ᤔᤠᤱᤛᤣᤒᤢᤱ / ᤏᤡᤛᤣᤜᤠᤱᤔᤠ, ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤢᤜᤡᤃᤢᤶ ᤀᤱᤛᤡᤔᤠᤱ ᤔᤠᤜᤠᤃᤢᤖᤢ ᤑᤠᤸᤃᤢᤏᤴᤍᤖᤧᤴ ᥇᥉᥏ ᤛᤡᤃᤣᤁ᤻ᤐᤠ ᤛᤠᤘᤠᤏ᤻ ᤏᤡᤱᤘᤠᤛᤠᤣ ᤋᤱᤏᤠᤶ ᤌᤡᤶᤒᤣ ᤁᤧᤍᤠᤒᤠ ᤌᤣᤛᤣᤁ᤻ᤖᤠᤣ ᥈᥋ ᤀᤡᤸᤗᤧ ᤈᤠᤐᤠᤒᤠ ᤆᤡᤸᤗᤠᤃᤍ ᤔᤠᤱᤜᤡᤶᤔᤠᤣ ᤔᤧᤴᤍᤱᤍᤱ ᤔᤢᤖᤢᤶᤒᤠ ᤌᤡᤶᤒᤣ ᤐᤠᤣᤱᤒᤠ ᤐᤠᤣᤂᤠᤀᤠᤱ ᤘᤠ ॥
ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤱᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤏᤢ ᤔᤢᤜᤡᤱᤃᤢᤔ ᤀᤱᤛᤡᤔᤠᤔᤠᤱ ᤛᤠᤶᤒᤠ ᤐᤒᤡᤋᤪ ᤜᤠᤱᤔᤠ ᤗᤡᤱᤍᤧᤴᤛᤡ ᤋᤠᤛᤡᤒᤠ ॥ ᤛᤠᤶᤕᤠᤣ ᤌᤠᤁᤢᤔᤠᤱ ᤏᤢ ᤌᤠᤁᤢᤔᤠᤔᤠᤱᤛᤡᤖᤧ ᤜᤢᤴᤇᤡ ᤜᤢᤰᤗᤠᤶᤒᤠ ᤈᤠᤐᤠ ᤆᤡᤸᤗᤠᤃᤍ ᥏ ᤀᤠᤣ ᤁᤢᤛᤱ ᤁᤧᤒᤠᤣᤅ᤻ᤒᤠ ᤁᤡᤖᤠᤋ᤻ᤛᤠᤣᤖ ᤜᤠᤱᤛᤠᤶ ᤔᤠᤱᤜᤡᤶ ᤏᤢ ᤔᤢᤜᤡᤱᤃᤢᤱ ᤀᤱᤛᤡᤔᤠᤱ ᤗᤡᤱᤍᤧᤴ ᤑᤠᤸᤃᤢᤏᤴᤍᤖᤧ ᤛᤠᤗᤡᤰᤀᤠᤱ ᤛᤢᤏᤠᤜᤴ ᤆᤠᤣᤁ᤻ᤛᤢᤒᤠ ॥ ᤌᤡᤶᤒᤣ ᤋᤱᤜᤡᤒᤠ ᤑᤠᤌᤠᤣᤛᤢᤍᤡᤶᤒᤠ, ᤀᤡᤱᤛᤣ ᤋᤢᤶᤒᤠ ᤍᤡᤸᤗᤡ ᤐᤪᤛᤠᤍ ᤀᤡᤱᤏᤠᤶᤗᤧ ᤐᤠᤋᤢᤀᤠᤱ ᤘᤠ ॥
ᤏᤡᤛᤣᤜᤠᤱᤔᤠ ᤔᤜᤠᤃᤢᤖᤢ ᤑᤠᤸᤃᤢᤏᤴᤍᤖᤧ ᤛᤠᤘᤠᤏ᤻ ᤕᤧᤴᤏᤡᤴ ᤛᤡᤔᤡᤰᤗᤢᤱ ᤁᤢᤍᤡᤶ ᤁᤧᤕᤢᤱᤒᤠ ᤁᤡᤖᤠᤋ᤻ ᤛᤠᤶᤕᤠᤣᤛᤠᤖᤧ ᤋᤠᤣᤁ᤻ᤘᤠ ᤏᤢ᤹ᤔᤠ ᤕᤧᤴᤏᤧ ᤏᤠᤘᤠᤀᤠᤣ ᤏᤡᤱᤘᤠ ᤔᤧᤀᤡᤳᤋᤢ ॥ ᤐᤠᤜᤣᤰᤁᤣᤖᤡᤰᤁᤣ ᤛᤡᤔᤡᤰᤗᤢᤱ ᤁᤢᤍᤡᤶ ᤁᤡᤖᤠᤋ᤻ ᤛᤠᤶᤕᤠᤣ ᤛᤠᤖᤧ ᤋᤠᤘᤠᤔᤀᤡ, ᤏᤡᤛᤣᤜᤠᤱᤔᤠᤖᤧ ᤀᤡᤳᤀᤠᤣ ᤑᤢᤱ ᤔᤧᤍᤠᤣᤏ᤻ᤍᤢᤀᤠᤱ, ᤛᤠᤖᤡᤛᤣᤔᤡ ᤔᤧᤜᤠᤴᤍᤢᤀᤠᤱ, ᤏᤡᤛᤣᤜᤠᤱᤔᤠᤖᤧ ᤆᤠᤣᤃᤢᤒᤠ ᤛᤠᤶᤕᤠᤣ ᤛᤠᤰᤌᤡᤶ ᤏᤢ ᤛᤱᤈᤢᤶᤓᤠᤣ ᤌᤠᤣᤒᤠᤣᤖᤧ ᤕᤠᤶᤒᤰᤂᤠ᤹ ᤀᤡᤱᤓᤠᤣ ᤔᤧᤈᤠᤣᤃᤢᤀᤠᤱ , ᤔᤧᤴᤇᤠᤶ ᤕᤠᤵᤔᤡ ᤏᤢ ᤌᤰᤛᤠ ᤐᤢᤛᤠ ᤏᤢ ᤛᤡᤔᤡᤰᤗᤢᤱᤅᤠᤣ ᤛᤠᤏᤠᤖᤢᤱ ᤕᤢᤱᤛᤡᤱᤗ ᤗ᤹ᤖᤡᤰ ᤋᤠᤣᤘᤠ ᤔᤀᤡ ᤁᤴ ᤋᤱᤏᤠᤶ ᤔᤧᤍᤠᤣᤛᤢᤖᤠᤣ ॥
