏᤢᤗᤗᤧ ᤜᤠᤸᤗᤧᤰ ᤗᤢᤵᤗᤡ ᤁᤧᤎᤠᤱᤒᤠ ᤋᤧᤴᤏᤠᤣ ᤋᤠᤱᤛᤧᤵ ᤏᤢ ᤁᤶᤒᤠᤪᤱ ᤔᤧᤄᤠᤣᤒᤠ / ᤔᤧᤈᤠᤣᤃᤢᤒᤠ ᤏᤧᤐᤠᤗ ᤕᤢᤰᤑᤠᤣᤖᤧ ᤀᤢᤘᤠ ᤆᤠᤣᤃᤢᤀᤠᤱ ᤘᤠ ॥
ः ᤀᤡᤱᤄᤱ ᤏᤠᤕᤠᤒᤢᤗᤴᤍ ᤏ᤻ᤕᤢᤈ ᤗᤠᤶᤒᤠ ᤀᤢᤅ᤻ᤖᤠᤒᤠ
