ᤛᤠᤵᤔᤢᤴᤎᤢᤶᤔᤡᤒᤠ ᤜᤣᤁ᤻ᤕᤠᤔ᤻ ᤐᤠᤏ᤻ᤌᤖ ᤂᤸᤗᤱᤃᤠᤒᤠ ᤜᤧᤴ ᤐᤏᤠᤣᤒᤠ ᤌᤡᤶᤒᤣ᤹ᤀᤡᤴ ᤘᤣ᤹ ᤋᤧᤴᤒᤠᤖᤧᤀᤠᤱ ᤜᤢ᤹ᤛᤡᤱᤔᤠ ᤕᤧᤁ᤻ᤐᤠ ᤘᤠ ॥ ᤛᤡᤔᤡᤁ᤻ᤗᤢᤱ ᤛᤏᤠᤖᤢᤱ ᤏᤢ ᤔᤧᤴᤇᤠᤶ ᤏᤠᤶᤕᤠᤵᤔᤡ ᤌᤡᤰᤜᤢᤵ ᤐᤠᤣᤅ᤻ᤔᤠ ᤌᤰᤛᤠ ᤐᤢᤛᤠ ᤹ ᤕᤱᤄᤴ ᤁᤢᤛᤠ ᤋᤠᤱᤛᤧᤐ᤻ᤔᤠᤛᤡ ᤔᤠᤗᤠᤶ ᤏᤠᤘᤠᤆᤀᤡᤋ᤻ ᤁᤧᤈᤠᤣᤁ᤻ᤔᤠ ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤑᤸᤃᤢᤏᤴᤍᤖᤠᤣ ॥ ᤏᤡᤛ᤻ᤛᤣᤜᤠᤱᤔᤠᤖᤧ ᤔᤠᤗᤠᤶᤔᤡᤴ ᤀᤠᤸᤗᤠᤣ ᤕᤁ᤻ᤘᤠᤍᤱ ᤏᤠᤘᤠᤀᤠᤣ ᤐᤠᤣᤖᤐᤣᤁ᤻ᤗ ᤘᤠ ॥
ᤏᤡᤛ᤻ᤛᤣᤜᤠᤱᤔᤠᤖᤧ ᤔᤠᤗᤠᤶ ᤀᤡᤛᤡᤰ ᤛᤱᤈᤢᤶᤔᤡᤴ ᤋᤃᤡ ᤐᤠᤣᤖ ᤘᤠ ॥ ᤐᤠᤱᤓᤣ᤹ ᤌᤠᤅ᤻ᤓᤣ᤹ ᤛᤠᤱᤛᤣᤒᤠ ᤐᤠᤣᤅ᤻ᤗ ᤐᤣᤁ᤻ᤗ ᤘᤠ ॥ ᤏᤡᤛ᤻ᤛᤣᤜᤠᤱᤔᤠᤖᤧ ᤛᤡᤘᤠᤂᤠᤜᤢᤏ᤻ᤖᤧ ᤕᤢᤰᤋᤢᤒᤠ ᤋᤧᤴᤜᤠ᤹ᤀᤠᤣ ᤁᤡᤖᤠᤋ᤻ ᤛᤠᤶᤕᤠᤣᤛᤠ ᤔᤧᤒᤠᤣᤏ᤻ᤗ ᤔᤧᤎᤧ᤹ᤖ ᤔᤧᤘᤠᤒᤠ ᤏᤠᤣᤕᤧᤶ ᤘᤠ ॥
ᤋᤧᤴᤋᤧᤴᤜᤠ᤹ᤀᤠᤣ ᤔᤠᤱᤜᤡᤶ. ᤏᤡᤛ᤻ᤛᤣᤜᤠᤱᤔᤠᤖᤧ ᤆᤀᤡᤋ᤻ᤗᤢᤱ ᤏᤢ ᤛᤠᤶᤈᤡᤰ ᤔᤢᤴᤎᤢᤶ ᤏᤡᤛᤠᤶᤜᤡᤶ ᤕᤢᤰᤛᤡᤱ ᤐᤠᤣᤅ᤻ᤗ ᤘᤠ ॥ ᤕᤁ᤻ᤘᤠᤍᤱ ᤋᤧᤴᤜᤠ᤹ᤀᤠᤣ ᤁᤧᤒᤠᤣᤅ᤻ᤒᤠ ᤀᤰᤁᤣᤍᤱᤒᤠ ᤌᤡᤶᤒᤣᤜᤠ᤹ᤖᤧ ᤀᤠᤒᤠᤱᤅᤣ ᤐᤖᤡᤰᤐᤠ ᤔᤧᤸᤗᤢᤱ ᤐᤠᤣᤅ᤻ ॥ ᤀᤰᤋᤶᤒᤠ ᤔᤧᤸᤗᤢᤱᤒᤠ ᤌᤡᤰᤒᤣ ᤋᤧᤴᤜᤠ᤹ ᤏᤠᤣᤎᤡᤰ ᤏᤢ ᤏᤠᤣᤕᤧᤶᤗᤧ ᤁᤠᤵᤋᤢᤀᤠᤱ ᤛᤠᤵᤔᤢᤴᤎᤢᤶᤔᤡᤒᤠ ᤐᤠᤣᤅ᤻ ॥
ᤒᤡᤁᤪᤶ ᤋᤱᤒᤣ ᥈᥆᥎᥆ ᤁᤁ᤻ᤑᤧᤰᤘᤠ ᥇᥌ ᤏᤠᤶᤗᤧ ᤕᤠᤶᤔᤠ ᤐᤠᤏ᤻ᤌᤖ ᤌᤢᤶ, ᤑᤧᤍᤧᤴ ᤐᤠᤱᤕᤰᤗᤢᤱ -᥇᥆, ᤕᤠᤱᤏᤠᤶᤒᤠ ᤂᤸᤗᤱᤃᤠ ᤋᤧᤶᤒᤣ᤹ ᤔᤧᤵᤏᤠᤒᤠ ᤋᤧᤴᤀᤠᤣ ᤏᤡᤛ᤻ᤛᤣᤜᤠᤱᤔᤠ. ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤑᤸᤃᤢᤏᤴᤍᤖᤧ ᤆᤀᤡᤋ᤻ᤗᤢᤱ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤏᤢ ᤌᤠᤁᤢᤔᤠᤔᤠᤱ ᤛᤠᤔ᤻ᤒᤠ ᤐᤒᤡᤋᤪᤜᤠᤱᤔᤠᤖᤧ ᤜᤢᤰᤗᤠᤶᤒᤠ ᤛᤢᤏᤠᤜᤴ ᤐᤠᤣᤂᤠ ॥
ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤱᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱᤖᤧ ᤔᤢ᤹ᤀᤡ ᤐᤠᤏ᤻ᤀᤠᤣ ᤁᤴ ᤋᤧᤴᤒᤠ ᤛᤠᤶᤕᤠᤣᤖᤧ ᤋᤡᤔᤡᤰ ᤜᤴᤍᤢᤱᤅᤠᤱᤘᤠ ᤐᤠᤋᤢᤀᤠᤱ ᤘᤠ ॥ ᤐᤏᤠᤣᤒᤠ ᤋᤧᤴ ᤂᤸᤗᤱᤃᤠ ᤋᤧᤶᤒᤣ᤹ᤏᤢ ᤏᤡᤕᤠᤖᤠ ᤍᤣᤔᤠᤸᤗᤧ ᤁᤠᤣᤁ᤻ᤔᤠ ᤑᤠᤱᤈᤱ ᤏᤢ ᤐᤠᤣᤁ᤻ᤗᤠ ᤁᤢᤗᤢᤱᤖᤧ ᤁᤠᤵᤋᤢᤒᤠ ᤛᤣᤏᤡᤱᤘᤠ᤹ ᤛᤣ-ᤛᤣ ᤀᤠᤗ᤹ᤒᤠ ᤐᤏᤠᤣᤒᤠ ᤋᤧᤴ ᤏᤧᤖᤠᤣ ॥
ᤀᤠᤸᤗᤠ ᤁᤴ ᤋᤧᤴᤒᤠ ᤛᤱᤈᤢᤶ. ᤛᤣᤛᤣ ᤐᤠᤣᤅ᤻ᤅᤠᤱ ᤑᤢᤱᤀᤡᤁ᤻ ᤁᤢᤛᤡᤱᤒᤠ ᤐᤠᤣᤅ᤻ᤒᤠ ᤘᤠ ॥ ᤁᤢᤛᤱ ᤛᤠᤶᤕᤠᤣᤀᤠᤣ ᤛᤠᤶᤎᤠᤱ ᤘᤠᤖᤢᤶ ᤁᤧᤒᤠᤣᤅ᤻ᤒᤠ ᤛᤠᤶᤕᤠᤣᤛᤠᤜᤠ᤹ ᤛᤠᤶᤕᤠᤣ ᤛᤠᤰᤌᤡᤶ ᤏᤢ ᤐᤏᤠᤣᤒᤠ ᤂᤠᤛᤠᤶ ᤋᤠᤱᤛᤧᤵᤐᤡ ᤌᤠᤣᤒᤠᤣ ᤆᤠᤣᤁ᤻ᤁᤡ ᤜᤡᤴᤍᤠᤣᤁ᤻ ᤛᤠᤱᤛᤣᤒᤠ ᤆᤠᤣᤃᤢᤶ ᤗ᤹ᤖᤡᤰ ᤛᤠᤶᤕᤠᤣ ᤌᤠᤁᤢᤖᤧ ᤂᤠᤜᤢᤴ ᤕᤢᤰᤋᤢᤛᤡ ॥
ᤐᤕᤶ ᤕᤧᤳ ᤏᤠᤶᤎᤢᤱ ᤗᤠᤎᤢᤱ ᤛᤣᤔᤡ ᤛᤣᤘᤠᤏᤢ ᤛᤠᤣᤛᤠᤣᤖᤡᤰ ᤆᤀᤡᤋ᤻ᤗᤢᤱ ᤛᤢᤏᤠᤜᤴ ᤁᤧᤒᤠᤣᤅ᤻ᤒᤠ ᤌᤡᤶᤒᤣ᤹ᤀᤠᤣ ᤐᤠᤱᤓᤣᤛᤠᤒᤠᤜᤠ᤹ ᤏᤢ ᤕᤁ᤻ᤘᤠᤍᤱ ᤋᤧᤴᤒᤠ ᤛᤠᤶᤕᤠᤣᤛᤠᤜᤠ᤹ ᤜᤧᤴ ᤌᤡᤶᤒᤣᤀᤠᤣ ᤆᤡᤈᤧᤵᤐᤠᤣ ᥋ ᤜᤧᤴᤇᤡᤱᤅᤠᤱᤎᤠᤣ ᤕᤠᤵᤔᤡ ᤔᤧᤈᤢᤵᤛᤧᤀᤠᤱ ᤔᤧᤘᤕᤠ ॥
ᤐᤕᤶ ᤌᤡᤶᤒᤣ᤹ᤀᤡᤴ ᤀᤰᤋᤶᤒᤠ ᤐᤠᤣᤅ᤻ᤔᤠᤀᤠᤣ ᤜᤣᤁ᤻ᤕᤠᤶᤒᤠᤖᤧ ᤜᤠᤶᤒᤣᤪᤁ᤻ᤘᤠᤖᤧ ᤛᤡᤒᤢᤀᤠᤱ ᤘᤠ ॥ ᤌᤡᤶᤒᤣ ᤋᤱᤜᤡᤒᤠ ᤌᤠᤣᤛᤢᤍᤡᤶᤔᤠ ᤒᤡᤖᤜᤠᤱᤔᤠᤖᤧ ᤀᤡᤛᤡᤰ ᤛᤠᤵᤔᤢᤴᤎᤢᤶᤔᤠᤒᤠ ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤑᤸᤃᤢᤏᤴᤍᤖᤧ ᤁᤴ ᤋᤧᤴᤏᤠᤣ᤹ ᤒᤡᤁᤪᤶ ᤋᤱᤒᤣ ᥇᥏᥏᥆ ᤖᤧ ᤛᤣᤘᤠ ᤋᤠᤰᤋᤧᤴ ᤑᤰᤗᤠᤱᤗᤢᤱ ᤐᤣᤀᤡᤸᤗᤧ ᤛᤣᤘᤠ ᤆᤠᤣᤃᤢᤒᤠ ᤐᤠᤏ᤻ᤗᤠᤣᤁ ᤘᤠ ॥
ᤁᤴ ᤋᤧᤴᤏᤡᤴ ᤋᤠᤱᤛᤧᤵᤔᤠᤖᤧ ᤑᤠ᤹ᤀᤠᤱ ᤗᤌᤡᤰ ᤔᤠᤱᤜᤡᤶ ᤔᤧᤈᤠᤣᤃᤢ ॥ ᤔᤠᤱᤜᤡᤶᤏᤢ ᤛᤠᤣᤛᤠᤣᤖᤡᤰ ᤏᤡᤛ᤻ᤛᤣᤜᤠᤱᤔᤠᤖᤧ ᤆᤀᤡᤋ᤻ᤗᤢᤱ ᤔᤧᤈᤠᤣᤃᤢ ॥ ᤌᤡᤶᤒᤣ᤹ᤀᤡᤴ ᤀᤠᤸᤛᤠᤱ ᤕᤠᤁ᤻ᤔᤧᤸᤗᤢᤱᤒᤠ ᤆᤠᤣᤁ᤻ᤔᤠᤖᤧ ᤑᤠ᤹ᤀᤠᤱ ᤛᤱᤈᤢᤶ ᤛᤡᤃᤠᤱ ᤌᤡᤰᤜᤢᤵ ᤔᤧᤒᤠᤣᤂᤠᤀᤠᤱ ᤁᤡᤖᤠᤋ᤻ ᤛᤠᤶᤕᤠᤣ (ᤛᤡᤛ᤻ᤛᤣᤜᤠᤱᤔᤠ ᤔᤠᤗᤠᤶ) ᥊᥎ ᤜᤡᤶ ᤛᤕᤅ᤻ ᤛᤠᤶᤎᤠᤱ ᤘᤠᤖᤢᤶ ᤔᤧᤒᤠᤣᤂᤠ ॥
ᤁᤁ᤻ᤑᤧᤰᤘᤠ ᥇᥋ ᤏᤢ ᥇᥌ ᤏᤠᤶᤗᤧ ᤕᤠᤶᤔᤠ ᤛᤠᤶᤍᤠᤱ ᤘᤠᤖᤢᤶᤛᤠᤒᤠ ᤒᤗᤠᤖᤠᤔ᤻ ᤂᤈᤢᤶ ᤗᤠᤶᤒᤠ ᤛᤠᤶᤎᤠᤱ ᤘᤠᤖᤢᤶ ᤁᤧᤒᤠᤣᤅ᤻ᤒᤠ ᤛᤠᤶᤕᤠᤣᤛᤠ ᤂᤠᤏᤡᤴ ᤏᤢ ᤜᤡᤶᤋᤢᤶᤒᤠᤖᤧ ᤔᤡᤱ ᤛᤠᤃᤖ ᤁᤣᤖᤢᤱ ᤗᤠᤶᤒᤠ ᤋᤩᤠᤒᤠ ॥
| ᥇, ᤛᤠᤃᤖ ᤁᤣᤖᤢᤱ ᥈, ᤛᤠᤣᤔ᤻ ᤁᤣᤖᤢᤱ ᥉, ᤓᤃᤡᤔᤠᤏ ᤂᤈᤢᤶ ᥊ ᤜᤷᤁᤛᤡᤱ ᤁᤣᤖᤢᤱ ᥋, ᤕᤠᤔ᤻ ᤁᤢᤖᤢᤶᤒᤠᤱ ᥌ ᤔᤍᤏ ᤁᤣᤖᤢᤱ ᥍, ᤔᤏᤧᤴᤍᤪ ᤁᤣᤖᤢᤱ ᥎, ᤛᤡᤘᤁᤢᤔᤠᤖ ᤌᤠᤶᤛᤢᤜᤠᤱ ᥏, ᤇᤡᤋᤡᤈ ᤁᤣᤖᤢᤱ ᥇᥆, ᤗᤠᤣᤁᤧᤴ ᤈᤒᤣᤃᤢ ᥇᥇, ᤃᤶᤓᤡᤖᤜᤠᤱ ᤁᤣᤖᤢᤱ ᥇᥈, ᤜᤷᤁᤛᤡᤱ ᤁᤣᤖᤢᤱ | ᥇᥉, ᤁᤡᤪᤛ᤻ᤏᤁᤢᤔᤠᤖᤡ ᤆᤒᤣᤃᤢ ᥇᥊, ᤒᤡᤏᤠ ᤀᤠᤱᤒᤠᤣ ᤈᤒᤣᤃᤢ ᥇᥋, ᤛᤠᤣᤏᤠᤶᤜᤠᤱ ᤈᤒᤣᤃᤢ ᥇᥌, ᤛᤢᤷᤕ ᤁᤣᤖᤢᤱ ᥇᥍, ᤀᤢᤐᤧᤴᤍᤪ ᤕᤧᤰᤋᤧᤴ ᥇᥎, ᤕᤢᤒᤧᤴᤍᤪ ᤁᤣᤖᤢᤱ ᥇᥏, ᤀᤓᤡᤛᤣᤏ᤻ ᤁᤣᤖᤢᤱ ᥈᥆, ᤛᤢᤃᤶ ᤋᤠᤶᤛᤢᤜᤠᤱ ᥈᥇, ᤜᤠᤣᤔ᤻ᤖᤠᤈ ᤌᤠᤶᤛᤢᤜᤠᤱ ᥈᥈, ᤐᤪᤈᤠ ᤐᤪᤁᤠᤛ ᤜᤠᤅᤠᤠᤖᤢᤶᤒᤠ ᥈᥉, ᤖᤠᤈᤢ ᤌᤠᤶᤛᤢᤜᤠᤠᤱ ᥈᥊, ᤛᤴᤈᤕ ᤁᤣᤖᤢᤱ | ᥈᥋, ᤋᤡᤷᤌ ᤜᤠᤱᤛᤖᤢᤶᤒᤠ ᥈᥌, ᤒᤡᤏᤠ ᤌᤠᤶᤛᤢᤜᤠᤱ ᥈᥍, ᤃᤩᤠᤏᤧᤴᤍᤪ ᤁᤣᤖᤢᤱ ᥈᥎, ᤀᤃᤶᤔᤠᤕᤠ ᤋᤢᤶᤒᤠᤐᤠᤣ ᥈᥏, ᤔᤎᤢ ᤁᤣᤖᤢᤱ ᥉᥆, ᤀᤈᤡᤋ᤻ ᤕᤠᤣᤅ᤻ᤕᤠ ᥉᥇, ᤈᤕᤁᤢᤔᤠᤖᤡᤡ ᤜᤠᤱᤛᤖᤢᤶᤒᤠ ᥉᥈, ᤒᤗᤒᤜᤠᤍᤢᤖ ᤁᤣᤖᤢᤱ ᥉᥉, ᤆᤣᤗᤡᤑᤢᤱᤔᤠ ᤁᤣᤖᤢᤱ ᥉᥊, ᤀᤡᤱᤘᤠᤖᤠ ᤈᤒᤣᤃᤢ ᥉᥋, ᤃᤠᤤᤋᤔ ᤈᤒᤣᤃᤢ ᥉᥌, ᤛᤢᤏᤢᤜᤠᤱ ᤜᤠᤱᤛᤖᤢᤶᤒᤠ | ᥉᥍, ᤑᤢᤱᤜᤠᤱ ᤁᤣᤖᤢᤱ ᥉᥎, ᤃᤩᤠᤏᤢᤛᤠ ᤁᤣᤖᤢᤱ ᥉᥏, ᤐᤒᤡᤋᤪᤠ ᤒᤣᤄᤠ ᥊᥆, ᤐᤢᤗᤠᤛ᤻ᤋ ᤈᤒᤣᤃᤢ ᥊᥇, ᤍᤡᤐᤣᤛ ᤁᤣᤖᤢᤱ ᥊᥈, ᤓᤖᤋ ᤈᤒᤣᤃᤢ ᥊᥉ ᤛᤠᤗᤢ ᤋᤢᤔᤠᤪᤣᤁ᤻ ᥊᥊, ᤁᤔᤗ ᤂᤈᤢᤶ ᥊᥋, ᤑᤡᤐᤖᤠᤈ ᤁᤣᤖᤢᤱ ᥊᥌, ᤛᤢᤖᤧᤴᤍᤪ ᤁᤣᤖᤢᤱ ᥊᥍, ᤖᤔᤠ ᤕᤠᤖᤡ ᤁᤣᤖᤢᤱ ᥊᥎, ᤂᤢᤛ᤻ᤒᤢ ᤁᤣᤖᤢᤱ |
ᤏᤡᤛ᤻ᤛᤣᤜᤠᤱᤔᤠᤖᤧ ᤂᤠᤜᤢᤴ ( ᤋᤠᤏ᤻ᤍᤡ ᤕᤖᤡᤰ ᤛᤠᤶᤕᤠᤣ ᤔᤧᤍᤠ, ᤜᤡᤏᤡ᤹ ᤀᤠᤒᤠᤱᤅᤣ ᤛᤠᤶᤕᤠᤣᤀᤡᤴ ᤜᤢᤱᤕᤠᤱ ᤜᤢᤅᤧᤶᤔᤧᤀᤠᤱᤛᤠᤱ ᤔᤧᤗᤧ᤹ᤗᤧᤵᤐᤠ ᤋᤡᤁ᤻ᤋᤧᤶᤔᤧ ॥ ᤔᤠᤱᤕᤠᤔ᤻ᤒᤰ ᤏᤠᤶᤒᤵᤐᤳ ᤜᤠᤱᤕᤠᤔᤒᤰᤁ ᤁᤢᤛᤠᤰᤌᤡᤰᤗᤰᤗᤠᤣ ॥ ) ᤐᤠᤏᤗᤠᤣᤁ᤻ ᤀᤡᤛᤡᤰ ᤁᤴ ᤕᤠᤣᤓᤠᤀᤠᤣ ᤕᤁᤘᤠᤍᤱ ᤏᤠᤘᤠᤒᤠ ᤛᤠᤶᤕᤠᤣᤜᤠ᤹ ᤔᤧᤒᤠᤣᤏ᤻ᤍᤠᤀᤠᤱ ᤔᤧᤘᤠ ॥
ᤀᤠᤒᤠᤱᤅᤣ ᤐᤠᤏ᤻ᤍᤠ ᤏᤢ ᤛᤠᤵᤐᤠᤏ᤻. ᤛᤠᤰᤌᤡᤶ. ᤌᤡᤱᤃᤠ. ᤏᤡᤛᤢᤶᤌᤡᤶ. ᤂᤠᤛᤠᤶ ᤋᤠᤱᤛᤧᤐ᤻ᤔᤠᤃ ᤀᤠᤒᤠᤱᤅᤣ ᤛᤠᤶᤕᤠᤣ ᤗᤠ᤹ᤒᤠᤖᤰ ᤑᤠᤣᤓᤠᤣ ᤐᤠᤣᤅ᤻ᤒᤠᤸᤗᤧ ᤆᤠᤣᤃᤢᤸᤗᤧ ᤁᤡᤖᤠᤋ᤻ ᤛᤠᤶᤕᤠᤣᤀᤠᤣ ᤐᤠᤱᤓᤣ᤹ᤒᤠ ᤁᤧᤖᤧᤰ ᤌᤡᤰᤏᤡᤱᤘᤠ ᤌᤡᤰᤜᤢᤵᤐᤠᤱ ᤛᤠᤶᤎᤠᤱ ᤘᤠᤖᤢᤶ ᤔᤧᤎᤠᤛᤡᤱᤒᤠ ᤐᤠᤏ᤻ ᤜᤣᤁ᤻ᤕᤠᤔ᤻ᤒᤠ ᤛᤠᤃᤖ ᤁᤣᤖᤢᤱᤖᤧ ᤐᤠᤋᤢ ॥
ᤛᤡᤃᤠᤱᤏᤢ ᤛᤠᤶᤕᤠᤣ ᤛᤠᤰᤌᤡᤶ ᤁᤢᤛᤡᤱ ᤁᤧᤏᤡᤐ᤻ᤐᤠᤖᤧᤖᤰ ᤗᤠᤈᤣ᤹ ᤛᤡᤱᤒᤢᤱ ᤋᤠᤱᤛᤧᤐ᤻ᤔᤠ ᤔᤠᤗᤠᤶ ᤜᤴᤒᤠ ᤐᤠᤏ᤻ ᤛᤡᤛ᤻ᤛᤣᤜᤠᤱᤔᤠᤖᤧ ᤂᤠᤜᤢᤴᤏᤠᤣ᤹ ᤛᤠᤵᤐᤣ ᤐᤠᤣᤂᤠᤀᤠᤱ ᤘᤠᤖᤠᤣ ॥
ᤐᤠᤏᤠᤣᤒᤠ ᤕᤠᤱᤏᤠᤶ ᤂᤸᤗᤱᤃᤠᤋᤠᤖᤒᤠ ᤁᤢᤀᤡᤛᤡᤰ ᤘᤣ᤹ ᤋᤧᤴᤒᤠ ᤛᤱᤈᤢᤶᤖᤧᤀᤠᤱ ᤏᤡᤛ᤻ᤛᤣᤜᤠᤱᤔᤠ ᤔᤠᤗᤠᤶᤔᤡᤴ ᤋᤡᤁ᤻ᤔᤠᤀᤠᤣ ᤌᤡᤰᤜᤢᤵ ᤐᤠᤣᤅ᤻ᤔᤠᤀᤠᤱ ᤋᤃᤡ ᤐᤠᤣᤔᤠᤀᤠᤣ ᤕᤠᤱᤏᤠᤶ ᤂᤸᤗᤱᤃᤠ ᤗᤠᤶᤒᤠ ᤜᤢ᤹ᤛᤡᤱᤔᤠ ᤐᤠᤣᤅ᤻ᤗᤠᤣ ॥
ᤆᤀᤡᤋ᤻ ᤛᤢᤏᤡᤗ ᤛᤣᤖ᤻ᤔᤠ ᤏᤠᤣᤛᤠᤱ ᤏᤢ ᤛᤢᤔᤏ ᤗᤠᤀᤠᤣᤋᤡ ᤏᤠᤣᤔᤡᤱᤛᤠᤣ
