ᤔᤧᤴᤇᤠᤶᤃᤧᤴ ᤏᤠᤶᤕᤠ᤹ᤔᤡᤖᤧ ᤜᤡᤱᤔᤴᤏᤡᤴ ᤕᤁ᤻ᤔᤧᤗᤢᤱᤒᤠ ᤕᤧ᤹ᤗᤧᤱ ᤕᤧ᤹ᤗᤧᤱ ᤂᤠᤣᤔᤧᤍᤧᤳᤏᤧᤴ ᤂᤧᤸᤗᤧ ᤆᤠᤣᤃᤢᤸᤗᤧ ᤕᤠᤶᤈᤡᤰ ᤐᤠᤏᤣᤖᤡᤰ ᤁᤵᤔᤠ ॥ ᤆᤢᤱᤈᤡᤁ᤻ᤐᤠ ᤕᤧᤶᤔᤠᤣ ᤕᤠᤶᤈᤡᤰᤁᤡᤴ ᤛᤧᤐ᤻ᤔᤠ ᤐᤠᤣᤅ᤻ ॥ ᤔᤧᤏ᤻ᤏᤧᤓᤃᤖ ᤀᤠᤸᤗᤠᤣᤒᤠ ᤕᤠᤶᤒᤣ᤹ ᤛᤧᤶᤔᤠᤖᤧ ᤋᤢᤰᤔᤠ ᤛᤠᤰᤔᤠ ᤐᤠᤣᤅ᤻ ॥ ᤕᤠᤶᤍᤢᤰᤁᤠᤱ ᤀᤢᤏᤠᤣᤏᤢ ᤛᤠᤣᤛᤠᤣᤖᤡᤰ ᤕᤖᤡᤰ ᤕᤠᤱ ᤐᤣᤁ᤻ ᤜᤧᤸᤗᤧ ᤆᤠᤣᤃᤢᤸᤗᤧ ᤕᤠᤣ ᤛᤠᤵᤏᤠᤒᤠ ᤁᤢᤛᤡᤱ ᤆᤢᤱᤈᤡᤁ᤻ᤐᤠ ᤕᤧᤶᤔᤠᤣ ᤛᤧᤐ᤻ᤛᤡᤱᤔᤠ ᤛᤢᤰᤋᤧᤳᤗᤠᤣ ॥
ᤁᤧᤃᤠᤣᤒᤠ ᤁᤫᤠᤁᤢᤈᤠ᤹ ᤆᤠ ᤆᤠᤔᤠ –
ᤆᤢᤱᤈᤡᤁ᤻ᤐᤠ ᤕᤧᤶᤔᤠᤣ ᤋᤠᤏᤠᤶᤛᤠ ᤁᤧᤃᤣᤒᤠ ᤔᤠᤱᤍᤁ᤻ ᤜᤠᤁ᤻ᤘᤠ ᤕᤠᤏᤧᤓᤃᤖ ॥ ᤔᤧᤴᤇᤠᤱ ᤆᤠ ᤆᤠᤣᤁ᤻ᤔᤠ ᤆᤠᤔᤠᤸᤗᤧ ᤁᤫᤠ ᤁᤢᤈᤠ᤹ ᤁᤠᤶᤗ ᤆᤠᤣᤁ᤻ᤔᤠᤀᤠᤱ ᤆᤠᤔᤠᤸᤗᤧ ᤕᤠᤶᤒᤣ᤹ᤔᤠᤱ ᤐᤃᤠᤣᤒᤠ ᤐᤠᤣᤅ᤻ ॥ ᤕᤧ᤹ᤕᤠᤁᤠᤱ ᤕᤠᤔ᤻ᤒᤰ ᤆᤠᤣᤁᤔᤠ ᤜᤣᤁ᤻ᤔᤠᤸᤗᤧ ᤕᤠᤶᤒᤣ᤹ᤔᤠᤴ ᤁᤢᤶᤛᤡᤱᤗᤠᤣ ॥
ᤁᤧᤃᤠᤣᤒᤠ ᤆᤠᤱᤘᤠ ᤆᤠᤱᤔᤠ –
ᤀᤰᤋᤶᤒᤠ ᤁᤧᤛᤧᤶᤒᤠ ᤕᤧᤶᤔᤠᤣ ᤁᤧᤃᤠᤣᤒᤠ ᤆᤠᤱᤘᤠ ᤆᤠᤱᤔᤠᤐᤠᤣᤅ᤻ ॥ ᤁᤧᤃᤠᤣᤒᤠ ᤆᤠᤱᤘᤠ ᤜᤠᤣᤐ᤻ᤛᤠᤱ ᤁᤢᤃᤠᤵ ᤁᤢᤃᤠᤵ ᤆᤠᤱᤘᤠᤜᤠ᤹ ᤆᤠᤱᤔᤠ ᤐᤠᤣᤅ᤻ ॥ ᤆᤡᤖᤡᤱᤗᤡᤱᤒᤠᤜᤠ᤹ ᤛᤡᤃᤠᤱ ᤏᤢ ᤏᤢᤏᤢᤒᤠᤜᤠ᤹ ᤐᤠᤂᤠ ᤏᤡᤎᤠᤐᤗ ᤆᤠᤱᤔᤠᤀᤠᤱ ᤘᤠᤔᤠᤸᤗᤧ ᤐᤏᤠᤣᤒᤠ ᤐᤠᤣᤅ᤻ ॥ ᤜᤣᤰᤁᤣᤗ᤻ᤗᤣ ᤕᤠᤶᤒᤣ᤹ᤔᤠᤴ ᤁᤢᤵᤛᤡᤱ ॥ ᤆᤠᤱᤘᤠᤀᤠᤣ ᤋᤐᤡ . ᤜᤢᤰᤛᤢᤐ᤻ᤐᤠ . ᤗᤠᤱᤛᤢᤐ᤻ᤐᤠ. ᤛᤢᤔ᤻ᤒᤠ. ᤈᤩᤠᤁᤣᤋ ᤘᤃᤣᤖᤠ ॥
ᤔᤡᤈᤠ᤹ᤔᤠ –
ᤁᤢᤓᤠ᤹ᤋᤧᤴᤏᤠᤣ ᤀᤠᤂᤧᤴᤇᤠᤱ ᤁᤧᤛᤧᤔ᤻ᤒ ᤘᤠᤏᤠᤶ ᤘᤠ ᤜᤧᤰᤋᤶᤒᤠᤋᤧᤴᤀᤠᤣ ᤕᤠᤔ᤻ᤒᤁ᤻ ᤆᤠᤣᤁᤔᤠᤸᤗᤧ ᤁᤧᤃᤠᤧᤒᤠ ᤘᤫᤠᤖᤰ ᤕᤠᤱᤔᤠ ᤏᤢ ᤔᤡᤈᤠ᤹ᤶᤔᤠ ॥ ᤁᤢᤓᤠ᤹ ᤋᤧᤴᤏᤠᤣ ᤔᤡ᤺ ᤁᤧᤜᤠᤣᤐᤠᤀᤠᤣ ᤜᤡᤋ᤻ᤖ ᤜᤠᤔ᤻ᤔᤠᤀᤠᤱ ᤆᤠ᤹ᤔᤠ ᤀᤡᤸᤗᤡᤶ ᤘᤠᤖᤠᤣ ॥
