ᤔᤠᤱᤛᤣᤒᤢᤱ / ᤁᤡᤖᤠᤋ᤻ ᤛᤠᤶᤕᤠᤣᤌᤠᤁᤢ ᤔᤢᤜᤡᤅ᤻ᤃᤢᤶ ᤀᤱᤛᤡᤔᤠᤱ ᤗᤡᤱᤍᤧᤴ ᤀᤠᤳᤔᤠᤏᤴᤍ ᤛᤣᤀᤡᤱᤖᤧ ᥍᥆ ᤛᤡᤃᤣᤁ᤻ᤐᤠ ᤏᤠᤣ-ᤛᤠᤘᤠᤏ᤻ ᤋᤱᤏᤠᤶ ᤌᤡᤶᤒᤣ᤹ᤀᤡᤴ ᤔᤡᤴ ᤁᤡᤡᤖᤠᤋᤡᤖᤧ ᤛᤢᤏᤠᤜᤴ ᤆᤠᤣᤃᤢ ॥
ᤛᤠᤰᤌᤡᤶ, ᤋᤠᤰᤁᤖ ᤏᤢ ᤕᤢᤰᤑᤠᤣᤛᤠ ᤑᤧᤔᤠᤜᤠᤱᤜᤡᤶᤒᤠ ᤋᤢᤶᤔᤠᤩᤱ ᤛᤢᤍᤏ ᤁᤡᤖᤠᤋᤡᤖᤧ ᤔᤠᤱᤛᤣᤒᤢᤱ ᤛᤠᤶᤕᤠᤣ ᤌᤠᤁᤢᤖᤧ ᤛᤠᤘᤠᤏ᤻ ᤋᤱᤏᤠᤶᤔᤠᤣ ᤐᤣᤀᤠᤱ, ᤏᤣᤐᤠᤗ ᤗᤠᤈᤣ᤹ᤀᤡᤴ ᤛᤠᤶᤕᤠᤣᤒᤠ ᤛᤠᤰᤌᤡᤶ ᤏᤢ ᤕᤠᤱᤄᤴᤖᤧ ᤁᤠᤵᤋᤢᤒᤠ ᤋᤧᤴ ᤕᤖᤡᤰ ᤏᤧᤛᤠᤱ ᤁᤢᤈᤠᤣᤁ᤻ ᤔᤧᤴᤃᤧᤳᤋᤣ ᤘᤠᤒᤠ ॥ ᤁᤴ ᤕᤠᤔ᤻ᤒᤰᤂᤠ᤹ᤀᤠᤣ ᤀᤠᤸᤗ ᤋᤱᤍᤱᤒᤠ ᤕᤢᤰᤑᤠᤣᤖᤧ ᤌᤠᤣᤒᤠᤣ ᤆᤠᤣᤃᤢᤖ ᤋᤣ᤹ᤖᤢᤒᤠ ᤌᤡᤶᤒᤣ᤹ᤘᤠᤒᤠ ᤐᤠᤋᤢᤀᤠᤱ ᤘᤠ ॥
ᤐᤎᤠᤐ᤻ᤐᤠ ᤋᤖᤣᤒᤠᤖᤧ ᤏᤠᤘᤠᤀᤠᤣ ᤁᤧᤍᤠᤔᤠ ᤎᤖᤠᤏ᤻ ᤔᤜᤠᤏᤃᤖᤒᤠ ᤋᤢᤔᤒᤠ ᤜᤷᤁ᤻ᤖᤠᤈ ᤛᤠᤶᤐᤠᤱᤖᤧ ᤌᤠᤁᤢᤖᤧ ᤛᤠᤘᤠᤏ᤻ ᤋᤱᤏᤠᤶ ᤏᤠᤣᤏᤡᤱᤘᤠ ᤐᤠᤏ᤻ ᤋᤠᤣᤏ᤻ᤏᤡ ᤗᤠᤈᤣ᤹ ᤁᤧᤖᤧᤰ ᤐᤠᤣᤅ᤻ᤔᤠᤀᤠᤱ ᤆᤠᤣᤁ᤻ᤔᤠᤸᤗᤧ ᤁᤢᤆᤠᤣᤁ᤻ᤕᤠᤰᤐᤠ ᤏᤢ ᤐᤠᤣᤅ᤻ᤒᤠ ᤐᤠᤋᤢᤀᤠᤱ ᤘᤠ ॥
ᤛᤠᤶᤕᤠᤣᤌᤠᤁᤢᤖᤧ ᤛᤠᤘᤠᤏ᤻ ᤋᤱᤏᤠᤶᤖᤧ ᤛᤢᤕᤧᤶᤔᤠᤣ ᤋᤢᤶᤔᤠᤩᤜᤠᤱ ᤛᤢᤍᤏ ᤁᤡᤖᤠᤋᤡ ᤏᤢ ᤜᤷᤁ᤻ᤖᤠᤈ ᤛᤠᤱᤐᤠᤱᤜᤠ᤹ᤀᤠᤣ ᤏᤠᤈᤶ ᤋᤠᤣᤏ᤻ ᤔᤧᤈᤠᤣᤃᤢᤛᤡᤀᤠᤱ ᤘᤠ ॥
ᤛᤠᤶᤕᤠᤣ ᤌᤠᤁᤢᤔᤠᤱ ᤏᤢ ᤛᤠᤶᤕᤠᤣ ᤌᤠᤁᤢᤔᤠᤔᤠᤱᤛᤡᤖᤧ ᤔᤠᤱᤃᤧᤴᤏᤠ ᤛᤣᤘᤠᤏᤢ ᤛᤠᤣᤛᤠᤣᤖᤡᤰ ᤜᤧᤴᤇᤡᤱ-ᤜᤧᤴᤇᤡᤱ ᤕᤠᤵᤔᤡᤖᤧ ᤛᤠᤣ-ᤛᤠᤣᤖᤡᤰ ᤔᤠᤱᤃᤧᤴᤏᤠ ᤆᤠᤣᤁ᤻ᤔᤠ ᤌᤡᤶᤔᤠᤠᤱ ᤁᤴ ᤋᤱᤒᤣᤀᤠᤱᤎᤠᤣ ᤕᤢᤱᤛᤡᤱᤏᤠᤱᤘᤠ ॥
