ᤔᤠᤱᤛᤣᤒᤢᤱ / ᤍᤔᤁ᤻ᤀᤠᤣ ᤕᤠᤰᤌᤢᤱ ᤁᤣᤗᤠᤅ᤻ ᤛᤱᤈᤢᤶᤓᤠᤣᤖᤧ ᤀᤡᤈᤠᤁ᤻ ᤆᤠᤣᤃᤢᤒᤠ -᥇᥋, ᤕᤧᤴᤒᤠ ᤁᤣᤗᤠᤅ᤻ ᤜᤢ᤹ᤔᤢᤏᤧᤳ ᤌᤡᤶᤒᤣ᤹ ᤆᤢᤖᤠᤀᤠᤱ ᤘᤠ ॥
ᤑᤛᤢᤰᤐᤠ ᤕᤧᤴ ᤈᤠᤐᤠᤒᤠ ᤍᤔᤁ ᤐᤠᤱᤕᤰᤗᤢᤱ ᤕᤠᤰᤗᤰ ᤂᤠ. ᥇, ᤐᤠ ᤕᤣᤜᤠᤱ ᤕᤢᤰᤐᤢᤱᤀᤠᤣ ᤛᤡᤖᤡᤈᤱᤃᤠ ᤁᤠ᤹ᤆᤢᤶᤔᤡᤒᤠ ᤜᤡᤶᤔᤠᤣ ᤌᤡᤰ ᤐᤏᤠᤣᤒᤠ ᤌᤡᤶᤒᤣ᤹ᤏᤢ ᤛᤠᤣ-ᤛᤠᤣᤖᤡᤰ ᥇᥋ ᤕᤧᤴᤒᤠ ᤁᤣᤗᤠᤅ᤻ ᤜᤢᤔᤢᤏᤧᤴ ᤌᤡᤶᤒᤣ᤹ ᤁᤢᤏᤢᤶ ᤐᤠᤣᤂᤠᤀᤠᤱ ᤘᤠ ॥ ᤁᤴ ᤜᤢ᤹ᤔᤢᤏᤧᤳ ᤀᤡᤴ ᤌᤧᤖᤧᤱᤏᤠᤶ ᥍ ᤏᤠᤶᤔᤠᤱᤎᤠᤣ ᤀᤡᤈᤠᤁ᤻ ᤐᤠᤣᤂᤠᤖ ᤘᤕᤠᤒᤠ ॥ ᤜᤢ᤹ᤔᤢᤏᤧᤳᤀᤠᤣ ᥇᥏ ᤁᤧᤜᤢ᤹ᤛᤡᤱᤒᤠᤜᤠ᤹ ᤕᤧᤴᤇᤠᤣᤜᤠ᤹ᤖᤧ ᤁᤣᤗᤠᤅ᤻ ᤔᤧᤜᤢ᤹ᤛᤡᤱᤅᤠᤱ ᤘᤠ ॥
ᤕᤠᤰᤌᤢᤱ ᤛᤠᤵᤐᤠᤏ᤻ ᤛᤠᤵᤙᤰ ᤕᤶᤒᤢᤃᤧᤴ ᤍᤔᤁᤐᤠ ᤋᤢᤶᤒᤠ ᤛᤣᤛᤣᤔᤡ ᤛᤣᤏᤠᤸᤒᤠᤣ ᤌᤡᤶᤒᤣ᤹ᤒᤠ ᤋᤢᤶᤋᤖᤣᤒᤠ ᤘᤕᤠ ॥ ᤜᤢᤏᤧ᤹ ᤁᤣᤏ᤻ ᤔᤢᤰᤂᤢᤀᤠᤱ ᤌᤡᤶᤒᤣ᤹ᤖᤧ ᤛᤢᤏᤠᤜᤴ ᤆᤠᤣᤃᤢᤀᤠᤱ ᤘᤕᤠ ॥ ᤌᤡᤶᤒᤣ᤹ᤀᤠᤣ ᤋᤖᤣᤒᤠᤖᤧ ᤏᤠᤘᤠᤀᤠᤣ ᤕᤠᤰᤌᤢᤱ ᤐᤪᤃᤠᤩ ᤐᤪᤋᤡᤛ᤻ᤌᤠᤏᤒᤠ ᤏᤣᤐᤠᤗ ᤋᤢᤶᤒᤠ ᤗᤇᤠᤔᤡ ᤛᤣᤖ᤻ᤔᤠ ᤐᤠᤐᤠᤣ, ᤁᤡᤖᤠᤋ᤻ ᤕᤠᤰᤌᤢᤱ ᤔᤢᤖᤢᤶᤃᤧᤴ ᤆᤢᤶᤓᤠᤣᤒᤠ ᤐᤠᤛᤡᤱ ᤀᤡᤰᤛᤠ ᤛᤶᤒᤠᤜᤠᤱᤑᤣ, ᤁᤡᤕᤠᤆᤢ ᤍᤔᤁ ᤐᤠᤱᤕᤰ ᤌᤠᤣᤛᤢᤍᤡᤶᤒᤠ ᤍᤣᤒᤧᤴᤍᤪ ᤆᤧᤶᤈᤠᤣᤅ᤻, ᤖᤢᤒᤠᤀᤡ ᤔᤴᤆ ᤏᤣᤐᤠᤗᤒᤠ ᤌᤠᤣᤛᤢᤍᤡᤶᤒᤠ ᤖᤠᤈ ᤁᤢᤔᤠᤖ ᤛᤢᤒ᤻ᤒᤠ ᤔᤧᤘᤕᤠ ॥
ᤁᤣᤗᤠᤅ᤻ ᤜᤢ᤹ᤔᤢᤏᤧᤳᤀᤠᤣ ᤁᤢᤔᤠᤖ ᤗᤠᤀᤠᤣᤋᤡ ᤁᤣᤗᤠᤅ᤻ ᤁᤣᤜᤢ᤹ᤒᤠ ᤘᤕᤠ ॥ ᤁᤴ ᤌᤡᤶᤒᤣᤖᤧ ᤌᤠᤣᤛᤢᤍᤡᤶᤒᤠ ᤖᤆᤏᤠ ᤗᤠᤀᤠᤣᤋᤡ ᤘᤕᤠᤃᤖ ᤌᤡᤶᤒᤣ᤹ ᤀᤡᤈᤠᤁ᤻ ᤛᤜᤠᤱᤔᤡᤒᤠ ᤑᤢᤱᤔᤠ ᤋᤢᤶᤔᤪᤠᤣᤁᤗᤣ ᤌᤡᤶᤒᤣ᤹ ᤀᤡᤈᤠᤁ᤻ ᤆᤠᤣᤃᤢᤀᤠᤱ ᤘᤕᤠ ॥