ᤁᤁ᤻ᤑᤧᤰᤘᤠ ᥇, ᤔᤠᤱᤛᤣᤒᤢᤱ / ᤕᤠᤱᤏᤡᤶᤌᤡᤶᤒᤠᤖᤧ ᤛᤡᤔᤡᤁ᤻ᤗᤢᤱ ᤁᤢᤍᤡᤶ ᤁᤁ᤻ᤑᤧᤰᤘᤠ ᤋᤱᤏᤠᤶ ᤔᤣᤍᤠᤣᤛᤢᤀᤠᤱ ᤘᤠ ॥ ᤁᤴ ᤕᤠᤣᤓᤠᤒᤠ ᤏᤠᤶᤒᤡᤴ ᤐᤡᤛᤠᤱ ᤗᤧᤶᤈᤱ ᤁᤁ᤻ᤑᤢᤱᤅᤡᤴ ᤑᤧᤰᤁᤠᤱ ᤐᤏᤠᤣᤏᤠᤣᤖᤡᤰ ᤁᤢᤏᤠᤶᤏᤢ᤹ᤖ ᤗᤠᤈᤣ᤹ ᤛᤡᤱᤒᤢᤱ ᤂᤧᤶᤍᤢᤖ ᤕᤢᤱᤒᤠ ᤗᤠ ᤁᤢᤜᤣᤁ᤻ᤛᤡᤱ ᤐᤠᤣᤅ᤻ᤒᤠ ᤛᤢᤕᤧᤶ ᤀᤤᤏ᤻ ᤁᤁ᤻ᤑᤧᤰᤘᤠ ᥇ ᤏᤠᤶᤖᤧ ᤕᤠᤶᤔᤠ ᤋᤱᤏᤠᤖᤧ ᤏᤠᤘᤠᤀᤠᤣ ᤀᤢ᤺ᤏᤠᤒᤠ ᤕᤧᤶᤔᤠᤱᤎᤠᤣ ᤋᤠᤣᤔᤠ ᤀᤡᤸᤗᤡᤶ ᤘᤠ ॥
ᤁᤁ᤻ᤑᤧᤰᤘᤠ ᤋᤱᤏᤠᤶᤔᤡᤴ ᤁᤁ᤻ᤑᤧᤰᤘᤠ ᤘᤠᤖᤢᤶᤛᤡᤱᤔᤠ ᤏᤢ ᤂᤣᤆᤠᤔᤠ ᤋᤱᤏᤠᤶᤖᤧ ᤏᤠᤀᤠᤣ ᤀᤠᤍᤠᤣᤛᤢᤶ ॥ ᤀᤤᤏ᤻ ᤁᤁ᤻ᤑᤧᤰᤘᤠ ᤋᤱᤏᤶᤔᤡᤴ ᤕᤁ᤻ᤘᤠᤍᤱ ᤛᤢᤘᤠᤱᤗᤣ ᤀᤠᤒᤠᤅᤣ ᤛᤠᤶᤕᤠᤣ ᤛᤠᤰᤌᤡᤶ ᤀᤡᤛᤡᤰ ᤔᤧᤍᤠᤣᤛᤢ᤹ ॥ ᤁᤢᤒᤠᤓᤠ᤹ ᤛᤢᤘᤠᤱᤗᤣ ᤁᤢᤛᤱ ᤋᤱᤏᤠᤶᤖᤧ ᤏᤠᤘᤠᤀᤠᤣᤀᤠᤱ ᤔᤧᤍᤠᤣᤛᤢ, ᤁᤢᤓᤠ᤹ᤖᤧ ᤋᤱᤏᤖᤶᤖᤧ ᤏᤠᤘᤠᤀᤠᤣᤖᤰ ॥
ᤏᤡᤛ᤻ᤛᤣᤜᤠᤱᤔᤠ ᤗᤠᤈᤣ᤹ ᤔᤡᤱᤛᤠᤣ ᤔᤧᤶᤔᤠ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤑᤸᤃᤢᤏᤴᤍᤖᤧ ᤏᤡᤛᤠᤶ /ᤔᤠᤗᤠᤶ ᤂᤠᤣᤛᤢᤒᤠ ᤍᤣᤀᤢᤔᤠᤀᤡ ᥏,ᤒᤠ ᤂᤋᤪᤰᤐᤠ ᤋᤧᤴᤀᤠᤣ ᤁᤡᤖᤠᤋ᤻ ᤛᤠᤶᤕᤠᤣ ᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱ ᤏᤢ ᤛᤠᤶᤕᤠᤣ ᤌᤠᤁᤢᤔᤠ ᤒᤠᤔ᤻ᤒᤠ ᤐᤒᤡᤋᤪᤜᤠᤱᤔᤠ ᤗᤡᤱᤍᤧᤴᤛᤡ᤹ ᤋᤩᤧᤛᤡᤒᤠ ᤌᤡᤶᤒᤣ᤹ᤀᤠᤣ ᤗᤠᤎᤠ᤹ ᤋᤢᤔᤩᤠᤜᤠᤱ ᤒᤛᤏ᤻ᤋᤁᤢᤔᤠᤖ ᤏᤧᤶᤒᤠᤱ ᤋᤢᤶ ᤋᤖᤣᤒᤠ ᤋᤩᤧᤀᤠᤱ ᤘᤕᤠ ॥
