ᤛᤠᤵᤔᤢᤴᤎᤢᤶᤔᤡᤒᤠ ᤕᤠᤰᤌᤢᤱ ᤗᤠᤈᤣ᤹ (ᤂᤠᤶᤒᤣᤁ᤻ᤔᤠ)ᤀᤡᤴ ᤏᤢᤁ᤻ᤔᤠᤑᤠ᤹ᤀᤠᤱ ᤐᤕᤶ-ᤗᤠᤈᤣ᤹ᤒᤠ ᤂᤠᤛᤧᤴ ᤜᤡᤶ ᤐᤣᤁ᤻ᤏᤠᤒᤠ 

ᤔᤠᤱᤛᤣᤒᤢᤱ, ᥈᥌ ᤛᤧᤴᤇᤪᤧᤱᤗᤠ ᥈᥆᥎᥆ / ᤛᤢᤴᤛᤖᤡ  ᤎᤖᤠᤏ᤻ᤀᤠᤣ ᤁᤧᤒᤠᤣᤅ᤻ᤒᤠ ᤕᤠᤰᤌᤢᤱ ᤛᤢᤘᤠᤱᤛᤡᤃᤠᤱᤒᤠ ᤛᤅ᤻-ᤛᤅ᤻ᤖᤧ ᤏᤡᤛᤡᤃᤣᤁ᤻ᤐᤠ ᤆᤢᤶᤗᤢᤱᤅᤠᤣ ᤛᤠᤵᤔᤢᤴᤎᤢᤶᤔᤡᤒᤠ ᤂᤠᤶᤒᤣᤁ᤻ᤔᤠᤴ ᤏᤢᤁ᤻ᤔᤠ ᤑᤠ᤹ᤀᤠᤱ ᤆᤢᤶᤗᤢᤱᤖᤧ ᤂᤠᤗᤠᤣᤏ᤻ ᤆᤠᤣᤃᤢᤀᤠᤱ ᤘᤠ ॥

ᤆᤢᤶᤗᤢᤱᤅᤠᤣ ᤒᤡᤁᤪᤶ ᤋᤱᤒᤣ ᥇᥎᥉᥇ ᤋᤱᤔᤣ (ᤒᤠ ᤛᤴᤎᤡ ) ᤀᤡᤛᤡᤰ ᤆᤩᤀᤠᤣ ᤌᤡᤶ ᤗᤠᤅᤧᤴ ᤜᤢᤰᤛᤣᤏ᤻ ᤛᤢᤶᤔᤠᤀᤠᤱ ᤁᤵᤕᤠᤰᤐᤱᤃᤧᤴ ᤂᤠᤛᤧᤴᤗᤢᤱ ᤕᤠᤰᤌᤢᤱ ᤗᤠᤈᤣ᤹ᤒᤠ ᤛᤠᤵᤔᤢᤴᤎᤢᤶᤔᤡᤒᤠ ᤂᤠᤶᤒᤣᤁ᤻ᤔᤠᤴ (ᤗᤡᤶᤒᤢᤘᤠᤏ᤻ ᤗᤠᤈᤣ᤹) ᤏᤢᤁ᤻ᤔᤠᤖᤧ ᤑᤠ᤹ᤀᤠᤱ. ᤂᤠᤣᤗᤰ ᤂᤠᤣᤔᤠᤖᤧ ᤑᤠ᤹ᤀᤠᤱ ᤌᤡᤒᤠᤣᤅ᤻ ᤕᤠᤰᤌᤢᤱᤖᤧ ᤕᤧᤁ᤻ᤐᤠ ᤆᤢᤶᤗᤢᤱᤅᤡ  ᤂᤠᤗᤠᤣᤏ᤻ ᤐᤠᤣᤂᤣᤀᤠᤱ ᤘᤠ ॥ ᤛᤠᤵᤔᤢᤴᤎᤢᤶ ᤁᤢᤀᤡᤛᤡᤰ ᤆᤢᤶᤗᤢᤱ ᤏᤢ ᤋᤡᤔᤩᤠᤜᤠᤱ ᤌᤡᤶᤔᤡᤴ ᤕᤠᤶᤔᤠᤣ ᤁᤢᤜᤡᤱᤘᤧᤳ ᤆᤠᤣᤁ᤻ᤁᤡ  ᤀᤠᤣᤃᤵ ᤆᤠᤣᤁ᤻ᤔᤠ ᤁᤧᤒᤠᤣᤅ᤻ᤒᤠ ᤂᤠᤗᤠᤣᤏ᤻ ᤐᤠᤣᤂᤠᤀᤠᤱ ᤘᤠ ॥

ᤕᤠᤰᤌᤢᤱᤒᤠᤜᤠ᤹ᤖᤧ ᤛᤠᤵᤔᤢᤴᤎᤢᤶᤔᤡᤒᤠ ᤛᤠᤰᤌᤡᤶ. ᤔᤢᤴᤎᤢᤶᤔᤡ ᤋᤧᤏ᤻. ᤆᤣᤜᤡᤶᤋᤧᤴ. ᤋᤠᤶᤓᤢᤱ. ᤌᤰᤛᤠ ᤁᤶᤔᤠᤍᤧᤴ. ᤁᤠᤰᤏᤡᤱᤒᤠᤣᤍᤧᤴ ᤁᤠᤰᤋᤱᤈᤢᤶᤔᤡᤒᤠ ᤋᤧᤴᤜᤠ᤹ᤖᤧ ᤔᤡᤱᤜᤠ᤹ ᤑᤣ᤹ᤔᤧᤗᤠᤏ᤻ᤍᤢᤀᤠᤱ ᤘᤠᤒᤠᤀᤠᤣ ᤕᤠᤶᤔᤠᤣ ᤔᤡᤱᤘᤠᤏ᤻ ᤆᤠᤣᤁ᤻ᤔᤠ ॥ ᤜᤣᤁ᤻ᤕᤠᤔ᤻ ᤏᤢ ᤑᤠ᤹ᤛᤡᤱ ᤆᤠᤣᤁ᤻ᤔᤠ ᤁᤧᤗᤒᤠ ᤆᤢᤶᤗᤢᤱ ᤂᤠᤗᤠᤣᤏ᤻ ᤐᤠᤣᤂᤠᤀᤠᤱ ᤘᤠ ॥

᥇᥇᥏ ᤛᤅ᤻ᤒᤠ ᤛᤱᤈᤢᤶᤓᤠᤣᤖᤧ ᤐᤪᤋᤡᤏᤡᤎᤡ  ᤔᤧᤍᤩᤠᤒᤠ ᤁᤴ ᤐᤕᤶ  ᤆᤢᤶᤗᤢᤱᤗᤠᤶᤒᤠ ᤗᤌᤡᤰ ᤛᤅ᤻ᤗᤠᤶᤒᤠ ᤌᤡᤵᤐᤠ-ᤌᤡᤵᤐᤠ ᤔᤧᤴᤇᤢᤔᤠ ᤏᤢ ᤕᤠᤶᤒᤡᤇᤠ ᤐᤪᤋᤡᤏᤡᤎᤡ ᤐᤠᤣᤅ᤻ᤗ ᥈᥋᥌ ᤐᤠᤛᤡᤱᤅᤡᤒᤠ ᤕᤠᤰᤌᤢᤱ ᤛᤅ᤻ᤅᤡᤒᤠ ᤆᤢᤶᤓᤠᤣ ᤔᤢᤖᤢᤶᤃᤧᤴ ᤜᤣᤁ᤻ᤕᤠᤔ᤻ ᤆᤢᤶᤓᤠᤣ ᤆᤠᤣᤁ᤻ᤛᤡᤱᤅᤠᤀᤠᤱ ᤘᤠ ॥ ᤌᤡᤒᤠᤣᤅ᤻ ᤌᤢᤶᤗᤠᤶᤒᤠ ᥇᥎ ᤐᤠᤛᤡᤱᤅᤡᤒᤠ ᤕᤠᤏ᤻ᤎᤠ᤹  ᤁᤧᤓᤠᤣᤒᤠ ᤛᤜᤈᤡᤁᤖᤏ᤻ ᤆᤢᤶᤓᤠᤣ (ᤛᤆᤡᤘᤠᤗᤕ) ᤀᤠᤱ ᤆᤠᤣᤁ᤻ᤛᤡᤱᤅᤠᤱ ᤘᤠᤒᤠ ᤜᤣᤁ᤻ᤕᤠᤔ᤻ ᤋᤢᤶᤒᤠ ᤏᤴᤍ ᤁᤴᤍᤱᤘᤠᤖᤧ ᤐᤠᤋᤢᤀᤠᤱ ᤘᤠ ॥