Skip to content
ᤏᤧᤐᤠᤗ ᤗᤠᤈᤣ ᤁᤧᤕᤢᤱᤒᤠ ᤕᤖᤡᤰ ᤂᤠᤶᤒᤠᤣᤅᤛᤠ ᤗᤢᤱᤒᤠᤣᤅ᤻ᤛᤠᤖᤧ ᤋᤛ᤻ᤛᤡ ᤋᤱᤏᤠᤶ ᤋᤠᤣᤔᤠ ᤔᤧᤗᤧᤖᤢᤀᤠᤱ ᤘᤠ ॥
बिहिबार, ०९ कार्तिक, २०८०,
ᤛᤢᤏᤡᤗ ᤛᤣᤖ᤻ᤔᤠ (ᤏᤠᤣᤛᤠᤅ᤻)
ᤔᤠᤱᤛᤣᤒᤢᤱ /ᤏᤧᤐᤠᤗ ᤗᤠᤈᤣ ᤁᤧᤕᤢᤱᤒᤠ ᤕᤖᤡᤰ ᤂᤠᤶᤒᤠᤣᤅᤛᤠ ᤗᤢᤱᤒᤠᤣᤅ᤻ᤛᤠᤖᤧ ᤋᤛ᤻ᤛᤡ ᤋᤱᤏᤠᤶ ᤋᤠᤣᤔᤠ ᤔᤧᤗᤧᤖᤢᤀᤠᤱ ᤘᤠ ॥
ᤘᤣ᤹ᤏᤡᤒᤠᤜᤠ᤹ᤖᤧ ᤀᤢᤏᤠᤜᤢᤖᤡ ᤕᤧᤶᤔᤠᤣ ᤂᤠᤶᤒᤠᤣᤅ᤻ᤛᤠ ᤗᤢᤱᤒᤠᤣᤅ᤻ᤛᤠᤖᤧ ᤜᤠᤱᤅᤡᤴ ᤔᤧᤛᤧᤖᤢᤀᤠᤱ ᤜᤢᤴᤇᤡ᤹ ᤛᤛᤠᤣᤋᤛᤖᤠᤱ ᤔᤧᤈᤠᤣᤁ᤻ᤐᤠ ॥ ᤜᤢᤴᤇᤡ᤹ᤀᤣ ᤜᤠᤱᤕᤢᤰ ᤔᤧᤈᤠᤣᤃᤠᤸᤗᤧ ᤋᤛᤡ ᤋᤠᤣᤔᤠ ᤛᤠᤰᤌᤡᤶᤔᤡᤒᤠ ᤀᤡᤸᤗᤡᤶ ᤔᤧᤈᤠᤣᤃᤢᤀᤠᤱ ᤘᤕᤧᤒᤠ ॥ ᤋᤛᤡ ᤔᤧᤴᤍᤠᤣᤔ᤻ᤏᤠᤒᤠᤜᤠ᤹ ᤜᤠᤱᤛᤠᤶᤒᤠᤏ᤻ ᤔᤧᤔᤧᤳᤇᤡᤒᤠ ॥ ᤁᤢᤓᤠ᤹ ᤕᤠᤵᤔᤡ ᤖᤧ ᤋᤛᤡ ᤀᤠᤏᤡ᤹ ᤀᤡᤸᤗᤡᤶ ᤔᤣᤏ᤻ ᤗ᤹ᤖᤡᤰ ᤐᤖᤱᤃᤠ ᤔᤧᤈᤠᤣᤃᤧᤸᤗᤧ ᤖᤠᤔ᤻ᤗᤡᤜᤠᤱ ᤏᤢ ᤖᤡᤍᤠᤔᤠᤜᤠ᤹ ᤒᤡ.ᤋ. ᥇᥏᥉᥉ ᤀᤠᤣ ᤔᤧᤛᤧᤖᤢᤛᤡᤒᤠ ᤛᤠᤵᤔᤢᤴᤎᤢᤶᤔᤠᤱ ᤘᤠ ॥
ᤐᤪᤈᤠᤋᤴᤋᤪ ᤋᤠᤩᤀᤠᤱᤎᤠᤣ ᤕᤢᤰᤑᤠᤣᤛᤠᤖᤧ ᤀᤠᤒᤠᤱᤅᤣ ᤛᤠᤶᤕᤠᤣ ᤛᤠᤰᤌᤡᤶ ᤋᤱᤏᤠᤶ ᤋᤠᤣᤔᤠ ᤗᤧᤵᤔᤡ ᤐᤠᤣᤂᤣ ॥ ᤒᤡ.ᤋ. ᥈᥆᥊᥌ ᤀᤠᤱᤎᤠᤣ ᤂᤠᤶᤒᤠᤣᤅ᤻ᤛᤠ ᤗᤢᤱᤒᤠᤣᤅ᤻ᤛᤠᤖᤧ ᤕᤧ᤹ᤕᤠᤁᤠᤱ ᤋᤛ᤻ᤛᤡ ᤋᤠᤣᤔᤠ ᤔᤧᤗᤧᤖᤢᤒᤠ ᤕᤠᤰᤌᤢᤱ ᤆᤢᤶᤗᤢᤱ ᤑᤠ᤹ᤌᤠᤣᤛᤢᤍᤡᤶᤒᤠ ᤕᤠᤛᤣᤗᤡ ᤕᤠᤣᤅ᤻ᤜᤠᤱᤗᤧ ᤐᤠᤋᤢ ॥
